ਸ਼ਵੇਤਾਂਬਰ ਮਾਇਨੇ ਸਫੈਦ ਲਿਬਾਸ ਵਾਲੇ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਭਗਵਾਨ ਮਹਾਂਵੀਰ ਰਹਿੰਦੇ ਨੰਗੇ ਹੀ ਸਨ ਪਰ ਦੇਵਤਿਆਂ ਨੇ ਉਨ੍ਹਾ ਨੂੰ ਅਦਿਖ ਸਫੈਦ ਲਿਬਾਸ ਵਿਚ ਲਪੇਟ ਦਿੱਤਾ ਸੀ। ਹਿੰਦੂਆਂ ਦੀ ਤਸੱਲੀ ਵਾਸਤੇ ਇਹ ਇਕ ਤਰ੍ਹਾਂ ਦਾ ਰਾਜ਼ੀਨਾਵਾਂ ਹੈ।

ਤਰਨ ਤਾਰਨ ਦੇ ਚੇਲੇ ਦਿਗਾਂਬਰ ਹਨ, ਸਭ ਤੋਂ ਵੱਡੇ ਕ੍ਰਾਂਤੀਕਾਰੀ ਜੈਨੀ ਹਨ ਇਹ। ਇਹ ਤਾਂ ਮਹਾਂਵੀਰ ਦੀ ਮੂਰਤੀ ਨੂੰ ਵੀ ਨਹੀਂ ਪੂਜਦੇ, ਇਨ੍ਹਾਂ ਦੇ ਮੰਦਰ ਵੀ ਖਾਲੀ ਹਨ। ਜੇ ਕਿਤੇ ਮੈਂ ਆਪਣੇ ਇਸ ਪਰਿਵਾਰ ਵਿਚ ਨਾ ਜੰਮਿਆਂ ਹੁੰਦਾ, ਮੈਂ ਤਰਨ ਤਾਰਨ ਨੂੰ ਨਾ ਜਾਣਦਾ ਹੁੰਦਾ। ਸ਼ੁਕਰ ਰੱਬ ਦਾ ਇਸ ਪਰਿਵਾਰ ਵਿਚ ਪੈਦਾ ਹੋਣ ਦਾ ਮੌਕਾ ਮਿਲਿਆ। ਕੇਵਲ ਇਸ ਇਕ ਕਾਰਨਾਮੇ ਕਰਕੇ ਸਾਰੀਆਂ ਮੁਸੀਬਤਾਂ ਭੁਲਾ ਸਕਦਾ ਹਾਂ ਕਿ ਪਰਿਵਾਰ ਨੇ ਵਚਿਤਰ ਸਾਧੂ ਨਾਲ ਮੇਲ ਕਰਵਾਇਆ।

ਪਾਗਲ ਬੰਦੇ ਵਾਂਗ ਉਸ ਦੀ ਕਿਤਾਬ ਸੁਨਯ ਸਵਭਾਵ ਬਾਰ ਬਾਰ ਇਕੋ ਗਲ ਦੁਹਰਾਈ ਜਾਂਦੀ ਹੈ। ਤੁਸੀਂ ਮੈਨੂੰ ਜਾਣਦੇ ਹੋ, ਬੁਝਦੇ ਹੋ। ਪੱਚੀ ਸਾਲਾਂ ਤੋਂ ਮੈਂ ਵੀ ਇਕੋ ਗਲ ਬਾਰ ਬਾਰ ਕਹੀ ਜਾਨਾ। ਬਾਰ ਬਾਰ ਮੈਂ ਕਿਹਾ ਹੈ- ਜਾਗੋ। ਇਹੀ ਗਲ ਉਹ ਸੁਨਯ ਸਵਭਾਵ ਵਿਚ ਕਹਿੰਦਾ ਹੈ।

