ਪਿਆਰ ਨਿਸ਼ਾਨੀ

ਜਦ ਓਹ ਮਿਲੇ

ਤਾਂ ਓਹ ਉਂਗਲ 'ਚੋ ਮੁੰਦਰੀ ਖਿਸਕਾ ਕੇ ਬੋਲੀ,

"ਲੈ ਦੇਖੀ ਮੁੰਦਰੀ ਦਾ ਦਾਗ਼ ਪੈ ਗਿਆ "

ਤਾਂ ਓਹ ਆਵਦੇ ਹੱਥਾਂ ਦੀ ਕਿੱਕਲੀ ਖੋਲਦੈ

ਤੇ ਮੁੰਦਰੀ ਨੂੰ ਉਂਗਲ 'ਚੋ ਖਿਸਕਾਉਂਦਾ

ਕਹਿੰਦੈ,

"ਹਮਮ, ਨਿਸ਼ਾਨ ਤਾਂ ਮੇਰੇ ਵੀ ਪਿਆਰ

ਨਿਸ਼ਾਨੀ ਦਾ ਪੈ ਗਿਐ

ਬੱਸ ਏਹੀ ਫ਼ਰਕ ਸੀ ਓਨਾਂ ਦੋਨਾਂ 'ਚ  

 

ਪੁੰਨ ਦਾ ਕੰਮ

ਮੈਂ ਉਹਨੂੰ ਆਖਿਆ,

"ਕੋਈ ਪੁੰਨ ਦਾ ਕੰਮ ਕਰਿਆ ਕਰ"

ਓਹਨੇ ਮੇਰੇ ਪੈਰੀਂ ਹੱਥ ਲਾ ਦਿੱਤੇ

 

ਓਹ ਕੁੜੀ

ਮੁਹੱਬਤ ਪੜ੍ਹਦੀ

ਮੁਹੱਬਤ ਸੁਣਦੀ

ਮੁਹੱਬਤ ਬੁਣਦੀ

ਮੁਹੱਬਤ ਮੁਹੱਬਤ ਕਰਦੀ

ਓਹ ਕੁੜੀ ਰੋਜ਼ ਮੁਹੱਬਤ ਕਵਿਤਾਵਾਂ ਲਿਖਦੀ