ਤੇ ਜਿੱਤਣ ਲਈ ਜਹਾਨ ਹੈ।

ਸਟਾਈਲ ਦੇਖਿਆ? ਕਥਨ ਵਿਚਲੀ ਤਾਕਤ ਦੇਖੋ: ਇਕ ਹੋ ਜਾਉ। ਗੁਆਣ ਲਈ ਹੈ ਕੀ ਤੁਹਾਡੇ ਕੌਲਾ ਜੰਜ਼ੀਰਾਂ, ਤੇ ਜਿੱਤਣ ਲਈ ਜਹਾਨ। ਇਹੋ ਗਲ ਕਿਹਾ ਕਰਦਾਂ ਮੈਂ ਆਪਣੇ ਸਨਿਆਸੀਆਂ ਨੂੰ। ਇਨ੍ਹਾਂ ਨੂੰ ਮੈਂ ਇਕੱਠੇ ਹੋ ਜਾਣ ਲਈ ਤਾਂ ਨਹੀਂ ਆਖਦਾ, ਮੈਂ ਕਿਹਾ ਕਰਦਾਂ- ਹੋ ਜਾਓ, ਗੁਆਣ ਲਈ ਜੰਜੀਰਾਂ ਤੋਂ ਬਰੀਰ ਕੁਝ ਨਹੀਂ।

ਮੈਂ ਇਹ ਵੀ ਨਹੀਂ ਕਹਿੰਦਾ ਕਿ ਜਿੱਤਣ ਲਈ ਸੰਸਾਰ ਪਿਆ ਹੈ, ਇਸ ਗੱਲ ਵਿਚ ਕੀ ਪਿਆ ਹੈਦੁਨੀਆਂ ਜਿੱਤਣ ਦੀ ਕੀ ਲੋੜ? ਤੁਸੀਂ ਮੈਨੂੰ ਸਿਕੰਦਰ ਮਹਾਨ, ਨੈਪੋਲੀਅਨ, ਹਿਟਲਰ, ਸਟਾਲਿਨ ਜਾਂ ਮਾਓਜ਼ੇ ਤੁੰਗ ਬਣਨ ਲਈ ਪਰੇਰ ਸਕਦੇ ਹੋ। ਇਹੋ ਜਿਹੇ ਮੂਰਖਾਂ ਦੀ ਬੜੀ ਲੰਮੀ ਕਤਾਰ ਹੈ ਸਿਕੰਦਰ ਵਰਗਿਆਂ ਦੀ, ਮੈਂ ਉਨ੍ਹਾਂ ਦਾ ਕੀ ਕਰਾਂ? ਮੈਂ ਸਨਿਆਸੀਆਂ ਨੂੰ ਇਹ ਨਹੀਂ ਕਹਿੰਦਾ ਕਿ ਜਿੱਤ ਜਾਉ। ਜਿੱਤਣ ਲਈ ਕੁਝ ਨਹੀਂ। ਹੋ ਜਾਓ ਬਸ, ਇਹ ਮੇਰਾ ਮੈਨੀਫੈਸਟੋ ਹੈ। ਹੋ ਜਾਓ, ਹੋ ਜਾਣ ਨਾਲ ਤੁਹਾਡੇ ਕੋਲ ਸਭ ਕੁਝ ਆ ਗਿਆ।

ਅੱਠਵੀਂ? ਮੈਂ ਠੀਕ ਕਿਹਾ?

ਹਾਂ ਓਸ਼ੋ ਅੱਠਵੀਂ।

ਵਾਹ। ਠੀਕ ਚੱਲ ਰਿਹੈ ਨਾ ਸਭ ਕੁਝ? ਤਿਆਰ ਬਰਤਿਆਰਹੋ? ਅੱਜ ਤੁਹਾਡੀ ਘੁਸਰ ਮੁਸਰ ਨਹੀਂ ਸੁਣੀ ਮੈਂ। ਮਾੜਾ ਮੋਟਾ ਸ਼ੋਰ ਸ਼ਰਾਬਾ ਤਾਂ ਕਰੋ। ਚੰਗਾ ਲਗਦੈ।

ਅੱਠਵੀਂ ਹੈ Marcel ਦੀ ਕਿਤਾਬ ਸਿਸੀਫਸ ਦੀ ਮਿੱਥ THE MYTH OF SISYPHUS. ਜਿਸ ਤਰ੍ਹਾਂ ਦੇ ਹੋਇਆ ਕਰਦੇ ਹਨ ਮੈਂ ਉਵੇਂ ਦਾ ਧਾਰਮਿਕ ਬੰਦਾ ਨਹੀਂ, ਧਰਮ ਬਾਰੇ ਮੇਰਾ ਆਪਣਾ ਹਿਸਾਬ ਕਿਤਾਬ ਹੈ। ਲੋਕ ਹੈਰਾਨ ਹੋਣਗੇ ਕਿ ਜਿਹੜੀਆਂ ਕਿਤਾਬਾਂ ਧਾਰਮਿਕ ਨਹੀਂ ਮੈਂ ਉਨ੍ਹਾਂ ਨੂੰ ਆਪਣੀ ਲਿਸਟ ਵਿਚ ਕਿਉਂ ਲਿਖ ਰਿਹਾ ਹਾਂ। ਜਦੋਂ ਡੂੰਘਾ ਖੋਦੋਗੇ ਤਾਂ ਜਾਣੋਗੇ ਉਹ ਵੀ ਧਾਰਮਿਕ ਹਨ, ਲਭੇਗਾ ਧਰਮ ਤੁਹਾਨੂੰ ਉਨ੍ਹਾਂ ਵਿਚੋਂ। ਸਿਸੀਫਸ ਦੀ ਮਿੱਥ ਬਹੁਤ ਪੁਰਾਣੀ ਹੈ ਜਿਸ ਨੂੰ ਮਾਰਸਿਲ ਨੇ ਆਪਣੀ ਕਿਤਾਬ ਵਾਸਤੇ ਵਰਤ ਲਿਆ। ਸੁਣੋ ਮੇਰੀ ਗੱਲ।

ਸਿਸੀਫਸ ਦੇਵਤਾ ਸੀ, ਸੁਰਗ ਵਿਚੋਂ ਕੱਢ ਦਿੱਤਾ ਗਿਆ ਕਿਉਂਕਿ ਅਪਰੰਪਾਰ ਰੱਬ ਦੀ ਹੁਕਮ ਅਦੂਲੀ ਕੀਤੀ, ਸਜ਼ਾ ਪਾਈ। ਸਜ਼ਾ ਇਹ ਸੁਣਾਈ ਗਈ ਕਿ ਇਹ ਵਡਾ ਪੱਥਰ ਪਹਾੜੀ ਦੀ ਟੀਸੀ ਤੱਕ ਲਿਜਾ ਕੇ ਪਰਲੇ ਪਾਰ ਰੋੜ ਕੇ ਆ। ਪਹਾੜੀ ਬਹੁਤ ਉਚੀ ਨਹੀਂ ਸੀ ਪਰ ਹੋਇਆ ਇਹ ਕਿ ਪੱਥਰ ਪਹਾੜੀ ਦੀ ਚੋਟੀ ਤੋਂ ਪਾਰ ਸੁਟ ਕੇ ਜਦੋਂ ਉਹ ਵਾਪਸ ਪਰਤਣ ਲਗਦਾ, ਹੇਠਾਂ ਉਤਰਨ ਲਗਦਾ, ਪੱਥਰ