ਕਿਤਾਬ ਰਖਿਆ ਕਰਦਾ। ਹੁਣ ਇਹ ਕਿਤਾਬ ਮੇਰੇ ਹੱਥ ਵਿਚ ਨਹੀਂ ਹੁੰਦੀ, ਹੁਣ ਇਹ ਮੇਰੇ ਦਿਲ ਵਿਚ ਹੁੰਦੀ ਹੈ।

ਚੌਥੀ ਕਿਤਾਬ ਹੈ ਪੰਜਵਾਂ ਗਾਸਪਲ। ਇਹ ਬਾਈਬਲ ਵਿਚ ਦਰਜ ਨਹੀਂ ਕੀਤਾ ਗਿਆ, ਮਿਸਰ ਵਿਚੋਂ ਹੁਣੇ ਲੱਭਾ ਹੈ ਨਾਮ ਹੈ NOTES ON JESUS ਕ੍ਰਿਤ ਥਚੁਕਿਆ ਹਾਂ ਕਿਉਂਕਿ ਇਸ ਨਾਲ ਦੇਖਣ ਸਾਰ ਇਸ਼ਕ ਹੋ ਗਿਆ ਸੀ। ਥੋਮਸ ਆਪਣੀ ਕਿਤਾਬ ਵਿਚ ਏਨੀ ਸਰਲ ਗਲ ਕਰਦਾ ਹੈ ਗਲਤੀ ਦੀ ਗੁੰਜਾਇਸ਼ ਨਹੀਂ ਰਹਿੰਦੀ। ਏਨਾ ਸਾਫ, ਏਨਾ ਸਿਧਾ, ਏਨਾ ਨੇੜੇ ਕਿ ਆਪ ਉਹ ਕਿਤੇ ਹੈ ਈ ਨਹੀਂ ਕਿਤਾਬ ਵਿਚ, ਈਸਾ ਹੈ ਕੇਵਲ।

ਤੁਹਾਨੂੰ ਪਤੈ ਭਾਰਤ ਵਿਚ ਆਉਣ ਵਾਲਾ ਥੌਮਸ ਪਹਿਲਾ ਚੇਲਾ ਸੀ? ਭਾਰਤੀ ਈਸਾਈ ਮੱਤ ਦੁਨੀਆਂ ਵਿਚ ਸਭ ਤੋਂ ਪੁਰਾਤਨ ਹੈ, ਵੈਟੀਕਨ ਤੋਂ ਵੀ ਪੁਰਾਣਾ। ਉਸ ਦੀ ਦੇਹ ਗੋਆ ਵਿਚ ਹੁਣ ਤਕ ਸੰਭਾਲੀ ਪਈ ਹੈ, ਅਦਭੁਤ ਥਾਂ ਹੈ ਗੋਆ, ਸੁਹਣਾ, ਬਹੁਤ ਸੁਹਣਾ। ਇਸੇ ਕਰਕੇ ਜਿਨ੍ਹਾਂ ਵਿਦੇਸ਼ੀ ਸੈਲਾਨੀਆਂ ਨੂੰ ਹਿੱਪੀ ਕਹਿੰਦੇ ਸਨ ਉਹ ਸਾਰੇ ਗੋਆ ਜਾਂਦੇ। ਇਹੋ ਜਿਹੀ ਕੋਈ ਥਾਂ ਨਹੀਂ ਹੋਰ, ਕੋਈ ਬੀਚ ਇਨਾ ਸਾਫ, ਸੁਹਣਾ ਤੇ ਪਵਿਤਰ ਨਹੀਂ ਜਿੰਨੇ ਗੋਆ ਦੇ ਬੀਚ।

