ਨਹੀਂ ਕਰ ਸਕਦੇ- ਉਹ ਸੁਸਤ ਹੋ ਜਾਂਦੇ ਹਨ ਅਤੇ ਮਰ ਵੀ ਜਾਂਦੇ ਹਨ। ਇਸ ਲਈ ਧਰਤੀ ਦੀ ਸਤਹ ਨੂੰ ਢੱਕ ਕੇ ਰੱਖਣਾ ਬੇਹੱਦ ਜ਼ਰੂਰੀ ਹੈ। ਧਰਤੀ ਤੇ ਫੈਲਣ ਵਾਲੇ ਪੌਦਿਆਂ ਨਾਲ ਜਾਂ ਸੁੱਕੀ ਵਨਸਪਤੀ ਨਾਲ ਢੱਕੀ ਧਰਤੀ ਸੂਖ਼ਮ ਅਤੇ ਹੋਰ ਜੀਵਾਂ ਦੇ ਵਧਣ-ਫੁੱਲਣ ਲਈ ਬਹੁਤ ਹੀ ਉਤਮ ਹੁੰਦੀ ਹੈ।

ਢੱਕਣਾ, ਕੁਦਰਤੀ ਖੇਤੀ ਦਾ ਬਹੁਤ ਜ਼ਰੂਰੀ ਅੰਗ ਹੈ। ਕੁਦਰਤੀ ਖੇਤੀ ਕਰਨ ਵਾਲੇ ਕਿਸਾਨ ਦੱਸਦੇ ਹਨ ਕਿ ਜਦ ਮਿੱਟੀ ਅੱਡ-ਅੱਡ ਤਰ੍ਹਾਂ ਦੇ ਢਕਣੇ ਨਾਲ ਢੱਕੀ ਹੋਵੇ ਤਾਂ ਹੈਰਾਨੀਜਨਕ ਸਿੱਟੇ ਨਿਕਲਦੇ ਹਨ। ਜਿਸ ਧਰਤੀ ਵਿਚ ਪਹਿਲਾਂ ਸਭ ਤਰ੍ਹਾਂ ਦੇ ਜੀਵ-ਜੰਤੂ ਖ਼ਤਮ ਹੋ ਗਏ ਹਨ, ਜੀਵ ਅੰਮ੍ਰਿਤ ਪਾਉਣ ਨਾਲ ਅਤੇ ਢੱਕਣਾ ਬਣਾ ਕੇ ਖੇਤੀ ਕਰਨ ਨਾਲ ਫਿਰ ਤੋਂ ਪੂਰੀ ਤਰ੍ਹਾਂ ਕ੍ਰਿਆਸ਼ੀਲ ਹੋ ਗਏ ਹਨ ਅਤੇ ਧਰਤੀ ਫਿਰ ਤੋਂ ਆਪਣੀ ਅਮੀਰੀ ਵੱਲ ਪਰਤ ਰਹੀ ਹੈ। ਪਿੰਡ ਢਾਬਾਂ (ਹਨੂੰਮਾਨਗੜ੍ਹ) ਦੇ ਸਫ਼ਲ ਕੁਦਰਤੀ ਖੇਤੀ ਕਿਸਾਨ, ਕ੍ਰਿਸ਼ਨ ਜਾਖ; ਪਿੰਡ ਮੰਡੇਰ (ਪਟਿਆਲਾ) ਦੇ ਸ: ਮਹਿੰਦਰ ਸਿੰਘ ਧਾਲੀਵਾਲ ਦੇ ਬੇਟੇ ਅਮਨ ਧਾਲੀਵਾਲ; ਕਟੇਹੜਾ (ਫਾਜ਼ਿਲਕਾ) ਦੇ ਵਿਨੋਦ ਜ਼ਿਆਣੀ; ਕਰਮਗੜ੍ਹ ਸ਼ਤਰਾਂ ਦੇ ਸਵਰਨ ਸਿੰਘ; ਬੱਲ੍ਹੋਵਾਲ (ਹੁਸ਼ਿਆਰਪੁਰ) ਦੇ ਮਦਨ ਲਾਲ ਮਹੇੜੂ (ਨਕੋਦਰ) ਦੇ ਜਰਨੈਲ ਸਿੰਘ ਅਤੇ ਕੇ.ਵੀ.ਐੱਮ. ਦੇ ਹੋਰ ਅਨੇਕ ਸਫ਼ਲ ਕੁਦਰਤੀ ਕਿਸਾਨ, ਧਰਤੀ ਦਾ ਢੱਕਣਾ ਬਣਾਉਣ ਲਈ ਮੁੱਖ ਫ਼ਸਲ ਦੇ ਨਾਲ ਧਰਤੀ 'ਤੇ ਫੈਲਣ ਵਾਲੀਆਂ ਫ਼ਸਲਾਂ ਬੀਜਦੇ ਹਨ ਜਾਂ ਸੁੱਕੀ ਵਨਸਪਤੀ ਨੂੰ ਧਰਤੀ ਦਾ ਢੱਕਣਾ ਬਣਾਉਣ ਲਈ ਵਰਤਦੇ ਹਨ। ਨਿਰਮਲ ਸਿੰਘ ਦੀ ਅਗਵਾਈ ਵਿਚ ਪਿੰਡ ਭੋਤਨਾ ਅਤੇ ਟੱਲੇਵਾਲ (ਬਰਨਾਲਾ) ਵਿਖੇ ਕੁਦਰਤੀ ਖੇਤੀ ਪੂਰੇ ਪਿੰਡਾਂ ਵਿਚ ਲਾਗੂ ਹੋਣ ਜਾ ਰਹੀ ਹੈ।

ਅਜੈ ਤ੍ਰਿਪਾਠੀ, ਜੋ ਕਿ ਖੇਤੀ ਵਿਰਾਸਤ ਮਿਸ਼ਨ ਦੇ ਸਹਿ ਨਿਰਦੇਸ਼ਕ ਹਨ, ਦਾ ਕਹਿਣਾ ਹੈ ਕਿ, 'ਧਰਤੀ 'ਤੇ ਢਕਣਾ ਬਣਾਉਣਾ, ਸੂਖ਼ਮ ਜੀਵਾਂ ਲਈ ਏਅਰ ਕੰਡੀਸ਼ਨਰ ਦਾ ਕੰਮ ਕਰਦਾ ਹੈ। ਇਹ ਗਰਮੀਆਂ ਵਿਚ ਤਾਪਮਾਨ ਵਧਣ ਤੋਂ ਅਤੇ ਅੱਤ ਦੀ ਸਰਦੀ ਵਿਚ ਤਾਪਮਾਨ ਘਟਣ ਤੋਂ ਬਚਾਅ ਕਰਦਾ ਹੈ। ਦੋਸਤ ਜੀਵਾਂ ਦਾ ਅੱਤ ਦੀ ਗਰਮੀ ਅਤੇ ਸਰਦੀ ਤੋਂ ਬਚਾਅ ਕਰਨ ਲਈ ਇਹ ਢੰਗ ਬਹੁਤ ਹੀ ਕਾਰਗਰ ਹੈ। ਤਾਪਮਾਨ ਚਾਲੀ ਡਿਗਰੀ ਸੈਂਟੀਗ੍ਰੇਡ ਤੋਂ ਉਪਰ ਚਲਾ ਜਾਵੇ ਤਾਂ ਇਹ ਜੀਵ ਮਰ ਜਾਂਦੇ ਹਨ।