ਅਵਾਂਤੀ ਪੂਰੇ ਦੇ ਖੰਡਰ*।

ਅਵਾਤੀ ਪੂਰਾ ਕੀ ਰਹਿ ਗ੍ਯਾ ਬਾਕੀ,

ਦੋ ਮੰਦਰਾਂ ਦੇ ਢੇਰ,

ਬੀਤ ਚੁਕੀ ਸਭ੍ਯਤਾ ਦੇ ਖੰਡਰ,

ਦਸਦੇ ਸਮੇਂ ਦੇ ਫੇਰ

ਸਾਖੀ ਭਰ ਰਹੇ ਓਸ ਅੱਖ ਦੀ

ਜਿਸ ਵਿਚ ਮੋਤੀਆ-ਬਿੰਦ,

ਹੁਨਰ ਪਛਾਣਨ ਵੱਲੋਂ ਛਾਇਆ,

ਗੁਣ ਦੀ ਰਹੀ ਨ ਜਿੰਦ।

'ਜੋਸ਼ ਮਜ਼ਹਬ ਤੇ 'ਕਦਰ-ਹੁਨਰ ਦੀ

ਰਹੀ ਨ ਠੀਕ ਤਮੀਜ਼,

ਰਾਜ਼ੀ ਕਰਦੇ ਹੋਰਾਂ ਤਾਂਈ

ਆਪੂੰ ਬਣੇ ਮਰੀਜ਼।

ਬੁਤ ਪੂਜਾ? 'ਬੁਤ ਫੇਰ ਹੋ ਪਏ

ਹੁਨਰ ਨ ਪਰਤ੍ਯਾ ਹਾਇ !

ਮਰ ਮਰ ਕੇ ਬੁਤਂ ਫੇਰ ਉਗਮ ਪਏ,

• ਦੇ ਪੁਰਾਣੇ ਮੰਦਰਾਂ ਦੇ ਖੋਲੇ, ਸ੍ਰੀ ਨਗਰ ਤੇ ਅਨੰਤ ਨਾਗ ਦੇ ਵਿਚਾਲੇ।