ਥੌਮਸ ਦਾ ਸਰੀਰ ਸੰਭਾਲਿਆ ਪਿਆ ਹੈ, ਕਿਵੇਂ ਸੰਭਾਲਿਆ ਚਮਤਕਾਰ ਹੈ। ਹੁਣ ਤਾਂ ਅਸੀ ਜਾਣਦੇ ਹਾਂ ਸਰੀਰ ਕਿਵੇਂ ਸੰਭਾਲਕੇ ਰਖ ਸਕੀਦਾ ਹੈ, ਜਮਾ ਲੈਂਦੇ ਹਾਂ। ਪਰ ਥੌਮਸ ਦੀ ਦੇਹ ਜਮਾਈ ਨਹੀਂ ਗਈ। ਮਿਸਰ, ਤਿਬਤ ਵਿਚ ਲੋਕਾਂ ਕੋਲ ਨੁਸਖਾ ਸੀ ਜਿਸ ਨਾਲ ਉਹ ਦੇਹਾਂ ਸਾਂਭ ਲਿਆ ਕਰਦੇ ਸਨ। ਉਹੀ ਤਰੀਕਾ ਇਥੇ ਇਸਤੇਮਾਲ ਕੀਤਾ ਗਿਆ। ਜਿਹੜੇ ਰਸਾਇਣ ਵਰਤੇ ਗਏ... ਵਿਗਿਆਨੀਆਂ ਨੂੰ ਪਤਾ ਨਹੀਂ, ਇਹ ਵੀ ਪਤਾ ਨਹੀਂ ਕਿ ਰਸਾਇਣਾਂ ਦੀ ਵਰਤੋਂ ਹੋਈ ਵੀ ਸੀ ਕਿ ਨਹੀਂ। ਵਿਗਿਆਨੀ ਵੀ ਕਮਾਲ ਹਨ। ਚੰਦ ਤੇ ਪੁੱਜ ਸਕਦੇ ਹਨ, ਅਜਿਹਾ ਪੈਨ ਨਹੀਂ ਬਣਾ ਸਕਦੇ ਜਿਹੜਾ ਲੀਕ ਨਾ ਕਰਦਾ ਹੋਵੇ। ਨਿਕੀਆਂ ਮੋਟੀਆਂ ਚੀਜ਼ਾਂ ਵਿਚ ਉਹ ਫੇਲ ਹੋ ਜਾਂਦੇ ਹਨ।

ਮੈਂ ਵਿਗਿਆਨੀ ਨਹੀਂ ਹਾਂ। ਕੱਲ੍ਹ ਜਦੋਂ ਮੈਂ ਓਕੇ ਕਿਹਾ ਸੀ ਉਦੋਂ ਵੀ ਮੈਂ ਓਕੇ ਨਹੀਂ ਸੀ। ਇਸ ਕਰਕੇ ਕਹਿ ਦਿੱਤਾ ਸੀ ਕਿਉਂਕਿ ਮੈਂ ਤੁਹਾਨੂੰ ਪਿਆਰ ਕਰਦਾ ਹਾਂ, ਤੁਹਾਨੂੰ ਕਿਸੇ ਮੁਸੀਬਤ ਵਿਚ ਨਹੀਂ ਪਾਉਣਾ ਸੀ। ਮਸ਼ੀਨਰੀ ਦਾ ਕੈਮਿਸਟਰੀ ਦਾ ਮੈਨੂੰ ਕੋਈ ਪਤਾ ਨਹੀਂ, ਮੈਂ ਕੇਵਲ ਆਪਣੇ ਆਪ ਨੂੰ ਜਾਣਦਾ ਹਾਂ। ਮੇਰੇ ਆਲੇ ਦੁਆਲੇ ਜਦੋਂ ਸਭ ਕੁਝ ਸਹੀ ਸਲਾਮਤ ਹੋਵੇ, ਉਦੋਂ ਵਿਸਮਾਦ ਹੁੰਦਾ ਹੈ। ਉਸ ਵਿਸਮਾਦ ਤੋਂ ਮੈਨੂੰ ਪਤਾ ਲਗ ਜਾਂਦੈ ਕਿ ਸਭ ਠੀਕ ਹੋ ਰਿਹੈ। ਜੇ ਕਿਤੇ ਨੁਕਸ ਹੋਵੇ ਫਿਰ ਮੈਨੂੰ ਮਾਤਲੋਕ ਵਿਚ ਹੇਠਾਂ ਆਉਣਾ ਪੈਂਦਾ ਹੈ।