ਭੋਤਨਾ (ਬਰਨਾਲਾ), ਕਮਲਦੀਪ ਸਿੰਘ (ਪਿੰਡ ਗੁਜ਼ਰਵਾਲ, ਲੁਧਿਆਣਾ), ਅਸ਼ੀਸ਼ ਅਹੁਜਾ (ਖੁਬਨ, ਫਾਜ਼ਿਲਕਾ), ਚਮੋਕਰ ਸਿੰਘ ਢੁੱਡੀਕੇ (ਜ਼ਿਲ੍ਹਾ ਮੋਗਾ) ਆਦਿ ਤੋਂ ਇਲਾਵਾ ਹਰ ਜ਼ਿਲ੍ਹੇ ਵਿੱਚ ਕੁਦਰਤੀ ਖੇਤੀ ਟੀਮਾਂ ਬਣ ਕੇ ਕੁਦਰਤੀ ਖੇਤੀ ਨੂੰ ਹੋਰ ਚਾਰ ਚੰਦ ਲਾਉਣ ਲਈ ਦਿਨ ਰਾਤ ਮਿਹਨਤ ਕਰ ਰਹੀਆਂ ਹਨ।

ਖੇਤੀ ਵਿਰਾਸਤ ਮਿਸ਼ਨ ਸਮੁੱਚੇ ਪੰਜਾਬ ਦੇ ਕਿਸਾਨਾਂ ਨੂੰ ਪੁਰਜ਼ੋਰ ਅਪੀਲ ਕਰਦਾ ਹੈ ਕਿ ਜ਼ਹਿਰਾਂ ਨੂੰ ਛੱਡ ਕੇ ਕੁਦਰਤ ਪੱਖੀ ਕੁਦਰਤੀ ਖੇਤੀ ਅਪਣਾਏ।

ਕੁਦਰਤੀ ਖੇਤੀ ਦੇ ਮਹਾਵਿਦਵਾਨ ਸ਼੍ਰੀ ਸ਼ੁਭਾਸ ਪਾਲੇਕਰ ਮਹਾਂਰਾਸ਼ਟਰ ਦੇ ਸ਼ਹਿਰ ਅਮਰਾਵਤੀ ਦੇ ਰਹਿਣ ਵਾਲੇ ਹਨ। ਪਾਲੇਕਰ ਸਾਹਿਬ ਪ੍ਰਾਚੀਨ ਵੈਦਿਕ ਕ੍ਰਿਸ਼ੀ ਖੋਜ, ਵਿਕਾਸ ਅਤੇ ਵਿਸਥਾਰ ਅੰਦੋਲਨ ਸੰਸਥਾ ਚਲਾ ਰਹੇ ਹਨ। ਕੁਦਰਤੀ ਖੇਤੀ ਸੰਬੰਧੀ ਹੱਥਲੀ ਕਿਤਾਬ ਤੋਂ ਇਲਾਵਾ ਇਨ੍ਹਾਂ ਦੀਆਂ ਤਿੰਨ ਹੋਰ ਕਿਤਾਬਾਂ ਵੀ ਫ਼ਿਲਾਸਫ਼ੀ ਆਫ ਸਪਿਰਚੂਅਲ ਫਾਰਮਿੰਗ, ਪ੍ਰਿੰਸੀਪਲ ਆਫ ਸਪਿਰਚੂਅਲ ਫਾਰਮਿੰਗ, ਦਾ ਤਕਨੀਕਜ ਆਫ ਸਪਿਰਚੂਅਲ ਭਾਸ਼ਾ ਵਿੱਚ ਹਨ। ਪਰੰਤੂ ਕੁਦਰਤੀ ਖੇਤੀ ਸੰਬੰਧੀ ਇਨ੍ਹਾਂ ਵਿੱਚ ਬਹੁਤ ਡੂੰਘੀ ਅਤੇ ਖੋਜ ਭਰਪੂਰ ਜਾਣਕਾਰੀ ਹੈ। ਜੋ ਸੱਜਣ ਅੰਗਰੇਜ਼ੀ ਤੋਂ ਜਾਣੂ ਹਨ ਉਹ ਸੱਜਣ ਇਨ੍ਹਾਂ ਤਿੰਨਾਂ ਕਿਤਾਬਾਂ ਨੂੰ ਜ਼ਰੂਰ ਪੜ੍ਹਨ। ਇਹ ਪਾਲੇਕਰ ਸਾਹਿਬ ਦੇ ਇਸ ਮਹਾਨ ਕਾਰਜ ਵਿੱਚ ਤਿੱਲ ਫੁੱਲ ਭੇਟਾ ਹੋਵੇਗੀ। ਪਾਲੇਕਰ ਸਾਹਿਬ ਤੋਂ ਡਾ. ਇੰਦਰਜੀਤ ਕੌਰ ਨੇ ਇਹ ਪੁੱਛਿਆ ਕਿ ਤੁਸੀਂ 12-12 ਘੰਟੇ ਲਗਾਤਾਰ ਕਾਰਜਸ਼ਾਲਾਂ ਵਿਚ ਲੈਕਚਰ ਦਿੰਦੇ ਹੋ ਪਰ ਥੱਕਦੇ ਨਹੀਂ ਜਾਪਦੇ ਇਸ ਦਾ ਰਾਜ ਕੀ ਹੈ ? ਤਾਂ ਸ੍ਰੀ ਪਾਲੇਕਰ ਦਾ ਜਵਾਬ ਸੀ "ਮੈਂ ਦੇਖ ਰਿਹਾਂ ਕਿ ਪਿਛਲੇ 10 ਸਾਲਾਂ ਵਿਚ ਤਕਰੀਬਨ ਡੇਢ ਲੱਖ ਕਿਸਾਨਾਂ ਨੇ ਖੁਦਕੁਸ਼ੀਆਂ ਕੀਤੀਆਂ ਹਨ ਤਾਂ ਮੈਨੂੰ ਲੱਗਦਾ ਹੈ ਕਿ ਮੈਂ ਆਰਾਮ ਕਿਵੇਂ ਕਰ ਸਕਦਾ ਹਾਂ। ਕਿਸਾਨ ਨੂੰ ਸ਼ੋਸ਼ਣ ਤੋਂ ਮੁਕਤੀ ਦਵਾਉਣਾ ਹੀ ਮੇਰੇ ਜੀਵਨ ਦਾ ਕਾਰਜ ਹੈ।" ਸ੍ਰੀ ਪਾਲੇਕਰ ਦਾ ਇਹ ਜਵਾਬ ਕੁਦਰਤੀ ਖੇਤੀ ਦੇ ਸਾਰੇ ਸਮੱਰਥਕਾਂ, ਕਾਰਕੁੰਨਾਂ, ਵਾਤਾਵਰਣ ਪ੍ਰੇਮੀ ਅਤੇ ਸਮਾਜਿਕ ਸਰੋਕਾਰਾਂ ਵਾਲੇ ਸੱਜਣਾਂ ਲਈ ਦਿਸ਼ਾ ਨਿਰਾਧਾਰਿਤ ਕਰਨ ਵਾਲਾ ਵਾਕ ਹੈ।