ਛੱਡ ਸੱਥਾਂ, ਚਿੱਟੇ ਚਾਦਰੇ ਅਤੇ ਸ਼ਾਮ ਨੂੰ ਠੇਕੇ ਦਾ ਖਹਿੜਾ।
ਖੇਤੀ ਹੁੰਦੀ ਖਸਮਾਂ ਸੇਤੀ, ਰੋਜ਼ ਮਾਰ ਖੇਤ ਆਪਣੇ 'ਚ ਗੇੜਾ।
ਰੁੱਖਾਂ 'ਤੇ ਪਰਿੰਦਿਆਂ ਨੇ ਤੈਨੂੰ ਫਿਰ ਚਾੜ੍ਹ ਦੇਣੀਆਂ ਖੁਮਾਰੀਆਂ।
ਜੇ ਖੁਦਮੁਖਤਿਆਰੀ ਨਾ ਰਹੀ....
ਕੀਹਦੇ ਲਈ ਕਮਾਈ ਕਰਦੈਂ?
ਤੇਰੀ ਦਸਾਂ 'ਚੋਂ ਨਾ ਇੱਕ ਵੀ ਟਰਾਲੀ।
ਸਾਰੀ ਹੀ ਬਾਜ਼ਾਰ ਲੈ ਗਿਆ, ਤੇਰੀ ਫ਼ਸਲ ਪੁੱਤਾਂ ਵਾਂਗੂ ਪਾਲੀ।
ਖਾਦ, ਬੀਜ ਤੇ ਮਸ਼ੀਨਰੀ ਤੂੰ ਤਾਂ ਜ਼ਹਿਰ ਦੀਆਂ ਕਿਸ਼ਤਾਂ ਹੀ ਤਾਰੀਆਂ।
ਜੇ ਖੁਦਮੁਖਤਿਆਰੀ ਨਾ ਰਹੀ....
ਗੁੜ, ਦਾਲਾਂ ਅਤੇ ਸਬਜ਼ੀ ਜ਼ਹਿਰ ਮੁਕਤ ਅਨਾਜ ਕਰ ਪੈਦਾ
ਲੱਗਣੀ ਬਿਮਾਰੀ ਕੋਈ ਨਾ ਤੈਨੂੰ ਹੋਉਗਾ ਫੈਦਾ, ਫੈਦਾ।
ਆਊਗਾ ਬਾਜ਼ਾਰ ਚੱਲ ਕੇ ਢਿੱਲੋਂ ਤੇਰੇ ਕੋਲ ਬਣ ਕੇ ਸਵਾਰੀਆਂ।
ਜੇ ਖੁਦਮੁਖਤਿਆਰੀ ਨਾ ਰਹੀ ਫਿਰ ਕਾਹਦੀਆਂ ਕਿਸਾਨਾਂ
ਸਰਦਾਰੀਆਂ?
ਫਿਰ ਕਾਹਦੀਆਂ ਕਿਸਾਨਾਂ ਸਰਦਾਰੀਆਂ ?
ਅਮਰਜੀਤ ਸਿੰਘ ਢਿੱਲੋਂ
