ਬਹੁਤਾ ਚਿਰ ਧਰਤੀ 'ਤੇ ਅਸੀਂ ਵੀ ਨਾ ਰਹਾਂਗੇ।

'ਢਿੱਲੋਂ" ਸੁੱਤਿਆਂ ਨੂੰ ਆਉਣੀ ਨਹੀਂ ਜਾਗ ।

ਕਿਥੋਂ ਭਾਲ ਦੈਂ ਬਨੇਰੇ ਉਤੇ ਕਾਗ, ਕਾਗ ਨਾ ਪੰਜਾਬ 'ਚ ਰਹੇ

ਦੇਸੀ ਛੋਲਿਆਂ ਤੇ ਸਰੋਆਂ ਦੇ ਸਾਗ, ਉਹ ਸਾਗ ਨਾ ਪੰਜਾਬ

'ਚ ਰਹੇ।

ਅਮਰਜੀਤ ਸਿੰਘ ਢਿੱਲੋਂ

ਦਬੜੀ ਖ਼ਾਨ, ਜ਼ਿਲ੍ਹਾ ਫਰੀਦਕੋਟ

ਫੋਨ: 94631-09430

ਜੇ ਰੱਖਣੀ ਕਾਇਮ ਹਰਿਆਲੀ ਪਾਣੀ ਬਚਾ ਲਉ ਵੇ ਲੋਕੋ,

ਨਾ ਹਿੱਕ ਧਰਤੀ ਦੀ ਫੂਕੋ ਹੋਸ਼ ਸੰਭਾਲੋ ਵੇ ਲੋਕੋ।

ਜੇ ਕਾਦਰ ਦੀ ਕੁਦਰਤ ਉੱਤੇ ਜ਼ੁਲਮ ਕਮਾਵਾਂਗੇ,

ਸਾਡੇ ਪੱਲ੍ਹੇ ਕੱਖ ਨਹੀਂ ਰਹਿਣਾ, ਵੇਲੇ ਨੂੰ ਪਛਤਾਵਾਂਗੇ,

ਗੱਲ ਸਿੱਧੀ ਏ ਸਮਝ ਕੇ ਕੰਨ ਵਿੱਚ ਪਾ ਲਉ ਵੇ ਲੋਕ,

ਨਾ ਹਿੱਕ ਧਰਤੀ ਦੀ ਫੂਕੋ.......

ਸ਼ੁੱਧ ਹਵਾ ਤੇ ਨਿਰਮਲ ਜਲ ਬਿਨ ਹੋਣਾ ਗੁਜ਼ਾਰਾ ਨਹੀਂ,

ਨਸ਼ੇ ਤੇ ਲੱਗੀ ਧਰਤੀ ਨੇ ਕਰਨਾ ਪਾਰ ਉਤਾਰਾ ਨਹੀਂ,

ਜ਼ਹਿਰਾਂ ਦੇ ਇਸ ਜਾਲ ਤੋਂ ਜਾਨ ਛੁਡਾ ਲਉ ਵੇ ਲੋਕ,

ਨਾ ਹਿੱਕ ਧਰਤੀ ਦੀ ਫੂਕੋ.......

ਲਾਲਚ ਦੇ ਵੱਸ ਮੂੰਹ ਕੁਦਰਤ ਤੋਂ ਮੋੜ ਨਾ ਰੱਤੂਆ ਵੇ,

ਮੋਹ ਦੀਆਂ ਤੰਦਾਂ ਸਰਬਤ ਨਾਲੋਂ ਤੋੜ ਨਾ ਰੱਤੂਆ ਵੇ,

ਕਰ ਕੁਦਰਤ ਦੀ ਖੇਤੀ ਭੁੱਲ ਬਖ਼ਸ਼ਾ ਲਉ ਵੇ ਲੋਕ,

ਭੁੱਲ ਬਖਸ਼ਾ ਲਉ ਵੇ ਲੋਕੋ,

ਨਾ ਹਿੱਕ ਧਰਤੀ ਦੀ ਫੂਕੋ.......

 ਗੁਰਪ੍ਰੀਤ ਸਿੰਘ ਰੱਤੂ (ਗੋਬਿੰਦਗੜ੍ਹ, ਦਬੜੀਖਾਨਾ)