ਕੁਦਰਤੀ ਖੇਤੀ ਦੀ ਯੂਨੀਵਰਸਿਟੀ ਵਸਾਉਣ ਵਾਲਾ ਕ੍ਰਿਸ਼ਨ ਜਾਖੜ

ਕੁਦਰਤ ਪੱਖੀ ਕੁਦਰਤੀ ਖੇਤੀ ਕਰਨ ਵਾਲੇ ਧੜੱਲੇਦਾਰ ਕਿਸਾਨਾਂ ਦੇ ਜੇਕਰ ਭਾਰਤ ਪੱਧਰ 'ਤੇ ਨਾਂ ਗਿਣੇ ਜਾਣ ਤਾਂ ਚੌਧਰੀ ਕ੍ਰਿਸ਼ਨ ਜਾਖੜ ਪਹਿਲੀ ਸੂਚੀ ਦੇ ਕਿਸਾਨਾਂ 'ਚੋਂ ਇਕ ਹਨ। ਆਪ 350 ਏਕੜ ਕੁਦਰਤੀ ਖੇਤੀ ਕਰਦੇ ਹਨ। ਰਾਜਸਥਾਨ ਦੇ ਜ਼ਿਲ੍ਹਾ ਹਨੂੰਮਾਨਗੜ੍ਹ, ਤਹਿਸੀਲ ਸੰਗਰੀਆ ਦੇ ਪੰਜਾਬ ਦੀ ਹੱਦ ਨਾਲ ਲੱਗਦੇ ਪਿੰਡ ਢਾਬਾ ਦੇ ਵਸਨੀਕ ਚੌਧਰੀ ਕ੍ਰਿਸ਼ਨ ਜਾਖੜ ਜੀ 75 ਬੀਘੇ ਕਿਨੂੰ, 13 ਬੀਘੇ ਅਨਾਰ ਮਾਲਟਾ, 20 ਬੀਘੇ ਅੰਗੂਰ, 30 ਬੀਘੇ ਅਨਾਰ ਤੋਂ ਇਲਾਵਾ ਕਣਕ, ਛੋਲੇ, ਸਰ੍ਹੋਂ, ਮੂੰਗੀ, ਜੁਆਰ ਤੋਂ ਇਲਾਵਾ ਬਹੁਤ ਵੱਡੀ ਪੱਧਰ 'ਤੇ ਪਸ਼ੂ ਚਾਰਾ ਪੈਦਾ ਕਰਦੇ ਹਨ। ਜਾਖੜ ਸਾਹਿਬ ਕੋਲ 100 ਤੋਂ ਵੱਧ ਦੇਸੀ ਗਾਵਾਂ ਹਨ ਅਤੇ ਇਨ੍ਹਾਂ ਦੇ ਗੋਬਰ ਅਤੇ ਮੂਤਰ ਦਾ ਐਸਾ। ਪ੍ਰਬੰਧ ਕੀਤਾ ਗਿਆ ਹੈ ਕਿ ਆਪਣੇ ਆਪ ਜੀਵ ਅੰਮ੍ਰਿਤ ਤਿਆਰ ਹੋ ਜਾਂਦਾ ਹੈ ਅਤੇ ਇਨ੍ਹਾਂ ਗਾਵਾਂ ਦੇ ਗੋਹੇ ਤੋਂ ਜਾਖੜ ਸਾਹਿਬ ਉੱਚ ਤਕਨੀਕ ਰਾਹੀਂ ਊਰਜਾ ਪ੍ਰਾਪਤ ਕਰਕੇ ਦੋ ਜਨਰੇਟਰ (15 K.V.. 5 K.V.) ਆਪਣੇ ਘਰ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਚਲਾਉਂਦੇ ਹਨ। ਜਾਖੜ ਸਾਹਿਬ ਦਾ ਆਮ ਕਿਸਾਨਾਂ ਨੂੰ ਇਹ ਸੁਨੇਹਾ ਹੈ ਕਿ ਅਗਰ ਕਿਸਾਨਾਂ ਨੇ ਆਪਣੇ ਪਰਿਵਾਰਾਂ 'ਚ ਫਿਰ ਖ਼ੁਸ਼ੀ ਅਤੇ ਖੇੜੇ ਲੈ ਕੇ ਆਉਣੇ ਹਨ ਤਾਂ ਉਨ੍ਹਾਂ ਨੂੰ ਰਵਾਇਤੀ ਬੀਜ ਅਤੇ ਰਵਾਇਤੀ ਖਾਦਾਂ ਵੱਲ ਮੁੜਨਾ ਪਵੇਗਾ।

ਪਤਾ : ਚੌਧਰੀ ਕ੍ਰਿਸ਼ਨ ਜਾਖੜ

ਪਿੰਡ ਢਾਬਾ, ਜ਼ਿਲ੍ਹਾ ਹਨੂੰਮਾਨਗੜ੍ਹ।

ਫੋਨ: 094140-91200