ਨਿੱਕੀ ਜਿੰਨੀ ਜਿੰਦ
ਨਿੱਕੇ ਜੇਹੇ ਦਿਮਾਗ ਰੂਪੀ ਰਿੜਕਣੇ 'ਚ
ਕਿੰਨਾ ਕੁੱਝ ਘੁੰਮਦਾ
ਹਰ ਦਿਨ ਫ਼ਿਕਰਾਂ ਦੀ ਮਧਾਣੀ ਸਾਰਾ ਦਿਨ ਚੱਲਦੀ
ਦੁਨੀਆਂਦਾਰੀ ਦੇ ਝਮੇਲੇ
ਬੁੱਢੇ ਮਾਂ ਬਾਪ ਦੇ ਸੁਪਨੇ
ਡਿਗਰੀਆਂ ਦਾ ਕੋਰੇ ਕਾਗਜ਼ ਬਣਨ ਦਾ ਦੁੱਖ
ਕਿਸੇ ਲਾਚਾਰ ਬਜ਼ੁਰਗ ਨੂੰ ਦੇਖ ਦਿਲ ਦਾ ਰੋਣਾ
ਪੁੱਤਾਂ ਦੀਆਂ ਮਾਵਾਂ ਨੂੰ ਦੇਖ ਦਿਲ ਭਰਨਾ
ਬਹੁਤ ਹੀ ਦੁੱਖ ਦਿੰਦਾ
ਕਦੇ ਕਦੇ ਪ੍ਰੇਸ਼ਾਨ ਕਰ ਜਾਂਦਾ ਮੇਰੇ
ਆਪਣਿਆਂ ਦਾ ਅਨੈਤਿਕ ਜਿਹਾ ਵਿਵਹਾਰ
ਵਰ੍ਹਿਆਂ ਦੇ ਬਣੇ ਰਿਸ਼ਤਿਆਂ ਦੇ ਤਿੜਕਣ 'ਤੇ
ਮਨ ਉਦਾਸ ਹੋ ਜਾਂਦਾ
ਨਿੱਕੀ ਜਿੰਨੀ ਜਿੰਦ ਨੂੰ ਕਿੰਨੇ ਫ਼ਿਕਰ ਆ ..
