ਸਕੂਲ ਸਕੂਲ

ਆਜਾ ਖੇਡੀਏ

ਕੀ ਖੇਡਾਂਗੇ

ਘਰ ਘਰ

ਹਾਂ ਘਰ ਘਰ ਪਰ ਸਾਡੇ

ਕੋਲ ਨਿੱਕੇ ਨਿੱਕੇ ਭਾਂਡੇ ਨਹੀ ਏ

ਕਿਵੇ ਖੇਡਾਂਗੇ ?

ਹਾਂ ਓਹ ਤੇ ਹੈ

ਨਿੱਕੋ ਮੈਨੂੰ ਸਕੂਲ ਜਾਣ ਦਾ

ਪੜ੍ਹਨ ਦਾ ਬਹੁਤ ਚਾਅ ਏ

ਪਰ ਬਾਪੂ ਕੋਲ ਪੈਸੇ ਨਹੀਂ

ਮੇਰੇ ਦਾਖਲੇ ਲਈ

ਚੱਲ ਤੇਰਾ ਸ਼ੌਕ ਪੂਰਾ ਕਰਦੇ ਹਾਂ ਖੇਡ ਖੇਡ 'ਚ

ਮੈਂ ਮਾਸਟਰਨੀ ਬਣਾਂਗੀ ਤੂੰ ਸਰਦਾਰਾਂ ਦੀਆਂ

ਕੁੜੀਆਂ ਵਾਂਗ ਪੜਨ ਆਵੀਂ

ਪੜ੍ਹਾਈ ਦਾ ਨਾਮ ਸੁਣ ਓਹ ਖੁਸ਼ੀ 'ਚ ਉੱਛਲੀ

ਤੇ ਓਹ ਕਿੰਨਾ ਚਿਰ ਸੜਕ ਦੇ ਕਿਨਾਰੇ ਬੈਠ ਸਕੂਲ

ਸਕੂਲ ਖੇਡਦੀਆਂ ਰਹੀਆਂ

ਤੇ ਰੋੜੀ ਨਾਲ ਜ਼ਮੀਨ 'ਤੇ ਲੀਕਾਂ ਮਾਰਦੀਆਂ

ਰਹੀਆਂ...