ਸ਼ਿਖ਼ਰ
ਤੈਨੂੰ ਪਤਾ ਮੁਹੱਬਤ ਦਾ ਦੁਪੱਟਾ
ਹਰ ਕੋਈ ਬੁੱਕਲ ਮਾਰਨਾ ਚਾਹੁੰਦਾ
ਜੇ ਖਿਆਲਾਂ ਦੀ ਲੈਸ ਨੂੰ
ਮੋਹ ਦੇ ਫੁੰਮਣ ਲੱਗੇ ਹੋਣ
ਮੁਹੱਬਤ ਮੱਥੇ ਦੀ ਤਰੇਲੀ ਨਾ ਬਣੇ
ਬਲਕਿ ਸਕੂਨ ਦਾ ਰਾਹ ਬਣੇ
ਤਾਂ ਕਿ ਮਹਿਬੂਬ ਨੂੰ ਮੁਸਕਰਾਣ ਦੀ ਵਜ੍ਹਾ ਮਿਲੇ....
ਵੱਡੀ ਗੱਲ ਹੁੰਦੀ ਏ
ਕਿਸੇ ਦੀ ਮੁਹੱਬਤ ਬਣਨਾ
ਉਸ ਤੋਂ ਵੀ ਵੱਡੀ ਗੱਲ ਹੁੰਦੀ ਏ
ਮਹਿਬੂਬ ਦੀ ਅਖੀਰੀ ਮੁਹੱਬਤ ਬਣਨਾ
ਹੁਣ ਅਸੀਂ ਬਿਨਾਂ ਮਨਾਏ
ਪਰਤ ਆਉਂਦੇ ਹਾਂ ਇੱਕ ਦੂਸਰੇ ਵੱਲ
ਜਿਉਂ ਨਿੱਕੇ ਬੱਚੇ ਰੋਂਦੇ ਰੋਂਦੇ ਵਿਰ ਜਾਂਦੇ ਨੇ
ਕਿੰਨੀ ਸਹਿਜਤਾ ਆ ਗਈ ਏ ਸਾਡੇ ਵਿਚਕਾਰ
ਮੁਹੱਬਤ ਦਾ ਸਹਿਜਤਾ ਵੱਲ
ਜਾਣਾ ਹੀ ਸੰਪੂਰਨਤਾ ਹੁੰਦਾ ..
