ਪਰ ਕਰਮਾਂ ਦੇ ਨਾਗਾਂ ਅੱਗੇ

ਕੋਈ ਮਾਂਦਰੀ

ਕੀਕਣ ਖੜਸੀ ?

 

ਕਰਮ ਤਾਂ ਐਸੇ ਨਾਗ ਜ਼ਹਿਰੀਲੇ

 ਜੋ ਸਮਿਆਂ ਤੋਂ ਜਾਣ ਨਾ ਕੀਲੇ

ਇਹ ਜਨਮਾਂ ਤੱਕ ਪਿੱਛਾ ਕਰਦੇ

ਕਿਸੇ ਵੀ ਹੀਲੇ, ਕਿਸੇ ਵਸੀਲੇ

ਅਸੀਂ ਜਾਂ ਕੁੱਖਾਂ ਦੀ

 ਜੂਨ ਹੰਢਾਦੇ

ਇਹ ਤਾਂ ਓਥੇ ਵੀ ਆ ਜਾਂਦੇ

ਅਸੀਂ ਜਨਮੀਏਂ

ਇਹ ਜੰਮ ਪੈਂਦੇ

ਇਹ ਸਾਡੇ ਮੱਥੇ ਵਿਚ ਰਹਿੰਦੇ

ਨਿੱਤ ਸਾਡੀ ਕਿਸਮਤ ਨੂੰ ਡੰਗਦੇ

ਵਿੱਸ ਘੋਲਦੇ

ਮੌਜ ਮਨਾਂਦੇ

 

ਸਲਵਾਨ

ਇਹ ਤੂੰ ਨਹੀਂ

ਤੇਰਾ ਭਰਮ ਬੋਲਦੈ

ਤੇਰਾ ਸੀਮਤ ਧਰਮ ਬੋਲਦੈ

 

ਵਰਮਨ

 

ਜੇ ਇਹ ਮੇਰਾ

ਭਰਮ ਬੋਲਦੈ

ਜਾਂ ਕੋਈ ਸੀਮਤ ਧਰਮ ਬੋਲਦੈ

ਤਾਂ ਮੈਂ ਕਹਿੰਦਾ

ਤੇਰੇ ਅੰਦਰ

ਕਾਮ-ਸਮੁੰਦਰ ਪਿਆ ਖੌਲਦੈ

ਸੁਪਨੇ ਦੀ ਸੱਪਣੀ ਦਾ ਕਾਲਾ