ਪੈਸੇ ਨੂੰ ਪਿੰਡ ਤੋਂ ਬਾਹਰ ਜਾਣ ਤੋਂ ਰੋਕਣਾ ਚਾਹੁੰਦੇ ਹਨ। ਪਿੰਡ ਢੁੱਡੀਕੇ (ਮੋਗਾ) ਦੇ ਕਿਸਾਨ ਚਮਕੌਰ ਸਿੰਘ ਅਨੁਸਾਰ ਇਹ ਕਿਸਾਨਾਂ ਦੀ ਸਵਦੇਸ਼ੀ ਲਹਿਰ ਹੈ। ਢੁੱਡੀਕੇ, ਜਿਸ ਨੂੰ ਲਾਲਾ ਲਾਜਪਤ ਰਾਏ ਅਤੇ ਹੋਰ ਗਦਰੀ ਆਗੂਆਂ ਦੀ ਜਨਮ ਭੂਮੀ ਹੋਣ ਦਾ ਮਾਣ ਹਾਸਿਲ ਹੈ, ਦੇ ਇਹ ਕਿਸਾਨ ਕਹਿੰਦੇ ਹਨ, 'ਸਾਡੇ ਕਿਸਾਨ ਇਨ੍ਹਾਂ ਕੈਮੀਕਲਾਂ ਨੂੰ ਬਣਾਉਣ ਅਤੇ ਵੇਚਣ ਵਾਲੀਆਂ ਬਹੁ-ਕੌਮੀ ਤੇ ਵੱਡੀਆਂ ਕੰਪਨੀਆਂ ਦੀ ਹੋਰ ਸੇਵਾ ਕਰਨ ਲਈ ਤਿਆਰ ਨਹੀਂ। ਅਸੀਂ ਪੰਜਾਬ ਦੀ ਖੇਤੀ ਵਿਚ ਸਵਦੇਸ਼ੀ ਲਹਿਰ ਚਲਾਉਣ ਲਈ ਤਿਆਰੀ ਕਰ ਰਹੇ ਹਾਂ। ਅਸੀਂ ਬਾਈਕਾਟ ਕਰਨ ਅਤੇ ਸਵਦੇਸ਼ੀ ਵਰਤਣ ਦੇ ਨਾਅਰੇ ਨੂੰ ਅਜੋਕੀਆਂ ਹਾਲਤਾਂ ਅਨੁਸਾਰ ਢਾਲ ਕੇ, ਕਿਸਾਨ ਦੀ ਆਜ਼ਾਦੀ ਦੀ ਲਹਿਰ ਚਲਾਵਾਂਗੇ। ਇਸੇ ਤਹਿਤ ਹੀ ਕੇ.ਵੀ.ਐੱਮ. ਨੇ ਨਾਅਰਾ ਦਿੱਤਾ ਹੈ ਕਿ -ਬਹੁਕੌਮੀ ਕੰਪਨੀਓ ਸਾਡੇ ਖੇਤ ਛੱਡੋ।

ਕੇ.ਵੀ. ਐੱਮ. ਮਹਿਸੂਸ ਫੌਰੀ ਲੋੜ ਮਹਿਸੂਸ ਕਰਦੀ ਹੈ ਕਿ ਸਵਦੇਸ਼ੀ ਲਹਿਰ ਦੇ ਸਿਧਾਂਤ 'ਤੇ ਖੇਤੀ ਦੀ ਲਹਿਰ ਚਲਾ ਕੇ ਭਾਰਤੀ ਖੇਤੀ ਨੂੰ ਆਜ਼ਾਦ ਕਰਵਾਇਆ ਜਾਵੇ ਅਤੇ ਭਾਰਤੀ ਕਿਸਾਨਾਂ ਨੂੰ ਪੱਛਮੀ ਖੇਤੀ ਫਲਸਫੇ ਦੀਆਂ ਬੇੜੀਆਂ ਅਤੇ ਪੱਛਮੀ ਦੇਸ਼ਾਂ ਦੀਆਂ ਬਹੁ-ਕੌਮੀ ਕੰਪਨੀਆਂ ਦੇ ਇਸ ਵਿਕਾਸ ਦੇ ਮਾਡਲ (ਜਿਸ ਨੂੰ ਭਾਰਤੀ ਖੇਤੀ ਖੋਜ ਸੰਸਥਾਨ ਅਤੇ ਭਾਰਤੀ ਖੇਤੀ ਯੂਨੀਵਰਸਿਟੀਆਂ ਲਾਗੂ ਕਰਵਾ ਰਹੀਆਂ ਹਨ) ਤੋਂ ਮੁਕਤੀ ਦਿਵਾਈ ਜਾਵੇ। ਖੇਤੀ ਦਾ ਇਹ ਪੱਛਮੀ ਮਾਡਲ, ਹੱਦ ਦਰਜੇ ਦਾ ਦਾ ਹਿੰਸਕ ਅਤੇ ਸਾਡੀ ਪੁਰਾਤਨ ਸੱਭਿਅਤਾ, ਵੈਦਿਕ ਖੇਤੀ ਦੇ ਅਸੂਲਾਂ, ਵਾਤਾਵਰਣ ਅਤੇ ਕੁਦਰਤ ਦਾ ਵਿਰੋਧੀ ਹੈ। ਬਹੁ-ਕੌਮੀ ਕੰਪਨੀਆਂ ਦੀ ਗ਼ੁਲਾਮੀ 'ਚੋਂ ਨਿਕਲਣ ਲਈ ਅਸੀਂ ਬੀਜ ਬੈਂਕ ਵਿਕਸਤ ਕਰ ਰਹੇ ਹਾਂ। ਕੁਦਰਤੀ ਖੇਤੀ ਨੇ ਇੱਕ ਦੂਜੇ ਤੋਂ ਬੀਜ ਲੈਣੇ-ਦੇਣੇ ਸ਼ੁਰੂ ਕਰ ਦਿੱਤੇ ਹਨ। ਪੱਕੇ ਬੀਜ ਬੈਂਕਾਂ (ਕੁਦਰਤੀ ਖੇਤੀ ਬੀਜ ਵਿਰਾਸਤ ਕੇਂਦਰਾਂ) ਦੀ ਸਥਾਪਨਾ ਦਾ ਅਮਲ ਪਿੰਡ ਚੈਨਾ ਵਿਖੇ ਪੰਜਾਬ ਦਾ ਪਹਿਲਾ ਕੇਂਦਰ ਸਥਾਪਤ ਹੋਣ ਨਾਲ ਸ਼ੁਰੂ ਹੋ ਚੁੱਕਾ ਹੈ। ਇਸ ਨਾਲ ਕਿਸਾਨਾਂ ਨੂੰ ਵਧੀਆ ਬੀਜ ਕਿਸੇ ਲੁੱਟ ਖਸੁੱਟ ਤੋਂ ਬਿਨਾਂ ਦੇਣ ਦਾ ਪ੍ਰਬੰਧ ਹੋਵੇਗਾ।

ਗੁਰੂ ਨਾਨਕ ਦੇ ਫਲਸਫੇ ਵਾਲੀ ਕੁਦਰਤੀ ਖੇਤੀ ਦੀ ਇਸ ਲਹਿਰ ਨਾਲ ਕਿਸਾਨਾਂ ਦੀ ਸੋਚ ਵਿਚ ਇਕ ਹੋਰ ਮਹੱਤਵਪੂਰਨ ਤਬਦੀਲੀ ਆਈ