ਤੇ ਮੇਰੇ

ਮਿੱਤਰ ਲੜ ਲਾਵੇ

ਜੋ ਮੰਗੇ

ਸੋ ਬਖਸ਼ਿਸ਼ ਆਵੇ

 

( ਸਾਰੇ ਉੱਠ ਕੇ ਚਲੇ ਜਾਂਦੇ ਹਨ )

 

ਤੀਜਾ ਅੰਕ

ਸੀਤਾ ਤੇ ਗੀਤਾ ਦੇ ਨਾਂ

(ਲੂਣਾ ਤੇ ਸਲਵਾਨ ਦਾ ਵਿਆਹ ਹੋ ਗਿਆ ਹੈ।

 ਲੂਣਾ ਆਪਣੀਆਂ ਦੋ ਸਹੇਲੀਆਂ ਈਰਾ ਤੇ

 ਮਥਰੀ ਨਾਲ ਆਪਣੇ ਘਰ ਦੇ ਇਕ ਕਮਰੇ 'ਚ

ਬੈਠੀ ਵਿਉਂਦੜ ਵਸਤਰ ਪਾਈ, ਸੌਹਰੇ-ਘਰ ਟੂਰ

ਜਾਣ ਤੋਂ ਪਹਿਲਾਂ ਗੱਲਾਂ ਕਰ ਰਹੀ ਸੀ ।)

 

ਲੂਣਾ

ਮੈਂ ਅੱਗ ਟੁਰੀ ਪਰਦੇਸ,

ਨੀ ਸਈਉ .

ਅੱਗ ਟੁਰੀ ਪਰਦੇਸ

ਇਕ ਛਾਤੀ ਮੇਰੀ ਹਾੜ੍ਹ ਤਪੰਦਾ

ਦੂਜੀ ਤਪਦਾ ਜੇਠ

ਨੀ ਮੈਂ ਅੱਗ ਟੁਰੀ

ਪਰਦੇਸ

 

ਅੱਗ ਦੀ ਉਮਰੇ,

ਹਰ ਅੱਗ ਟੁਰਦੀ

ਜਾ ਬਹਿੰਦੀ ਪਰਦੇਸ

ਹਰ ਅੱਗ ਦੇ, ਬਾਬਲ ਦੇ ਚੁੱਲ੍ਹੇ