ਪਰਤੇਂਗੀ ਨਾ ਮਾਂ ?

ਮਾਂ ਸੁਣੀ ਮਾਂ

ਮਾਂ ਤੂੰ ਉਸਦੇ ਸਭ ਤੋਂ ਨੇੜੇ ਸੀ ਤੇ ਹਮੇਸ਼ਾ ਰਹੇਗੀ

ਉਹ ਤੈਨੂੰ ਹਰ ਪਲ ਮਹਿਸੂਸ ਕਰਦਾ ਏ

ਪਤਾ ਤੈਨੂੰ ਓਹਦੀਆਂ ਅੱਖਾਂ

ਐਨ ਤੇਰੇ ਵਾਂਗ ਭੋਲੀਆਂ ਨੇ

ਮਾਂ ਪੁੱਤ ਦੇ ਕਿੰਨੇ ਨੈਣ-ਨਕਸ਼ ਮਿਲਦੇ ਨੇ

ਮੈਂ ਉਹਨੂੰ ਐਨਾ ਰੋਂਦੇ ਕਦੇ ਨਹੀਂ ਸੀ ਵੇਖਿਆ

ਤੂੰ ਗਈ ਤਾਂ ਓਹਦੇ ਹਾਸੇ ਵੀ ਨਾਲ ਹੀ ਲੈ ਗਈ

ਹੁਣ ਓਹ ਹੱਸਦਾ ਤਾਂ ਏ ਪਰ ਉਵੇਂ ਨਹੀਂ

ਜਿਵੇਂ ਤੇਰੀਆਂ ਗੱਲਾਂ 'ਤੇ ਖਿੜਖਿੜਾ ਹੱਸਦਾ ਸੀ

ਤੈਨੂੰ ਗਈ ਨੂੰ ਅੱਜ ਸਾਲ ਹੋ ਗਿਆ

ਪਰ ਤੇਰੀ ਉਡੀਕ ਅੱਜ ਵੀ ਏ

ਕਦੇ ਨਾ ਕਦੇ ਤਾਂ ਕਿਸੇ ਰੂਪ 'ਚ ਪਰਤੇਂਗੀ ਨਾ ਮਾਂ ...