ਸਾਹਿਬ ਨੇ ਦਿੱਤਾ। ਮਹਾਰਾਜਾ ਰਣਜੀਤ ਸਿੰਘ ਨੇ ੧੮੦੬ ਵਿੱਚ ਮੁਕਤਸਰ ਦੀ ਧਰਤੀ ਤੇ ਕਬਜ਼ਾ ਕੀਤਾ। ਢਾਬ ਨੂੰ ਉਹਨਾਂ ੧੦੦ ਵਰਗ ਮੀਟਰ ਦੇ ਸਰੋਵਰ ਵਿੱਚ ਤਬਦੀਲ ਕਰ ਕੇ ਹਰੀ ਸਿੰਘ ਰਾਹੀਂ ਸਰੋਵਰ ਦੀ ਤਿਆਰੀ ਕਰਵਾਈ। ਹਰੀ ਸਿੰਘ ਨੇ ਸਰੋਵਰ ਦੀਆਂ ਪੌੜੀਆਂ ਵੀ ਬਣਵਾਈਆਂ। ਮਹਾਰਾਜੇ ਨੇ ਇੱਥੇ ਪੰਜ ਗੁਰਦੁਆਰੇ ਵੀ ਬਣਵਾਏ।

ਹਰੀ ਸਿੰਘ ਵੱਲੋਂ ਧਰਮ ਅਰਥ ਕੀਤੇ ਕੁਝ ਹੋਰ ਦਾਨ

ਸੰਨ ੧੮੦੮-੦੯ ਵਿੱਚ ਪ੍ਰੋਹਿਤ ਮਦਨ ਦਾਸ ਪੁੱਤਰ ਮੋਜੂ ਰਾਮ, ਪਾਂਡਾ ਹਰਿਦੁਆਰ ਨੂੰ ਇੱਕ ਖੂਹ ਦੀ ਪੈਲੀ ਜੋ ਬਦੋਵਾਲ ਵਿਖੇ ਸੀ ਤੋਂ ਪ੍ਰਾਪਤ ਆਮਦਨ ਦਾਨ ਕੀਤੀ। ਸਰਦਾਰ ਕਾਹਨ ਸਿੰਘ ਬੇਦੀ ਨੂੰ ੧੮੧੩ ਵਿੱਚ ਏਮਨਾਬਾਦ, ਜਿਲ੍ਹਾ ਵਜ਼ੀਰਾਬਾਦ ਵਿੱਚ ਇੱਕ ਖੂਹ ਮੋਚਵਾਲਾ ਅਤੇ ੩੫ ਘੁਮਾਂ ਜ਼ਮੀਨ ਦਿੱਤੀ ਸੀ। ਪੰਡਤ ਬਲਮ ਦਾਸ ਨੂੰ ੧੮੧੮ ਵਿੱਚ ਜਿਲ੍ਹਾ ਗੁਜਰਾਂਵਾਲਾ ਵਿੱਚ ਉਨਿਆਲ ਵਿੱਚ ਜ਼ਮੀਨ ਨਾਂ ਲਵਾਈ। ਬਾਬਾ ਸੁਰੈਨ ਸਿੰਘ ਬੇਦੀ ਨੂੰ ੧੮੨੮ ਵਿੱਚ ਪਿੰਡ ਰੁਟਾਲੀ ਖੁਰਦ, ਪਰਗਣਾ ਸ਼ੇਖੂਪੁਰਾ, ਗੁਜਰਾਂਵਾਲਾ ਦਿੱਤਾ। ਸੰਨ ੧੮੩੦ ਵਿੱਚ ਮਿਸਰ ਰਾਮ ਸਹਾਏ ਨੂੰ ਚਾਰ ਵਿੱਘੇ ਅਤੇ ੧੦ ਬਿੱਸਵੇ ਜ਼ਮੀਨ ਇਲਾਕੇ ਸਰਾਏ ਸਲੇਹ, ਹਜ਼ਾਰੇ ਵਿੱਚ ਦਿੱਤੀ। ਮੁਸਲਮਾਨ ਗੁਲਾਮ ਮੁਹੰਮਦ ਦੀਨ ਨੂੰ ੧੮੩੩ ਵਿੱਚ ਅੰਮ੍ਰਿਤਸਰ ਵਿਖੇ ਮੋਜਾ ਜੀਵਨ ਗੋਰੇ, ਤਲਵੰਡੀ ਵਿਖੇ ਜ਼ਮੀਨ ਦਿੱਤੀ। ਇਸੇ ਤਰ੍ਹਾਂ ਬਾਬਾ ਨਿਰਮਲ ਦਾਸ ਚੇਲਾ ਰਾਮਦਾਸ ਨੂੰ ੧੮੩੪ ਵਿੱਚ ਇੱਕ ਖੂਹ ਸ਼ੀਰੀਂਵਾਲਾ ਅਤੇ ੩੦ ਘੁਮਾਂ ਜ਼ਮੀਨ ਪਰਗਣਾ ਸਿਆਲਕੋਟ ਵਿੱਚ ਦਿੱਤੀ ਸੀ (ਵਨੀਤ ਨਲੂਆ, ਚੈਂਪੀਅਨ ਆਫ਼ ਦੀ ਖਾਲਸਾ ਜੀ, ਪੰਨਾ ੨੪੫ )।