ਪੰਜਵੀਂ। ਤਰਨ ਤਾਰਨ ਦੀ ਦੂਜੀ ਕਿਤਾਬ ਹੈ ਸਿਧੀ ਸਵਭਾਵ SIDDHI SABHAVA: ਅਪਰੰਪਾਰ ਅਨੁਭਵ ਦੀ ਪ੍ਰਕ੍ਰਿਤੀ। ਸੁਹਣਾ ਟਾਈਟਲ ਹੈ। ਬਾਰ ਬਾਰ ਇਕ ਗੱਲ ਕਰੀ ਜਾਂਦਾ ਹੈ- ਖਾਲੀ ਹੋ ਜਾਉ। ਹੋਰ ਵਿਚਾਰਾ ਕੀ ਕਹੇ? ਕੋਈ ਹੋਰ ਕੀ ਗੱਲ ਕਹੇ? ਜਾਗੋ, ਹੋਸ਼ ਕਰੋ।

ਅੰਗਰੇਜ਼ੀ ਲਫਜ਼ beware ਦੋ ਸ਼ਬਦਾਂ ਤੋਂ ਮਿਲ ਕੇ ਬਣਿਆ ਹੈ, be ਅਤੇ aware, ਸੋ ਇਸ beware ਲਫਜ਼ ਤੋਂ ਡਰੋ ਨਾਂ, ਚੌਕਸ ਹੋ ਜਾਉ, ਜਦੋਂ ਚੌਕਸ ਹੋ ਗਏ, ਮੰਜ਼ਲ ਪਾ ਲਈ।

ਕਿਤਾਬਾਂ ਤਰਨ ਤਾਰਨ ਦੀਆਂ ਹੋਰ ਵੀ ਹਨ ਕਈ ਪਰ ਇਨ੍ਹਾਂ ਦੋਆਂ ਵਿਚ ਸਾਰੀ ਗੱਲ ਮੌਜੂਦ ਹੈ। ਇਕ ਦਸਦੀ ਹੈ ਤੁਸੀਂ ਕੋਣ ਹੋ- ਪੂਰੇ ਖਾਲੀ। ਦੂਜੀ ਦਸਦੀ ਹੈ ਮੰਜ਼ਲ ਤੇ ਕਿਵੇਂ ਪੁੱਜਣਾ ਹੈ, ਚੌਕਸ ਹੋਕੇ। ਇਹ ਦੋਵੇਂ ਛੋਟੀਆਂ ਛੋਟੀਆਂ ਕਿਤਾਬਾਂ ਹਨ, ਥੋੜੇ ਕੁ ਪੰਨੇ।

ਛੇਵੀਂ। ਇਸ ਕਿਤਾਬ ਦਾ ਜ਼ਿਕਰ ਕਰਨਾ ਚਾਹਿਆ, ਡਰਦਾ ਰਿਹਾ ਕਿਤੇ ਰਹਿ ਹੀ ਨਾ ਜਾਵੇ ਕਿਉਂਕਿ ਸਮਾਂ ਨਹੀਂ ਸੀ। ਕੋਈ ਯੋਜਨਾ ਨਹੀਂ ਬਣਾਈ। ਹਮੇਸ਼ ਆਪ ਮੁਹਾਰ ਚਲਿਆ। ਮੈਂ ਪੰਜਾਹ ਕਿਤਾਬਾਂ ਬਾਰੇ ਗਲ ਕਰਨ ਦੀ ਸੋਚੀ ਪਰ ਹੋਰ ਯਾਦ ਆਈ ਗਈਆਂ, ਹੋਰ ਯਾਦ ਆਈ ਗਈਆਂ, ਪੰਜਾਹ ਹੋਰ ਜੁੜ ਗਈਆਂ। ਪਰ ਅਜੇ ਹੋਰ ਸੁਹਣੀਆਂ ਕਿਤਾਬਾਂ ਬਕਾਇਆ ਸਨ। ਮੈਨੂੰ ਗੱਲ ਜਾਰੀ ਰੱਖਣੀ ਪਈ ਇਸ ਕਰਕੇ ਇਸ ਕਿਤਾਬ ਦੀ ਵਾਰੀ ਆਈ। ਇਹ ਦੋਸਤੋਵਸਕੀ ਦੀ ਹੈ NOTES FROM THE UNDERGROUND.