ਉਹ ਮੇਰੀ ਉਦਾਸੀ ਤੋਂ ਡਰਦੀ ਹੈ...

ਕਿੰਨੇ ਬਦਕਿਸਮਤ ਹਨ ਉਹ ਲੋਕ

ਜਿਨ੍ਹਾਂ ਨੇ ਮਾਂ ਨੂੰ

ਸਿਰਫ਼ ਸਰੀਰ ਕਰਕੇ ਜਾਣਿਆ ਹੈ

ਮੈਂ ਵੇਖਦੀ ਹਾਂ

ਦੁਨੀਆਂ ਦੀਆਂ ਸਾਰੀਆਂ ਸ਼ੈਆਂ

ਮਾਂ ਦੇ ਸਾਹਵੇ

ਕਿੰਨੀਆਂ ਛੋਟੀਆਂ ਛੋਟੀਆਂ ਹਨ

ਫਿੱਕੀਆਂ ਫਿੱਕੀਆਂ

ਕੁਝ ਵੀ

ਮਾਂ ਜਿੰਨਾ ਖੂਬਸੂਰਤ ਨਹੀਂ

ਮੈਂ ਨਹੀਂ ਭੁੱਲ ਸਕਦੀ

ਮਾਂ ਮੌਤ ਨਾਲ ਲੜਦੀ ਰਹੀ

ਤਾਂ ਜੋ ਮੈਂ ਦੁਨੀਆਂ ਦੇਖ ਸਕਾਂ

ਮਾਂ ਬਿਮਾਰ ਹੋਣ 'ਤੇ ਵੀ

ਠੀਕ ਹੋਣ ਦਾ ਦਿਖਾਵਾ ਕਰਦੀ ਹੈ

ਉਸ ਨੂੰ ਮੇਰੀ ਖੁਸ਼ੀ ਦਾ ਫ਼ਿਕਰ ਹੈ

ਉਹ ਮੇਰੀ ਉਦਾਸੀ ਤੋਂ ਡਰਦੀ ਹੈ ..