ਨਲਵੇ ਸਰਦਾਰ ਦੀ ਵੱਡੀ ਕਿਰਪਾਨ ਜਿਸ ਉੱਪਰ ਸੁੰਦਰ ਮੀਨਾਕਾਰੀ ਕੀਤੀ ਹੋਈ ਹੈ, ਭਾਰਤੀ ਸਿੱਖ ਰਜਮੈਂਟ ਸੈਂਟਰ, ਰਾਮਗੜ੍ਹ ਵਿਖੇ ਸੁਸ਼ੋਭਿਤ ਹੈ। ਸ਼ਸਤਰ ਰਾਜ ਸ਼ਕਤੀ ਦਾ ਚਿਨ੍ਹ ਹਨ ਅਤੇ ਇਹ ਧਰਮ, ਦੇਸ਼, ਕੌਮ ਰੱਖਿਆ ਅਤੇ ਜ਼ੁਲਮ ਦੀ ਰੱਖਿਆ ਅਤੇ ਜ਼ਾਲਮ ਦੀ ਭੱਖਿਆ ਲਈ ਹਨ। ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨੇ ਤਾਂ ਇਹਨਾਂ ਨੂੰ ਪੀਰ ਕਿਹਾ ਹੈ ਅਤੇ ਇਹ ਵੀ ਕਿਹਾ ਕਿ ਇਹਨਾਂ ਦੀ ਪੂਜਾ ਕਰੋ। ਉਨ੍ਹਾਂ ਦੇ ਬਚਨ ਹਨ:

ਅਸ ਕ੍ਰਿਪਾਨ ਖੰਡੋ ਖੜਗ ਤੁਪਕ ਤਬਰ ਅਰ ਤੀਰ।

ਸੈਫ ਸਬੂਹੀ ਸਾਹਿਬੀ ਯਹੀ ਹਮਾਰੇ ਪੀਰ।

ਤਲਵਾਰ ਜਾਂ ਕਿਰਪਾਨ ਨਫ਼ਰਤ ਦਾ ਚਿੰਨ੍ਹ ਨਹੀਂ, ਇਹ ਮਨੁੱਖੀ ਰੱਖਿਆ ਦੀ ਢਾਲ ਹੈ ਅਤੇ ਚੜ੍ਹਦੀ ਕਲਾ ਦੀ ਮਿਸਾਲ ਹੈ। ਤੇਗ ਜਾਂ ਕਿਰਪਾਨ ਦੀ ਮਹਾਨਤਾ ਬਾਰੇ ਗੁਰੂ ਜੀ ਦੇ ਬੋਲ ਹਨ:

ਖਗ ਖੰਡ ਬਿਹੰਡੰ ਖਲ ਦਲ ਖੰਡੰ ਅਤਿ ਰਣ ਮੰਡੰ ਬਰਬੰਡੰ॥

ਭੁਜ ਦੰਡ ਅਖੰਡੰ ਤੇਜ ਪ੍ਰਚੰਡੰ ਜੋਤਿ ਅਮੰਡੰ ਭਾਨ ਪ੍ਰਭੂੰ॥

ਸੁਖ ਸੰਤਾ ਕਰਣੰ ਦੁਰਮਤਿ ਦਰਣੰ ਕਿਲਬਿਖ ਹਰਣੰ ਅਸ ਸਰਣੰ॥

ਜੈ ਜੈ ਜਗ ਕਾਰਣ ਸ੍ਰਿਸ਼ਟ ਉਬਾਰਣ ਮਮ ਪ੍ਰਤਿਪਾਰਣ ਜੈ ਤੇਗੰ॥

ਭਾਵ ਖੜਗ (ਤੇਗ) ਦੁਸ਼ਟਾਂ ਦੇ ਦਲਾਂ ਦੇ ਟੋਟੇ ਕਰਨ ਵਾਲੀ ਹੈ ਅਤੇ ਯੁੱਧ ਭੂਮੀ ਵਿੱਚ ਮੂਰਖਾਂ ਨੂੰ ਨਾਸ਼ ਕਰਨ ਵਾਲੀ ਮਹਾਨ ਸ਼ਕਤੀ ਹੈ। ਇਹ ਮਾਨੋ ਸੂਰਜ ਵੱਤ ਕ੍ਰਾਂਤੀਕਾਰੀ ਹੋ ਕੇ ਹਨ੍ਹੇਰ ਗਰਦੀ ਨੂੰ ਮਿਟਾ ਕੇ ਪ੍ਰਕਾਸ਼ ਕਰਨ ਵਾਲੀ ਅਰਥਾਤ ਗੁਲਾਮੀ ਦੀਆਂ ਜ਼ੰਜੀਰਾਂ ਤੋੜ ਕੇ ਆਜ਼ਾਦੀ ਦਿਵਾਉਣ ਵਾਲੀ ਹੈ। ਇਹ ਸੰਤਾਂ ਨੂੰ ਸੁੱਖ ਦੇਣ ਵਾਲੀ ਅਤੇ ਭੈੜੀ ਮੱਤ ਵਾਲਿਆਂ ਨੂੰ ਹਰਨ ਕਰਨ ਵਾਲੀ ਹੈ, ਇਸੇ ਕਰ ਕੇ ਹੀ ਅਸੀਂ ਇਸ ਦੀ ਸ਼ਰਨ ਲਈ ਹੈ। ਤੇਗ ਜਗਤ ਅੰਦਰ ਜੈ ਜੈ ਕਾਰ ਕਰਾਉਣ ਵਾਲੀ, ਸ੍ਰਿਸ਼ਟੀ ਨੂੰ ਸਾਜਣ ਤੇ ਬਚਾਉਣ ਵਾਲੀ ਤੇ ਪਾਲਣ ਵਾਲੀ ਹੈ। ਹੇ ਖੜਗ! ਤੇਰੀ ਜੈ ਹੋਵੇ। ਜੈ ਹੋਵੇ।

ਕਿਰਪਾਨ ਇੱਕ ਸਸਤਾ, ਹਰ ਇੱਕ ਦੀ ਪਹੁੰਚ ਵਾਲਾ ਅਤੇ ਲਾਇਸੰਸ ਰਹਿਤ ਹਥਿਆਰ ਹੈ। ਜਿਸ ਦੇ ਵੱਡੀ ਸ੍ਰੀ ਸਾਹਿਬ ਪਹਿਨੀ ਹੁੰਦੀ ਹੈ ਛੇਤੀ ਕੀਤਿਆਂ ਚੋਰ, ਡਾਕੂ ਆਦਿ ਉਸ ਬੰਦੇ ਦੇ ਨੇੜੇ ਨਹੀਂ ਆਉਂਦਾ। ਜਦ ਕਿ ਵਿਗਿਆਨਕ ਢੰਗ ਨਾਲ ਤਿਆਰ ਕੀਤੇ ਹਥਿਆਰ ਬਹੁਤ ਮਹਿੰਗੇ, ਅਮੀਰ ਦੀ ਪਹੁੰਚ ਵਾਲੇ ਅਤੇ