ਆਪਣੀ ਆਪਣੀ

ਕਬਰ ਨਾ ਦੱਸਦੇ

ਇਕ ਦੂਜੇ ਦੀ ਮੌਤ 'ਤੇ ਹੱਸਦੇ

 

ਏਥੇ ਅੱਗ ਨੂੰ

ਅੱਗ ਨਹੀ ਮਿਲਦੀ ਹੈ

ਇਥੇ ਹਰ ਸ਼ੈ

ਰੋਟੀ ਬਦਲੇ ਤੁਲਦੀ ਹੈ

ਹਰ ਲੂਣਾ

ਏਥੇ ਰੋਟੀ ਖਾਤਿਰ ਗਿਰਵੀ ਹੈ

 

ਏਥੇ

ਪਿਆਰ, ਮੁਹੱਬਤ ਰੋਟੀ ਦਾ ਹੀ ਨਾਂ ਹੈ

ਧਰਮ ਅਤੇ ਅਖ਼ਲਾਕ ਵੀ

ਰੋਟੀ ਦਾ ਹੀ ਨਾਂ ਹੈ

ਅਕਲ, ਇਲਮ, ਤੇ ਹੁਨਰ ਵੀ

ਰੋਟੀ ਦਾ ਹੀ ਨਾਂ ਹੈ

ਤਿੱਥ-ਵਾਰ, ਤਿਉਹਾਰ ਵੀ

ਰੋਟੀ ਦਾ ਹੀ ਨਾਂ ਹੈ

ਰੋਟੀ ਖ਼ਾਤਿਰ ਹਰ ਲੂਣਾ

ਪੂਰਨ ਦੀ ਮਾਂ ਹੈ

ਇਸ ਬਸਤੀ ਵਿਚ ਰੋਟੀ ਹੀ

ਮਹਿਬੂਬਾ ਥਾਂ ਹੈ

 

ਏਥੇ ਕੋਈ ਵੀ

ਫੁੱਲ ਨਹੀਂ ਖਿੜਦਾ ਹੈ

ਦਿਨ ਦੀਵੀਂ

ਗਲੀਆਂ ਵਿਚ ਪਹਿਰਾ ਫਿਰਦਾ ਹੈ

ਹਰ ਇਕ ਮੋੜ 'ਤੇ ਆਪਣਾ

ਸਾਇਆ ਮਿਲਦਾ ਹੈ

ਆਪਣੇ 'ਤੇ ਆਪਣਾ ਹੀ

ਕੂੜਾ ਕਿਰਦਾ ਹੈ