ਯਾਦਾਂ ਮਨਾਉਣੀਆਂ ਜਾਂ ਰੱਖਣੀਆਂ ਹੀ ਹਨ, ਪਾਕਿਸਤਾਨ ਵਿੱਚ ਵੀ ਮੁਸਲਮਾਨਾਂ ਦੇ ਘਰਾਂ ਵਿੱਚ ਉਸ ਸੂਰਮੇ ਦੀਆਂ ਯਾਦਾਂ ਸੁਸ਼ੋਭਤ ਹਨ।

੧੯੯੨ ਵਿੱਚ ਸਰਦਾਰ ਅਮਰਜੀਤ ਸਿੰਘ ਨਲੂਆ, ਜੋ ਹਰੀ ਸਿੰਘ ਦੀ ਛੇਵੀਂ ਪੀੜ੍ਹੀ ਵਿੱਚੋਂ ਹਨ। ਨਵੀਂ ਦਿੱਲੀ ਤੋਂ ਲਾਹੌਰ ਵਿਖੇ ਆਪਣੇ ਕਾਲਜ ਦੇ ਸਥਾਪਨਾ ਦਿਨ ਤੇ ਪਹੁੰਚੇ। ਅਮਰਜੀਤ ਸਿੰਘ ੧੯੪੬ ਵਿੱਚ ਇੰਡੀਅਨ ਰੁਆਇਲ ਨੇਵੀ ਵਿੱਚ ਨੌਕਰੀ ਕਰਦੇ ਸਨ। ਇਹਨਾਂ ਨੇ ਦੇਸ਼ ਦੀ ਆਜ਼ਾਦੀ ਲਈ ਕਾਫੀ ਯੋਗਦਾਨ ਪਾਇਆ। ਪਾਕਿਸਤਾਨ ਵਿੱਚ ਅਮਰਜੀਤ ਸਿੰਘ ੪੫ ਸਾਲ ਪਿਛੋਂ ਆਪਣੇ ਹਮਜਮਾਤੀਆਂ ਨੂੰ ਅਤੇ ਕੁਝ ਅਧਿਆਪਕਾਂ ਨੂੰ ਵੀ ਮਿਲੇ। ਇਹਨਾਂ ਦੀ ਮੱਦਦ ਨਾਲ ਜਿਨ੍ਹਾਂ ਦੇ ਘਰ ਅਮਰਜੀਤ ਅਤੇ ਉਨ੍ਹਾਂ ਦੀ ਪਤਨੀ ਠਹਿਰੇ ਹੋਏ ਸੀ ਕੰਧ ਤੇ ਲੱਗੇ ਹਰੀ ਸਿੰਘ ਨਲੂਆ ਦੇ ਚਿਤ੍ਰ ਨੂੰ ਦੇਖ ਕੇ ਬੜੇ ਅਸਚਰਜ਼ ਹੋਏ।

At News Islamabad 2006 Internet ਦੀ ਖਬਰ ਹੈ ਕਿ ਪਾਕਿਸਤਾਨ ਸਰਕਾਰ ਨੇ ਹਰੀ ਸਿੰਘ ਨਲੂਆ ਦੇ ਸ਼ਹਿਰ ਗੁਜਰਵਾਲਾਂ ਵਿਖੇ ਸਰਦਾਰ ਨਲੂਆ ਦੀ ਯਾਦ ਵਿੱਚ ਡਾਕਟਰੀ ਦੀ ਪ੍ਰਮੁੱਖ ਚਕਿਤਸਾਲਾ ਖੋਲ੍ਹਣ ਦਾ ਐਲਾਨ ਕੀਤਾ ਹੈ।

ਲੈਫਟੀਨੈਂਟ ਜਨਰਲ ਬੀ. ਐੱਸ. ਨਲੂਆ ਜਿਹੜੇ ਹਰੀ ਸਿੰਘ ਦੀ ਕੁੱਲ ਵਿੱਚੋਂ ਹੀ ਹਨ ਨੇ ਦੱਸਿਆ ਕਿ ੧੯੪੭ ਨੂੰ ਜਦੋਂ ਦੇਸ਼ ਦੀ ਵੰਡ ਸਮੇਂ ਭਾਰਤ ਵਿੱਚ ਆਉਣਾ ਸੀ ਤਾਂ ਉਸ ਸਮੇਂ ਅਸੀਂ ਗੁਜਰਾਂਵਾਲਾ ਦੀ ਹਵੇਲੀ ਵਿੱਚ ਨਲੂਆ ਜੀ ਦੀ ਜੰਗ ਵਿੱਚ ਪਹਿਨਣ ਵਾਲੀ ਸੰਜੋਅ (ਲੋਹੇ ਦੀਆਂ ਤਾਰਾਂ ਦਾ ਕੋਟ) ਜਿਸ ਦਾ ਭਾਰ ਤਕਰੀਬਨ ੪੦ ਸੇਰ ਦੇ ਨੇੜੇ ਸੀ ਛੱਡ ਕੇ ਆਏ।

ਬਰਤਾਨੀਆਂ ਸਰਕਾਰ ਨੇ ਵੀ ਹਰੀ ਸਿੰਘ ਨਲੂਆ ਦੀ ਯਾਦ ਤਾਜ਼ਾ ਰੱਖਣ ਲਈ ੧੯੦੮ ਵਿੱਚ ਉਨ੍ਹਾਂ ਬੰਦਿਆਂ ਨੂੰ ਸਨਮਾਣ ਲਈ ਜਿਨ੍ਹਾਂ ਮਹਾਨ ਘਾਲਣਾ ਘਾਲੀਆਂ, ਲਈ Indian General Service Medal ਤਿਆਰ ਕੀਤਾ ਜਿਸ ਉੱਪਰ ਇੱਕ ਪਾਸੇ ਜਮਰੌਦ ਦਾ ਕਿਲ੍ਹਾ ਦਿਖਾਇਆ ਹੋਇਆ ਸੀ ਅਤੇ ਦੂਜੇ ਪਾਸੇ ਬਰਤਾਨੀਆਂ ਦੇ ਰਾਜੇ ਦੀ ਫੋਟੋ ਉੱਕਰੀ ਹੋਈ ਸੀ। ਇਹ ਮੈਡਲ ੧੯੩੫ ਤੱਕ ਜਾਰੀ ਰਿਹਾ।

ਅੰਗਰੇਜ਼ ਲਿਖਾਰੀਆਂ ਨੇ ਹਰੀ ਸਿੰਘ ਨਲੂਆ ਦੀ ਉਸਤਤੀ ਬਹੁਤ ਢੁੱਕਵੇਂ ਗਹਿਰੇ, ਠੋਸ ਅਤੇ ਸੁੰਦਰ ਸ਼ਬਦਾਂ ਵਿੱਚ ਕੀਤੀ ਹੈ। ਗ੍ਰਿਫਨ ਨੇ ਸਰਦਾਰ ਨੂੰ 'ਮੂਰਤ