ਹੀ ਧਰਤੀ ਮਾਂ ਜੀਵਨ-ਦਾਨੀ ਸ਼ਕਤੀ ਦੀ ਮਾਲਕ ਬਣਦੀ ਹੈ। ਕੇ.ਵੀ. ਐੱਮ. ਦੇ ਚੇਅਰਮੈਨ ਤੇ ਰਾਏ ਕੇ ਕਲਾਂ (ਬਠਿੰਡਾ) ਦੇ ਕਿਸਾਨ ਹਰਜੰਟ ਸਿੰਘ ਕਹਿੰਦੇ ਹਨ 'ਹਾਂ, ਅਸੀਂ ਧਰਤੀ ਦੀ ਇਸ ਜੀਵਨ ਦਾਨੀ ਸ਼ਕਤੀ ਨੂੰ ਚੰਗੀ ਤਰ੍ਹਾਂ ਦੇਖ ਲਿਆ ਹੈ। ਹਜ਼ਾਰਾਂ ਕਿਸਮਾਂ ਦੇ ਛੋਟੇ-ਵੱਡੇ ਜੀਵ ਜਿੱਥੇ ਧਰਤੀ ਨੂੰ ਪੋਲਾ ਅਤੇ ਕੁਦਰਤੀ ਤੱਤਾਂ ਨਾਲ ਭਰਪੂਰ ਰੱਖਦੇ ਹਨ, ਉਥੇ ਇਸ ਦੀ ਸਿੱਲ੍ਹ ਨੂੰ ਵੀ ਬਣਾ ਕੇ ਰੱਖਦੇ ਹਨ। ਇਨ੍ਹਾਂ ਜੀਵਾਂ ਦੇ ਕੰਮ ਸਦਕਾ ਹੀ ਧਰਤੀ ਸਿਹਤ ਵਰਧਕ ਫ਼ਸਲਾਂ ਪੈਦਾ ਕਰਦੀ ਹੈ ਅਤੇ ਉਸ ਨੂੰ ਪਾਣੀ ਵੀ ਘੱਟ ਦੇਣ ਦੀ ਲੋੜ ਪੈਂਦੀ ਹੈ।

ਹਰਜੰਟ ਸਿੰਘ ਕੁਦਰਤੀ ਖੇਤੀ ਦੇ ਵਿਗਿਆਨਕ ਆਧਾਰ ਨੂੰ ਹੋਰ ਵਿਸਥਾਰ ਨਾਲ ਦੱਸਦੇ ਹਨ, 'ਸਾਰੇ ਪ੍ਰਾਣੀਆਂ ਨੂੰ ਆਪਣੇ ਸਰੀਰ ਦਾ ਪਾਲਣ- ਪੋਸ਼ਣ ਕਰਨ ਲਈ ਅਤੇ ਆਪਣੇ ਵਰਗੇ ਹੋਰ ਪੈਦਾ ਕਰਨ ਲਈ ਅਨੇਕਾਂ ਵਿਟਾਮਨਾਂ ਅਤੇ ਖਣਿਜ਼ਾਂ ਸਮੇਤ ਸਾਰੇ ਖ਼ੁਰਾਕੀ ਤੱਤਾਂ ਨਾਲ ਭਰਪੂਰ ਖ਼ੁਰਾਕ ਚਾਹੀਦੀ ਹੈ। ਪੌਦੇ ਧਰਤੀ ਵਿਚ ਗੱਡੇ ਹੋਣ ਕਰਕੇ ਆਪਣੀਆਂ ਖ਼ੁਰਾਕੀ ਲੋੜਾਂ ਪੂਰੀਆਂ ਕਰਨ ਲਈ ਆਸੇ ਪਾਸੇ ਨਹੀਂ ਜਾ ਸਕਦੇ । ਇਸ ਲਈ ਕੁਦਰਤ ਨੇ ਐਸਾ ਵਿਧਾਨ ਰਚਿਆ ਹੈ ਕਿ ਉਨ੍ਹਾਂ ਦੀਆਂ ਖ਼ੁਰਾਕੀ ਲੋੜਾਂ ਇੱਕੋ ਥਾਂ ਖੜ੍ਹੇ ਰਹਿਣ ਦੇ ਬਾਵਜੂਦ ਪੂਰੀਆਂ ਹੋ ਜਾਣ। ਉਹ ਆਪਣੇ ਪੱਤਿਆਂ ਦੇ ਹਰੇ ਕਲੋਰੋਫਿਲ ਰਾਹੀਂ ਹਵਾ ਤੋਂ ਕਾਰਬਨ ਡਾਇਆਕਸਾਈਡ, ਧਰਤੀ ਤੋਂ ਪਾਣੀ ਅਤੇ ਸੂਰਜ ਦੀਆਂ ਕਿਰਨਾਂ ਨਾਲ ਕਾਰਬੋਹਾਈਡਰੇਟ ਅਤੇ ਚਰਬੀ ਖੁਦ ਹੀ ਬਣਾ ਲੈਂਦੇ ਹਨ। ਉਨ੍ਹਾਂ ਦੀਆਂ ਜੜ੍ਹਾਂ ਨਾਲ ਚਿੰਬੜੇ ਬੈਕਟੀਰੀਆ, ਹਵਾ ਦੀ ਨਾਈਟ੍ਰੋਜਨ ਤੋਂ ਪ੍ਰੋਟੀਨ ਬਣਾ ਕੇ ਦੇ ਦਿੰਦੇ ਹਨ। ਇਸੇ ਤਰ੍ਹਾਂ ਹੀ ਉਨ੍ਹਾਂ ਦੇ ਆਸ-ਪਾਸ ਵਿਚਰਦੇ ਹਜ਼ਾਰਾਂ ਕਿਸਮਾਂ ਦੇ ਜੀਵ-ਜੰਤੂ, ਉਨ੍ਹਾਂ ਦੇ ਆਲੇ-ਦੁਆਲੇ ਦੀ ਧਰਤੀ ਵਿਚਲੇ ਵਿਟਾਮਿਨ ਅਤੇ ਖਣਿਜ ਪੂਰੇ ਕਰ ਦਿੰਦੇ ਹਨ। ਇਹ ਮਿੱਤਰ ਜੀਵ ਧਰਤੀ ਵਿਚਲੇ ਜੈਵਿਕ ਪਦਾਰਥਾਂ ਨੂੰ ਗਾਲ- ਸਾੜ ਕੇ ਇਸ ਵਿਚਲੇ ਖ਼ੁਰਾਕੀ ਤੱਤਾਂ ਨੂੰ ਪੌਦਿਆਂ ਦੇ ਵਰਤਣਯੋਗ ਬਣਾ ਦਿੰਦੇ ਹਨ। ਇਸ ਤਰ੍ਹਾਂ ਕੁਦਰਤ ਪੌਦਿਆਂ ਦੀਆਂ ਸਾਰੀਆਂ ਲੋੜਾਂ ਉਨ੍ਹਾਂ ਦੇ ਕਿਧਰੇ ਗਏ ਬਗ਼ੈਰ ਹੀ ਪੂਰੀਆਂ ਕਰ ਦਿੰਦੀ ਹੈ। ਉਨ੍ਹਾਂ ਸਾਰੀਆਂ ਲੋੜਾਂ ਪੂਰੀਆਂ ਹੋਣ 'ਤੇ ਹੀ ਉਹ ਸਾਨੂੰ ਸਾਡੀਆਂ ਸਾਰੀਆਂ ਲੋੜਾਂ ਪੂਰੀਆਂ ਕਰਨ। ਵਾਲੀਆਂ ਖੁਰਾਕੀ ਵਸਤਾਂ ਦਿੰਦੇ ਹਨ। ਤੇਜ਼ ਤਰਾਰ ਤੇ ਜ਼ਹਿਰੀਲੇ ਰਸਾਇਣਾਂ