ਏਥੇ ਹਰ ਵਸਨੀਕ

ਨਿਖੜਵੀਂ ਸ਼ਖਸੀਅਤ ਹੈ

ਆਪਣੇ ਹੱਥੋਂ ਹਰ ਕੋਈ

ਇਥੇ ਬੇ-ਇੱਜ਼ਤ ਹੈ

ਆਪੇ ਤੋਂ ਹਰ ਕੋਈ

ਆਪੇ ਹੀ ਲੱਜਿਤ ਹੈ

ਏਥੋਂ ਦੀ ਸੌਗਾਤ

ਨਮੋਸ਼ੀ, ਜ਼ਿੱਲਤ ਹੈ

 

ਤੂੰ ਇਸ ਬਸਤੀ ਵਿਚੋਂ

ਲੂਣਾ ਕੀ ਲੱਭਦੀ ਹੈ ?

ਨੰਗਿਆਂ ਦੇ ਵਿਚ

ਆਪਣਾ ਆਪਾ ਕਿਉਂ ਕੱਜਦੀ ਹੈ ?

ਤੂੰ ਨੰਗਿਆਂ ਵਿਚ

ਨੰਗੀ ਚੰਗੀ ਲਗਦੀ ਹੈ

 

ਅਗਨ ਛਿਣਾਂ ਦਾ

ਲੂਣਾ, ਤੂੰ ਅਹਿਸਾਸ ਜਲਾ ਦੇ

ਲੂਣਾ ਵਿਚੋਂ

ਲੂਣਾ ਦੀ ਤੂੰ ਹੋਂਦ ਗੁਆ ਦੇ

ਤੂੰ ਲੂਣਾ ਨੂੰ

ਅਤ੍ਰਿਪਤੀ ਦਾ ਜ਼ਹਿਰ ਖੁਆ ਦੇ

ਤੇਰੇ ਪਿੰਡੇ ਵਿਚ ਜੋ

ਅਗਨ-ਮਿਰਗ ਨੱਸਦਾ ਹੈ

ਉਸ ਦਾ ਹੱਥੀਂ

ਗਲਾ ਦਬਾ ਦੇ

ਆਪਣੇ ਪਿੰਡੇ ਦੇ ਪਾਣੀ ਵਿਚ

ਘੋਲ ਕੇ ਮਦਰਾ

ਜਦ ਮੰਗੇ ਸਲਵਾਨ

ਤੂੰ ਹੱਥੀਂ ਆਪ ਪਿਆ ਦੇ

ਲੂਣਾ ਦੇ ਅੰਦਰ ਦੀ ਲੂਣਾ