38. ਕਰਨ ਖੇੜੇ

ਫੇਰ ਚੜੇ ਚੜੇ ਰਾਜੇ ਕਰਨ ਦੇ ਖੇੜੇ ਉਤੇ ਜਾਇ ਖੜੇ ਹੋਏ। ਬਚਨ ਕੀਤਾ: 'ਧੰਨ ਰਾਜਾ ਕਰਨ ਜਿਨ ਸਵਾ ਮਣ ਸੁਇਨਾ ਪੁੰਨ ਕੀਤਾ, ਹਮੇਸ਼ਾਂ। ਆਪਣੀ ਖਲ ਭੀ ਉਤਾਰ ਦਿਤੀ।'

ਡੇਰਾ ਥਾਨ ਤੀਰਥ ਕੀਤਾ। ਤਿਥੇ ਬਡਾ ਜਗੁ ਕੀਤਾ। ਪ੍ਰਿਥਮੇ ਸਿਧ ਬਟੀ ਮਥਾ ਟੇਕਿਆ ਗੁਰੂ ਨਾਨਕ ਜੀ ਕੇ ਅਸਥਾਨ। ਫੇਰ ਗੁਰੂ ਹਰਿ ਗੋਬਿੰਦ ਜੀ ਕੇ ਅਸਥਾਨ ਮਥਾ ਟੇਕਿਆ। ਫੇਰ ਸਰਬਤ ਨੂੰ ਪ੍ਰਸਾਦਿ ਛਕਾਇਆ। ਬ੍ਰਹਿਮਣਾਂ ਨੇ ਆਖਿਆ: 'ਮਹਾਰਾਜ ਜੀ! ਐਸਾ ਦਾਨ ਦੇਵੇ ਸਾਡਾ ਪੁਤ ਪੋਤਾ ਭੀ ਖਾਇ। ਗੁਰੂ ਜੀ ਨੇ ਹੁਕਮ ਨਾਮਾ ਦਿਤਾ ਤਾਮੇ ਦੇ ਪਤ੍ਰੇ ਉਤੇ ਲਿਖਾਇਕੇ॥੩੮॥