ਕੈਮੀਕਲਾਂ 'ਤੇ ਅਧਾਰਤ ਖੇਤੀ, ਕਿਸਾਨਾਂ ਨਾਲ, ਆਮ ਲੋਕਾਂ ਨਾਲ, ਦੇਸ਼ ਨਾਲ ਅਤੇ ਕੁਦਰਤ ਨਾਲ ਇੱਕ ਕੋਝਾ ਮਜ਼ਾਕ ਹੈ ਜਿਸ ਨੂੰ ਫੌਰੀ ਬੰਦ ਕਰਨਾ ਚਾਹੀਦਾ ਹੈ।

ਨਾਨਕ ਖੇਤੀ ਕਰਨ ਵਾਲੇ ਇਨ੍ਹਾਂ ਕਿਸਾਨਾਂ ਦਾ ਕਹਿਣਾ ਹੈ ਕਿ ਰਸਾਇਣਿਕ ਖੇਤੀ ਨੇ ਧਰਤੀ ਅਤੇ ਇਸ ਦੇ ਵਾਤਾਵਰਣ ਨੂੰ ਤਬਾਹ ਕਰ ਕੇ ਰੱਖ ਦਿੱਤਾ ਹੈ। ਪਿਛਲੇ ਕੁਝ ਕੁ ਦਹਾਕਿਆਂ ਵਿਚ ਜ਼ਮੀਨ ਦੀ ਜੀਵਨ- ਦਾਨੀ ਸ਼ਕਤੀ ਅਤੇ ਮਿੱਟੀ ਵਿਚਲੇ ਅਨੰਤ ਤਰ੍ਹਾਂ ਦੇ ਜੀਵਾਂ ਦੀ ਅੱਤ ਦੀ ਤਬਾਹੀ ਹੋਈ ਹੈ। ਮਿੱਟੀ ਵਿਚ ਪਲਦੇ ਇਹ ਜੀਵ ਹੀ ਇਸ ਨੂੰ ਜੀਵਨ- ਦਾਨੀ ਸ਼ਕਤੀ ਅਤੇ ਖ਼ੁਰਾਕੀ ਤੱਤਾਂ ਨਾਲ ਭਰਪੂਰ ਰੱਖਦੇ ਹਨ। ਜਿਸ ਸਦਕਾ ਜ਼ਮੀਨ ਖੁਦ ਸਿਹਤਮੰਦ ਰਹਿੰਦੀ ਹੈ ਅਤੇ ਸਿਹਤ ਵਰਧਕ ਖ਼ੁਰਾਕੀ ਵਨਸਪਤੀ ਪੈਦਾ ਕਰਦੀ ਹੈ। ਰਸਾਇਣਿਕ ਖੇਤੀ ਕਾਰਨ ਦੋਸਤ ਜੀਵਾਂ ਦਾ ਨਾਸ਼ ਹੋਇਆ ਹੈ ਅਤੇ ਜ਼ਮੀਨ ਵਿਚਲੇ ਖ਼ੁਰਾਕੀ ਤੱਤ ਘਟ ਗਏ ਹਨ। ਸਿੱਟੇ ਵਜੋਂ ਬਿਮਾਰ ਧਰਤੀ, ਬਿਮਾਰ ਫ਼ਸਲਾਂ ਪੈਦਾ ਕਰ ਰਹੀ ਹੈ, ਅਤੇ ਇਨ੍ਹਾਂ ਫ਼ਸਲਾਂ ਨੂੰ ਖਾਣ ਵਾਲੇ ਜੀਵ-ਜੰਤੂ ਅਤੇ ਮਨੁੱਖ ਵੀ ਥੋਕ ਵਿਚ ਬਿਮਾਰ ਹੋ ਰਹੇ ਹਨ। ਜ਼ੀਰੀ ਦੇ ਖੇਤਾਂ ਨੂੰ ਅੱਗ ਲਾਉਣ ਨਾਲ ਧਰਤੀ ਦੀ ਸਿਹਤ ਹੋਰ ਵੀ ਤਬਾਹ ਹੋ ਰਹੀ ਹੈ। ਪ੍ਰੰਤੂ ਪਿਛਲੇ 4-5 ਸਾਲ ਤੋਂ, ਜਦੋਂ ਤੋਂ ਪੰਜਾਬ ਵਿਚ ਕੁਦਰਤੀ ਖੇਤੀ ਸ਼ੁਰੂ ਹੋਈ ਹੈ, ਉਨ੍ਹਾਂ ਖੇਤਾਂ ਵਿਚ ਮੁੜ ਜਾਨ ਆ ਗਈ ਹੈ ਅਤੇ ਮਿੱਤਰ ਜੀਵ ਮੁੜ ਕ੍ਰਿਆਸ਼ੀਲ ਹੋ ਗਏ ਹਨ। ਕਿਸਾਨ ਕੁਦਰਤੀ ਖੇਤੀ ਦੇ ਏਨੇ ਕਾਇਲ ਹੋ ਗਏ ਹਨ ਕਿ ਉਹ ਆਪਣੇ ਖੇਤਾਂ ਵਿਚ ਚਲਦੇ ਹੋਏ ਖ਼ੁਸ਼ੀ ਅਤੇ ਜੋਸ਼ ਨਾਲ ਭਰ ਜਾਂਦੇ ਹਨ।

ਜ਼ਿਲ੍ਹਾ ਬਠਿੰਡਾ ਦੇ ਪਿੰਡ ਮਹਿਤਾ ਦੇ ਕੁਦਰਤੀ ਖੇਤੀ ਕਰਨ ਵਾਲੇ ਕਿਸਾਨ, ਹਰਤੇਜ ਸਿੰਘ ਬੜੇ ਮਾਣ ਅਤੇ ਖ਼ੁਸ਼ੀ ਨਾਲ ਦੱਸਦੇ ਹਨ ਕਿ ਗੰਡੋਇਆਂ ਦੀਆਂ ਗੋਲੀਆਂ ਜੋ ਪਹਿਲਾਂ ਗਾਇਬ ਹੋ ਗਈਆਂ ਸਨ ਫਿਰ ਤੋਂ ਖੇਤ ਵਿਚ ਭਰ ਗਈਆਂ ਹਨ ਅਤੇ ਸਾਡੇ ਖੇਤ ਦੀ ਮਿੱਟੀ ਨੂੰ ਮੁੱਠੀ ਵਿਚ ਭਰ ਕੇ ਦੇਖੋ-ਇਸ ਦੀ ਨਰਮੀ ਨੂੰ, ਇਸ ਦੀ ਮਹਿਕ ਨੂੰ, ਇਸ ਵਿਚ ਪਲ ਰਹੀ ਅਨੰਤ ਜ਼ਿੰਦਗੀ ਨੂੰ ਦੇਖੋ- ਇਹ ਹੈ ਕੰਮ ਜੋ ਅਸੀਂ ਕਰ ਰਹੇ ਹਾਂ ਕੇ. ਵੀ. ਐੱਮ. ਇਸ ਫਲਸਫੇ ਦੀ ਧਾਰਨੀ ਹੈ ਕਿ ਸਾਡੀ ਧਰਤੀ ਅਨੇਕਾਂ ਕਿਸਮ ਦੇ ਜੀਵਨ ਨਾਲ ਭਰਪੂਰ ਹੈ ਅਤੇ ਇਸ ਭਰਪੂਰ ਜੀਵਨ ਸਦਕਾ