ਧੀ ਦਾ ਜੰਮਣਾ

ਕਿਸਮਤ ਨੂੰ ਹੈ ਹਾਰ ਨੀ ਧੀਏ

ਉੱਠ ਆ ਪਹੁੰਚੇ, ਮੋਰਨੀਏ ਨੀ

ਡੋਲਾ ਘੱਤ ਕੁਹਾਰ ਨੀ ਧੀਏ

ਬਾਹਰ ਰਾਜਾ ਆ ਖੜ੍ਹਾ

ਤੇ ਨਾਲ ਖੜ੍ਹੇ

ਅਸਵਾਰ ਨੀ ਧੀਏ

ਵਾਪਸ ਕੋਟ-ਸਿਆਲੇ ਤਾਈ

ਸੱਭੇ ਹੋਏ ਤਿਆਰ ਨੀ ਧੀਏ

ਇਕ ਨਿਰਧਨ

ਬਾਬਲ ਦਾ ਲੈ ਜਾ

ਅੰਤਮ-ਵਾਰ ਪਿਆਰ ਨੀ ਧੀਏ

(ਈਰਾ ਨੂੰ ਸੰਬੋਧਨ ਕਰਕੇ)

 

ਬਾਰੂ

ਈਰਾ ਪੁੱਤਰ

ਤੂੰ ਵੀ ਕੁਝ ਦਿਨ

ਟੁਰ ਜਾ ਲੂਣਾ ਨਾਲ ਨੀ ਧੀਏ

ਪਰਛਾਵੇਂ ਵੱਤ ਨਾਲ ਰਵੀਂ

ਤੇ ਪੂਰੀ ਕਰੀਂ ਸੰਭਾਲ ਨੀ ਧੀਏ

ਜਦ ਇਹਦਾ ਮਨ

ਵਰਚ ਜਾਏ ਤਾਂ

ਮੁੜ ਆਵੀਂ ਚੰਬਿਆਲ ਨੀ ਧੀਏ

ਮੇਰਾ ਤੇ ਨਾਲੇ ਬਾਪ ਤੇਰੇ ਦਾ

ਇਹੋ ਇਕ ਸਵਾਲ ਨੀ ਧੀਏ

ਘੱਲਦੀ ਰਹੀ

ਕਿਸੇ ਹੱਥ ਸਾਨੂੰ

ਇਸ ਦਾ ਹਾਲ

ਹਵਾਲ ਨੀ ਧੀਏ

(ਸੱਭੇ ਰੋਂਦੇ ਕਮਰੇ ਵਿਚੋਂ ਨਿਕਲਦੇ

ਹਨ । ਇਕ ਵਿਦਾਇਗੀ ਦਾ ਗੀਤ