ਸੋ ਮਿੱਤਰ ਜੋ

ਬੜੇ ਪਿਆਰੇ ਤੇ ਬੇ-ਗ਼ਰਜ਼ੇ

ਸਾਡੇ ਦੁੱਖ ਦੀ ਖ਼ਾਤਿਰ ਜਿਹੜੇ

ਚੁੱਪ ਚੁਪੀਤੇ

ਨੇ ਡਿੱਗ ਮਰਦੇ

ਕਹਿੰਦੇ, ਹੰਝੂ ਸੋ ਵੱਟੇ ਜੋ

ਪਿਆਰ ਨੂੰ ਤੋਲਣ

ਤੱਕੜੀ ਚੜ੍ਹਦੇ

 

ਸੌ ਯਾਰਾਂ ਦੀ ਯਾਰੀ ਨਾਲੋਂ

ਇਕ ਹੰਝੂ ਦੀ ਯਾਰੀ ਚੰਗੀ

ਪਿਆਰ ਦੀ ਬਾਜ਼ੀ

ਜਿੱਤਣ ਨਾਲੋਂ

ਪਿਆਰ ਦੀ ਬਾਜ਼ੀ

ਹਾਰੀ ਚੰਗੀ

(ਲੂਣਾ ਦਾ ਪਿਤਾ ਬਾਰੂ ਕਮਰੇ 'ਚ

ਪ੍ਰਵੇਸ਼ ਕਰਦਾ ਹੈ।)

 

ਬਾਰੂ

ਹਰ ਧੀ ਦਾ ਦੁੱਖ

ਜਾਨਣ ਮਾਵਾਂ

ਬਾਬਲ ਜਾਨਣ ਸਾਰ ਕੀਹ ਧੀਏ ?

ਲੋਕੀ ਕਹਿੰਦੇ ਆਏ ਗੁਰਬਤ

 ਨਰ-ਸਿੰਘਾ ਅਵਤਾਰ ਨੀ ਧੀਏ

ਨਾ ਇਹ ਸਾਨੂੰ

ਅੰਦਰ ਮਾਰੇ

ਤੇ ਨਾ ਬਾਹਰ-ਬਾਰ ਨੀ ਧੀਏ

ਵਿਚ ਦਲੀਜੀ

ਸੰਘੀ ਘੁੱਟੇ

ਕਾਲੇ ਹੱਥ ਪਸਾਰ ਨੀ ਧੀਏ

ਨਿਰਧਨ ਦੇ ਘਰ