ਕੁਝ ਕੁ ਪਿਆਰ ਕਹਾਣੀਆਂ

ਜੋ ਖੁਦਕੁਸ਼ੀ, ਛਲਾਵਿਆਂ, ਤੇਜ਼ਾਬ ਸੁੱਟਣ ਦੇ

ਡਰਾਵਿਆਂ ਨਾਲ ਸਾਹ ਲੈਂਦੀਆਂ

ਉਹ ਕਦੀ ਮੁਹੱਬਤ ਨਹੀਂ ਅਖਵਾਉਂਦੀਆਂ

ਮੁਹੱਬਤ ਕਰਨ ਵਾਲੇ ਇੱਕ ਦੂਸਰੇ ਨੂੰ ਜਿਉਂਣਾ

ਸਿਖਾਉਂਦੇ ਨੇ

ਮਾਰਦੇ ਕਦੇ ਨਹੀਂ ..

****

ਅੱਗੇ ਸਿਆਲ ਆ ਰਿਹਾ

ਅੱਜ ਤੇਰੇ ਮੋਹ ਦੀ ਕੋਟੀ ਬੁਣਨ ਲਈ

ਸਲਾਈਆਂ ਲੱਭ ਲਈਆਂ ....

****

ਕਿਸੇ ਦੀ ਹੋਂਦ ਨਾਲ ਦੋਸਤੀ ਪਾ

ਉਸ ਵਰਗੇ ਬਣਨ ਦਾ ਯਤਨ ਕਰਨਾ

ਕਿੰਨਾ ਅਨੰਦ ਦਿੰਦਾ ਏਹ ਸਭ

****

ਮਾਲਾ ਦੇ ਮੋਤੀਆਂ ਵਰਗੀ ਹਾਂ

ਖਿੰਡ ਕੇ ਬਿਖਰ ਵੀ ਗਈ ਤਾਂ

ਇੱਕ ਆਸ ਹਮੇਸ਼ਾ ਪੱਲੇ ਬੰਨੀ ਰੱਖਾਂਗੀ

ਬੱਸ ਤੂੰ ਕਦੀ ਮੂੰਹ ਨਾ ਮੋੜੀ