ਕਿਥੋਂ ਭਾਲਦੇ ਬਨੇਰੇ ਉੱਤੇ ਕਾਂ
ਕਿਥੋਂ ਭਾਲਦੇ ਬਨੇਰੇ ਉੱਤੇ ਕਾਗ, ਕਾਗ ਨਾ ਪੰਜਾਬ 'ਚ ਰਹੇ।
ਦੇਸੀ ਛੋਲਿਆਂ ਤੇ ਸਰੋਆਂ ਦੇ ਸਾਗ, ਉਹ ਸਾਗ ਨਾ ਪੰਜਾਬ
'ਚ ਰਹੇ।
ਗਿਰਝਾਂ ਅਲੋਪ ਹੋਈਆਂ ਮੁੜ ਕੇ ਨਾ ਲੋਟੀਆਂ।
ਮੁੱਦਤਾਂ ਤੋਂ ਦੇਖੀਆਂ ਨਾ ਅਸੀਂ ਚੀਜ਼ ਵਹੁਟੀਆਂ।
ਚੱਕੀ ਰਾਹਿਆਂ ਦੇ ਨਿਖੁੱਟ ਗਏ ਨੇ ਭਾਗ। ਕਾਗ ਨਾ......
ਮੋਰ ਮੋਰਨੀਆਂ ਰੁਣ-ਝੁਣ ਨਹੀਂ ਲਾਉਂਦੀਆਂ।
ਕੂੰਜਾਂ ਦੀਆਂ ਡਾਰਾਂ ਨਾ ਪੰਜਾਬ ਹੁਣ ਆਉਂਦੀਆਂ।
ਹੁਣ ਗਾਉਣ ਨਾ ਪਪੀਹੇ ਇੱਥੇ ਰਾਗ। ਕਾਗ ਨਾ......
ਡੀ.ਏ.ਪੀ ਤੇ ਯੂਰੀਆ ਨੇ ਗੋਬਰ ਵਿਸਾਰ 'ਤੇ।
ਸੂਖ਼ਮ ਜੀਵਾਣੂੰ ਸਾਰੇ ਧਰਤੀ ਦੇ ਮਾਰ ਤੇ।
ਕਿਥੋਂ ਤਿਤਲੀਆਂ ਭਾਲਣ ਪਰਾਗ। - ਕਾਗ ਨਾ ......
ਬਹੁ ਕੌਮੀ ਕੰਪਨੀਆਂ ਐਸਾ ਹੱਲਾ ਬੋਲਿਆ।
ਕੀਟ-ਨਾਸ਼ਕਾਂ ਦਾ ਜ਼ਹਿਰ ਹਵਾ ਵਿੱਚ ਘੋਲਿਆ।
ਫ਼ਲ ਕੌੜੇ, ਜ਼ਹਿਰੀਲੇ ਹੋ ਗਏ ਬਾਗ਼। ਕਾਗ ਨਾ......
ਜ਼ਹਿਰ ਬੀਜਦੇ ਹਾਂ ਅਸੀਂ ਜ਼ਹਿਰ ਖਾਈ ਜਾਂਦੇ ਹਾਂ।
ਵਾਜਾਂ ਮਾਰ ਮਾਰ ਮੌਤ ਨੂੰ ਬੁਲਾਈ ਜਾਂਦੇ ਹਾਂ।
ਪਾ ਲੈ ਕੈਂਸਰਾਂ ਦੇ ਫਨੀਅਰ ਨਾਗ। ਕਾਗ ਨਾ......
ਹੱਥੀਂ ਕੰਮ ਕਰਨ ਦੇ ਸੁਭਾਅ ਹੀ ਵਿਸਾਰ ਤੇ।
ਨਿਰਭਰ ਹੋ ਗਿਆ ਕਿਸਾਨ ਹੈ ਬਾਜ਼ਾਰ ਤੇ।
ਬੱਚੇ ਜਾਣਦੇ ਕਮਾਦ ਦੇ ਨਾ ਆਗ। ਕਾਗ ਨਾ...
ਮਰ ਚੁੱਕੀ ਮਿੱਟੀ ਵਿੱਚ ਫਿਰ ਜਾਨ ਭਰੀਏ।
ਧਰਤੀ ਮਾਤਾ ਨੂੰ ਸਾਹ ਲੈਣ ਜੋਗੀ ਕਰੀਏ।
ਪੂਰਾ ਕਰਕੇ ਰਸਾਇਣਾਂ ਦਾ ਤਿਆਗ। ਕਾਗ ਨਾ......
ਇਉਂ ਹੀ ਜੇ ਪਰਿੰਦਿਆਂ ਨੂੰ ਅਲਵਿਦਾ ਕਹਾਂਗੇ।
