ਕੁਦਰਤੀ ਖੇਤੀ ਦੀ ਲੋਕ ਲਹਿਰ : ਸਰਬੱਤ ਦੇ ਭਲੇ ਦੀ ਨਿਮਾਣੀ ਅਰਦਾਸ

2 ਫ਼ਰਵਰੀ, 2005 ਨੂੰ ਖੇਤੀ ਵਿਰਾਸਤ ਮਿਸ਼ਨ ਸਿਰਫ਼ ਤਨ ਦੇ ਕੱਪੜੇ ਲੈ ਕੇ ਪੰਜਾਬ ਦੇ ਸਭ ਤੋਂ ਵੱਧ ਕੈਂਸਰ ਪੀੜਿਤ ਇਲਾਕੇ, ਸਭ ਤੋਂ ਵੱਧ ਕਰਜ਼ਦਾਰ ਇਲਾਕੇ, ਪ੍ਰਦੂਸ਼ਿਤ ਵਾਤਾਵਰਣ ਵਾਲੇ ਇਲਾਕੇ, ਦੇਸ ਦੇ ਸਭ ਤੋਂ ਵੱਧ ਜ਼ਹਿਰਾਂ ਵਰਤਣ ਵਾਲੇ ਇਲਾਕੇ ਅਤੇ ਹੋਰ ਕਈ ਤਰ੍ਹਾਂ ਦੀਆਂ ਕੁਦਰਤੀ ਅਲਾਮਤਾਂ ਦੀ ਮਾਰ ਸਹਿ ਰਹੇ ਇਲਾਕੇ ਵਿੱਚ ਆਇਆ। ਆਪਣੇ ਬਚਪਨ ਵਿੱਚ ਨਾ ਕੋਈ ਆਰਥਿਕ ਸਾਧਨ, ਨਾ ਕੋਈ ਹੋਰ ਵਸੀਲੇ, ਸਿਰਫ਼ ਤੇ ਸਿਰਫ਼ ਪੰਜਾਬ ਦੇ ਅਵਾਮ ਦਾ ਦਿਲ ਵਿੱਚ ਦਰਦ। ਬਹੁ-ਰਾਸ਼ਟਰੀ ਕੰਪਨੀਆਂ ਦੇ ਤੰਦੂਆ ਜਾਲ ਵਿੱਚ ਉੱਲਝਿਆ ਕਿਸਾਨ ਪਰਿਵਾਰਾਂ ਸਮੇਤ ਖੁਦਕੁਸ਼ੀਆਂ ਦੇ ਰਾਹ ਪਏ ਹੋਏ ਕਿਸਾਨਾਂ ਦੀ ਪੀੜਾਂ ਦਾ ਦਰਦ ਜੋ ਕਿਸੇ ਤੋਂ ਝੱਲੀ ਨਹੀਂ ਸੀ ਜਾਂਦੀ, ਉਨ੍ਹਾਂ ਪਰਿਵਾਰਾਂ ਦੇ ਹਾਉਕਿਆਂ ਦੀ ਚੀਸ ਖੇਤੀ ਵਿਰਾਸਤ ਮਿਸ਼ਨ ਨੂੰ ਕਿਸਾਨਾਂ ਦੇ ਭਲੇ ਲਈ ਕੁਝ ਕਰਨ ਲਈ ਹਮੇਸ਼ਾ ਕਹਿੰਦੀ ਰਹਿੰਦੀ। ਸ਼ੁਰੂ-ਸ਼ੁਰੂ ਵਿੱਚ ਮੁਸ਼ਕਲਾਂ ਦਾ ਆਉਣਾ ਤਾਂ ਕੁਦਰਤੀ ਹੀ ਇਕ ਵਰਤਾਰਾ ਹੈ ਪਰੰਤੂ ਜਦੋਂ ਗੱਲ ਹੀ ਕੁਦਰਤ ਪੱਖੀ ਕਰ ਰਹੇ ਹੋਈਏ ਤਾਂ ਕੁਦਰਤ ਸਾਥ ਵੀ ਆਪ ਦੇ ਦਿੰਦੀ ਹੈ। ਬਸ ਠੀਕ ਇਸੇ ਤਰ੍ਹਾਂ ਹੀ ਖੇਤੀ ਵਿਰਾਸਤ ਮਿਸ਼ਨ ਨਾਲ ਹੋਇਆ। ਹਰ ਤਰ੍ਹਾਂ ਦੇ ਸਾਧਨਾਂ ਦੀ ਅਣਹੋਂਦ ਦੇ ਬਾਵਜੂਦ ਖੇਤੀ ਵਿਰਾਸਤ ਮਿਸ਼ਨ ਪਰਿਵਾਰ ਦੇ ਕਿਸੇ ਵੀ ਮੈਂਬਰ ਨੂੰ ਕਦੇ ਇਹ ਨਾ ਲੱਗਾ ਕਿ ਕਿਸ ਸਾਧਨ ਦੀ ਕਮੀ ਹੈ। ਅਸੀਂ ਸ਼ੁਰੂ ਤੋਂ ਹੀ ਕੁਦਰਤ ਪੱਖੀ ਹੋਣ ਕਰਕੇ ਕੁਦਰਤ ਨਾਲ ਖਿਲਵਾੜ ਕਰਨ ਵਾਲੇ ਸਾਰੇ ਢੰਗਾਂ