ਕਿਉਂਕਿ ਹਿੰਦੁਸਤਾਨੀਆਂ ਨੇ ਅੰਗਰੇਜ਼ਾਂ ਦੀ ਹਮਾਇਤ ਕੀਤੀ ਸੀ ਅਤੇ ਸਿੱਖਾਂ ਦਾ ਵਿਰੋਧ। ਇਸ ਕਾਰਨ ਚਾਲਬਾਜ਼ ਅੰਗਰੇਜ਼ਾਂ ਨੇ ੧੮੫੭ ਦੇ ਗਦਰ ਸਮੇਂ ਸਿੱਖਾਂ ਨੂੰ ਨਾਲ ਰਲਾ ਲਿਆ। ਸਰਦਾਰ ਜਵਾਹਰ ਸਿੰਘ ਪੰਜਾਬ ਦਾ ਪਹਿਲਾ ਸਰਦਾਰ ਸੀ ਜਿਸ ਨੂੰ ਅੰਗਰੇਜ਼ਾਂ ਨੇ ਪਹਿਲੀ ਸਿੱਖ ਰਜਮੈਂਟ ਵਿੱਚ ਰਸਾਲਦਾਰ ਦੀ ਪਦਵੀ ਦਿੱਤੀ। ਬਰਤਾਨਵੀ ਹਕੂਮਤ ਨੇ ਤਿੰਨ ਸੌ ਸਾਲ ਤੋਂ ਚੱਲ ਰਹੀ ਮੁਗਲ ਹਕੂਮਤ ਖ਼ਤਮ ਕਰਨ ਅਤੇ ਗੁਰੂ ਸਾਹਿਬਾਨ ਦੀਆਂ ਸ਼ਹਾਦਤਾਂ ਦਾ ਬਦਲਾ ਲੈਣ ਲਈ ਜਵਾਹਰ ਸਿੰਘ ਨੂੰ ਫ਼ੌਜ ਦੇ ਕੇ ਦਿੱਲੀ ਵੱਲ ਤੋਰਿਆ। ਦਿੱਲੀ ਪਹੁੰਚ ਕੇ ਸਿੱਖ ਫ਼ੌਜ ਨੇ ਘੇਰਾ ਪਾ ਕੇ ਮੁਗਲ ਬਾਦਸ਼ਾਹ ਦੇ ਸਾਹਿਬਜ਼ਾਦਿਆਂ ਨੂੰ ਪਕੜ ਲਿਆ। ਹੰਮਾਯੂ ਦੇ ਮਕਬਰੇ ਕੋਲ ਅੰਗਰੇਜ਼ ਅਫ਼ਸਰ ਹੌਡਸਨ ਨੇ ਇਹਨਾਂ ਨੂੰ ਅਲਫ ਨੰਗਾ ਕਰ ਦਿੱਤਾ। ਇਸ ਨੇ ਇੱਕ ਸਿੱਖ ਸਿਪਾਹੀ ਨੂੰ ਆਖਿਆ, ਸਿੱਖਾ! ਸਾਹਿਬਜ਼ਾਦਿਆਂ ਨੂੰ ਗੋਲੀ ਮਾਰ ਕੇ ਬਦਲਾ ਲੈ ਲੈ ਹੁਣ ਚੰਗਾ ਮੌਕਾ ਹੈ। ਸਿੱਖ ਸਿਪਾਹੀ ਨੇ ਨਾਂਹ ਕਰ ਦਿੱਤੀ ਅਤੇ ਆਖਿਆ ਇਸ ਗੱਲ ਦੀ ਸਾਡਾ ਧਰਮ ਇਜ਼ਾਜ਼ਤ ਨਹੀਂ ਦਿੰਦਾ ਕਿ ਕਿਸੇ ਨੂੰ ਪਕੜ ਕੇ ਮਾਰੀਏ। ਮਿਸਟਰ ਟਰੌਟਰ ਨੇ ੧੯੦੧ ਵਿੱਚ The life of Hodson ਵਿੱਚ ਲਿਖਿਆ ਹੈ ਕਿ ਹੈਡਸਨ ਨੇ ਅੰਗਰੇਜ਼ ਸਿਪਾਹੀ ਦੇ ਹੱਥੋਂ ਕਾਰਬਾਈਨ ਖੋਹ ਕੇ ਸਾਰੇ ਸਾਹਿਬਜ਼ਾਦਿਆਂ ਨੂੰ ਮਾਰ ਦਿੱਤਾ।

ਜਵਾਹਰ ਸਿੰਘ ਨੇ ੧੮ ਲੜਾਈਆਂ ਲਖਨਊ, ਬਾਈਥੂਰ, ਕਾਨ੍ਹਪੁਰ, ਕਲਪੀ ਆਦਿ ਵਿਖੇ ਲੜੀਆਂ। ਇਸ ਬਹਾਦਰੀ ਬਦਲੇ ਅੰਗਰੇਜ਼ ਹਕੂਮਤ ਨੇ ਉਸ ਨੂੰ ਸੰਨ ੧੮੫੯ ਵਿੱਚ ੧੨ ਹਜ਼ਾਰ ਰੁਪਏ ਸਲਾਨਾ ਦੀ ਜਾਗੀਰ ਲਗਾ ਦਿੱਤੀ। 'ਆਰਡਰ ਆਫ ਬਰਿਟਸ਼ ਇੰਡੀਆ' ਦੇ ਖਿਤਾਬ ਨਾਲ ਮੈਡਲ ਦੇ ਕੇ ਨਿਵਾਜਿਆ। ਉਸ ਨੂੰ ੧੮੬੨ ਵਿੱਚ ਗੁਜ਼ਰਾਵਾਲਾ ਵਿਖੇ ਆਨਰੇਰੀ ਮਜਿਸਟ੍ਰੇਟ ਦਾ ਅਹੁਦਾ ਦਿੱਤਾ। ਇਸ ਅਹੁਦੇ ਤੇ ੧੮੭੭ ਤੱਕ (ਭਾਵ ਅਖੀਰਲੇ ਸਾਹਾਂ ਤੱਕ) ਸਰਦਾਰ ਜਵਾਹਰ ਸਿੰਘ ਰਹੇ।

ਸਰਦਾਰ ਅਰਜਨ ਸਿੰਘ ਨਲੂਆ

ਸਰਦਾਰ ਅਰਜਨ ਸਿੰਘ ਮਹਾਰਾਜੇ ਦੇ ਦਰਬਾਰ ਅੰਦਰ ਬਾਹਰੋਂ ਆਉਣ ਵਾਲੇ ਮਹਿਮਾਨਾਂ ਦੀ ਸੁਆਗਤੀ ਕਮੇਟੀ ਦਾ ਮੈਂਬਰ ਸੀ। ਮਈ ੧੮੩੮ ਵਿੱਚ ਇਹ ਹਿੰਦੁਸਤਾਨ ਸਰਕਾਰ ਦੇ ਸਕੱਤਰ ਮਿਸਟਰ ਮੈਕੰਘਟਨ ਦੀ ਸੁਆਗਤੀ ਕਮੇਟੀ ਵਿੱਚ ਸ਼ਾਮਲ ਸੀ। ਇਸ ਉਪਰੰਤ ਇਹ ਬਰਤਾਨੀਆਂ ਸਰਕਾਰ ਦੇ ਗਵਰਨਰ ਜਨਰਲ