ਦੇ ਘੋਰ ਵਿਰੋਧੀ ਰਹੇ। ਉਹ ਢੰਗ ਚਾਹੇ ਕਿਸੇ ਵੀ ਖੇਤਰ 'ਚ ਸਨ। ਇਸੇ ਕਰਕੇ ਖੇਤੀ ਵਿਰਾਸਤ ਮਿਸ਼ਨ ਖੇਤੀ ਖੇਤਰ ਵਿੱਚ, ਕੁਦਰਤੀ ਪੱਖ ਨੂੰ ਕਤਲ ਕਰਕੇ ਬਹੁ-ਰਾਸ਼ਟਰੀ ਕੰਪਨੀਆਂ ਵੱਲੋਂ ਲਿਆਂਦੇ ਖਾਦ, ਕੀਟ- ਨਾਸ਼ਕਾਂ ਦੇ ਜਾਲ ਵਿੱਚ ਫਸਾਏ ਕਿਸਾਨਾਂ ਨੂੰ ਕੱਢਣ ਲਈ ਹਮੇਸ਼ਾ ਯਤਨਸ਼ੀਲ ਰਿਹਾ। ਪੰਜਾਬ ਭਰ ਵਿੱਚ ਦੇਸ਼ ਭਰ ਦੇ ਉਨ੍ਹਾਂ ਖੇਤੀ ਮਾਹਿਰਾਂ ਨੂੰ ਬੁਲਾ ਕੇ ਪੰਜਾਬ ਦੇ ਕਿਸਾਨਾਂ ਦੇ ਰੂ-ਬ-ਰੂ ਕੀਤਾ ਗਿਆ ਜਿਨ੍ਹਾਂ ਨੇ ਬਿਨਾਂ ਖਾਦਾਂ, ਕੀਟ-ਨਾਸ਼ਕਾਂ ਤੋਂ ਸਫ਼ਲਤਾ ਪੂਰਨ ਖੇਤੀ ਕੀਤੀ। ਇਨ੍ਹਾਂ ਖੇਤੀ ਮਾਹਿਰਾਂ 'ਚੋਂ ਇਕ ਨਾਂ ਹੈ ਸੁਭਾਸ਼ ਪਾਲੇਕਰ ਜਿਨ੍ਹਾਂ ਨੇ ਹੱਥਲੀ ਕਿਤਾਬ 'ਕੁਦਰਤੀ ਖੇਤੀ ਕਿਵੇਂ ਕਰੀਏ? ਲਿਖੀ ਹੈ। ਉਹ ਵੀ ਪੰਜਾਬ ਆਏ ਅਤੇ ਉਨ੍ਹਾਂ ਨੇ ਆਪਣੇ ਖੇਤੀ ਤਜਰਬੇ ਖੇਤੀ ਵਿਰਾਸਤ ਮਿਸ਼ਨ ਦੇ ਬਹੁਤ ਵੱਡੇ ਪਰਿਵਾਰਾਂ ਦੇ ਮੈਂਬਰਾਂ ਨਾਲ ਸਾਂਝੇ ਕੀਤੇ। ਪੂਰੇ ਪੰਜਾਬ ਭਰ 'ਚੋਂ ਸੈਂਕੜੇ ਦੇ ਕਰੀਬ ਕਿਸਾਨ ਵੀ ਇਨ੍ਹਾਂ ਤਜਰਬਿਆਂ ਤੋਂ ਕੁਝ ਸਿੱਖਣ ਲਈ ਆਏ। ਖੇਤੀ ਵਿਰਾਸਤ ਮਿਸ਼ਨ ਦੇ ਸੱਚੇ ਦਿਲੋਂ ਕੀਤੇ ਯਤਨਾਂ ਨੂੰ ਇਸ ਸਾਲ ਉਦੋਂ ਕੁਦਰਤ ਨੇ ਬਲ ਬਖ਼ਸ਼ਿਆ ਜਦੋਂ ਲੰਘੀ ਹਾੜੀ ਦੀ ਫ਼ਸਲ ਵਿੱਚ ਪੰਜਾਬ ਭਰ ਦੇ ਕਿਸਾਨਾਂ ਨੇ ਜ਼ੀਰੋ ਬੱਜਟ ਕੁਦਰਤੀ ਖੇਤੀ ਰਾਹੀਂ ਝਾੜ ਵੀ ਰਸਾਇਣ ਖੇਤੀ ਦੇ ਮੁਕਾਬਲੇ ਪੂਰਾ ਕਰਕੇ ਖੇਤੀ ਵਿਰਾਸਤ ਮਿਸ਼ਨ ਦਾ ਸੁਪਨਾ ਸਾਕਾਰ ਕਰ ਦਿੱਤਾ। ਹੁਣ ਸਉਣੀ ਦੀਆਂ ਫ਼ਸਲਾਂ ਵਿੱਚ ਪੂਰੇ ਪੰਜਾਬ ਭਰ ਦੇ ਕਿਸਾਨ ਬਿਨਾਂ ਇਕ ਰੁਪਇਆਂ ਲਾਇਆ ਬਹੁਤ ਵਧੀਆਂ ਫ਼ਸਲ ਕਰ ਰਹੇ ਹਨ। ਖੇਤੀ ਵਿਰਾਸਤ ਮਿਸ਼ਨ ਅੱਜ ਦੱਸਦਿਆਂ ਇਹ ਖ਼ੁਸ਼ੀ ਮਹਿਸੂਸ ਕਰਦਾ ਹੈ ਕਿ ਸਤਨਾਮ ਸਿੰਘ (ਪਿੰਡ ਗਹਿਰੀ ਮੰਡੀ), ਸਵ: ਮਹਿੰਦਰ ਸਿੰਘ ਧਾਲੀਵਾਲ, ਹਰਜਸਪਾਲ ਸਿੰਘ, ਕੇਸਰ ਸਿੰਘ (ਪਟਿਆਲਾ), ਮਾਸਟਰ ਮਦਨ ਲਾਲ, ਰੇਸ਼ਮ ਸਿੰਘ (ਹੁਸ਼ਿਆਰਪੁਰ) ਮਾਸਟਰ ਮਿਠੂ ਸਿੰਘ ਵੈਹਣੀਵਾਲ (ਮਾਨਸਾ), ਸਵਰਨ ਸਿੰਘ ਛੱਤਰਾ (ਬਠਿੰਡਾ) ਮਾਸਟਰ ਜਸਪਾਲ ਸਿੰਘ ਮੜਾਕ, ਜਗਦੇਵ ਸਿੰਘ ਸੰਧੂ, ਅਮਰਜੀਤ ਸ਼ਰਮਾ ਚੈਨਾ, ਲਛਮਣ ਸਿੰਘ ਪੁੰਨੀ ਚੈਨਾ, ਪ੍ਰਿਤਪਾਲ ਸਿੰਘ ਬਰਾੜ ਚੈਨਾ, ਭਿੰਦਰ ਸਿੰਘ ਭੁੱਲਰ ਚੈਨਾ, ਚਿੜੀ ਸਿੰਘ ਘਾਰੂ, ਚਰਨਜੀਤ ਸਿੰਘ ਬਰਾੜ ਜੈਤੋ, ਗੁਰਮੇਲ ਸਿੰਘ ਢਿੱਲੋਂ ਜੈਤੋ, ਜਗਮੇਲ ਸਿੰਘ ਸੀਰ ਵਾਲੀ, ਬਲਵਿੰਦਰ ਸਿੰਘ ਜੀਰਾ, ਡਾ. ਹਰਮਿੰਦਰ ਸਿੰਘ ਸਿੱਧੂ (ਜਲਾਲਦੀਵਾਲ, ਰਾਏਕੋਟ), ਨਿਰਮਲ ਸਿੰਘ