ਫੱਟ ਇਸ਼ਕ ਦੇ
ਅੰਬਰਾਂ ਚੋਂ ਇੱਕ ਤਾਰਾ ਟੁੱਟਿਆ ਲੈਕੇ ਮੇਰਾ ਨਾ।
ਮੇਰੇ ਵਾਂਗ ਮੁਹੱਬਤ ਓਹਦੀ, ਚੰਨ ਦੀ ਚਾਨਣੀ ਨਾਂ।
ਮੇਰੇ ਦਿਲ ਦੇ ਦਰਦਾਂ ਨੂੰ ਹਾਏ। ਕਿਸੇ ਟਕੋਰ ਨਾ ਕੀਤੀ,
ਓਹਨੂੰ ਵੀ ਸੀ ਫੱਟ ਇਸ਼ਕ ਦੇ, ਲੱਗੇ ਸੀ ਥਾਂ-ਥਾਂ।
ਕਿਹੜਾ ਗੀਤ ਸੁਣਾਵਾਂ ਓਸਨੂੰ, ਜੋ ਬਣ ਜਾਵੇ ਧਰਵਾਸਾ,
ਦਰਦਾਂ ਵਾਲੇ ਗੀਤ ਅਲਾਪੇ, ਛੱਡਿਆ ਉਸ ਗਰਾਂ।
ਨਿੱਕੀ ਜਿਹੀ ਜ਼ਿੰਦੜੀ ਸਾਡੀ, ਤੜਫ਼ੇ ਵਿੱਚ ਇਕਲਾਪੇ,
ਤਾਰਾ ਮੇਰੀ ਮੈਂ ਤਾਰੇ ਦੀ, ਆਈ ਮੌਤ ਮਰਾਂ।
ਖ਼ੈਰ ਮੌਤ ਦੀ ਮੰਗੇ "ਸੋਨੀ" ਸਭ ਦੇ ਦਰ ਤੇ ਜਾਕੇ,
ਭਰਦਾ ਨਈਂ ਕੋਈ ਹਾਮੀ ਓਹਦੀ ਹਾਂ ਦੇ ਵਿੱਚ ਹਾਂ।
