ਚੌਥੀ ਅਜੀਤ ਸਰਸ੍ਵਤੀ... ਨਹੀਂ... ਨਹੀਂ..ਅਜੀਤ ਮੁਖਰਜੀ ਦੀ ਕਿਤਾਬ। ਤੰਤਰ ਵਿਦਿਆ ਵਿਚ ਉਸ ਨੇ ਕਮਾਲ ਕੰਮ ਕੀਤਾ। ਉਸ ਦੀਆਂ ਦੋ ਕਿਤਾਬਾਂ ਲਿਸਟ ਵਿਚ ਰੱਖਣੀਆਂ ਹਨ।

ਚੌਥੀ ਕਿਤਾਬ ਅਜੀਤ ਮੁਖਰਜੀ ਕ੍ਰਿਤ ਤੰਤਰ ਕਲਾ, THE ART OF TANTRA ਹੈ ਤੇ ਪੰਜਵੀਂ ਤੰਤਰ ਦੇ ਚਿੱਤਰ, THE PAINTING OF TANTRA ਹੈ। ਅਜੇ ਜਿਉਂਦਾ ਹੈ, ਇਨ੍ਹਾਂ ਦੋ ਕਿਤਾਬਾਂ ਕਾਰਨ ਉਹ ਮੈਨੂੰ ਬੜਾ ਚੰਗਾ ਲੱਗਾ ਕਿਉਂਕਿ ਦੋਵੇਂ ਸ਼ਾਹਕਾਰ ਨੇ, ਪੇਂਟਿੰਗ, ਆਰਟ ਅਤੇ ਇਸ ਉਪਰ ਉਸ ਦਾ ਬ੍ਰਿਤਾਂਤ ਗਜ਼ਬ ਹਨ। ਉਸ ਦੀ ਕੀਤੀ ਵਿਆਖਿਆ ਬੇਹੱਦ ਕੀਮਤੀ ਹੈ।

ਆਪ ਖੁਦ ਵਿਚਾਰਾ ਬੰਗਾਲੀ ਹੀ ਹੈ। ਥੋੜੇ ਦਿਨ ਪਹਿਲਾਂ ਦਿੱਲੀ ਵਿਚ ਉਹ ਲੱਛਮੀ ਨੂੰ ਮਿਲਿਆ। ਲੱਛਮੀ ਨੂੰ ਮਿਲਣ ਆਇਆ ਕਹਿੰਦਾ ਤੰਤਰ ਦੀ ਸਾਰੀ ਇਕੱਠੀ ਕੀਤੀ ਸਮੱਗਰੀ ਉਹ ਮੈਨੂੰ ਸੌਂਪਣਾ ਚਾਹੁੰਦੈ। ਉਸ ਕੋਲ ਤੰਤਰ ਪੇਂਟਿੰਗਜ਼ ਅਤੇ ਤੰਤਰ ਆਰਟ ਦਾ ਭਰਪੂਰ ਖਜ਼ਾਨਾ ਹੋਵੇਗਾ। ਲੱਛਮੀ ਨੂੰ ਕਹਿਣ ਲੱਗਾ- ਮੈਂ ਓਸ਼ੋ ਨੂੰ ਸਾਰਾ ਕੁਝ ਦੇਣਾ ਚਾਹਿਆ ਸੀ ਕਿਉਂਕਿ ਮੈਨੂੰ ਪਤੈ ਉਹੀ ਇਕ ਆਦਮੀ ਹੈ ਜਿਹੜਾ ਆਰਟ ਅਤੇ ਤੰਤਰ ਦੇ ਮਾਇਨੇ ਜਾਣਦੇ। ਪਰ ਮੈਂ ਡਰ ਗਿਆ ਸੀ, ਕਿਸੇ ਵੀ ਤਰੀਕੇ ਮੇਰਾ ਨਾਮ ਜੇ ਓਸ਼ੋ ਨਾਲ ਜੁੜ ਗਿਆ ਤਾਂ ਮੇਰੇ ਲਈ ਮੁਸੀਬਤ ਖੜੀ ਹੋ ਸਕਦੀ ਹੈ। ਅਖੀਰ ਉਮਰ ਭਰ ਇਕੱਠੀ ਕੀਤੀ ਸਮੱਗਰੀ ਮੈਂ ਭਾਰਤ ਸਰਕਾਰ ਨੂੰ ਦਾਨ ਦੇ ਦਿੱਤੀ।

ਇਹ ਕਿਤਾਬਾਂ ਚੰਗੀਆਂ ਲੱਗੀਆਂ ਪਰ ਇਸ ਬੰਦੇ ਬਾਰੇ ਕੀ ਕਰੀਏ? ਅਜੀਤ ਮੁਖਰਜੀ ਕਿ ਅਜੀਤ ਮੂਸਾ? ਏਨਾ ਬੁਜ਼ਦਿਲ! ਜਿਹੜਾ ਏਨਾ ਡਰਪੋਕ ਹੋਵੇ ਉਹ ਸਮਝ ਸਕਦੇ ਤੰਤਰ ਨੂੰ? ਅਸੰਭਵ। ਜੋ ਉਸ ਨੇ ਲਿਖਿਆ ਕੇਵਲ ਬੌਧਿਕਤਾ ਹੈ। ਦਿਲ ਦੀ ਗਲ ਨਾ ਹੋਈ ਨਾ ਹੋ ਸਕਦੀ ਹੈ। ਦਿਲ ਜਦੋਂ ਹੈ ਈ ਨੀ ਉਸ ਕੋਲ। ਸਰੀਰ ਵਿਗਿਆਨ ਪੱਖੋ ਚੂਹੇ ਦਾ ਵੀ ਦਿਲ ਹੁੰਦਾ ਹੈ ਪਰ ਅਜੀਤ ਦੀ ਛਾਤੀ ਵਿਚ ਹੈ ਨਹੀਂ। ਉਸ ਦੀ ਛਾਤੀ ਵਿਚ ਫੇਫੜੇ ਹਨ। ਆਦਮੀ ਇਹੋ ਜਿਹੀ ਚੀਜ਼ ਹੁੰਦਾ ਹੈ ਜਿਸ ਕੋਲ ਫੇਫੜਿਆਂ ਤੋਂ ਇਲਾਵਾ ਵੀ ਕੋਈ ਚੀਜ਼ ਹੋਇਆ ਕਰਦੀ ਹੈ, ਉਸ ਨੂੰ ਦਿਲ ਕਹਿੰਦੇ ਹਨ। ਦਿਲ ਹੌਸਲੇ, ਪਿਆਰ, ਸੂਰਮਗਤੀ ਦੇ ਮਾਹੌਲ ਵਿਚ ਪ੍ਰਵਾਨ ਚੜ੍ਹਿਆ ਕਰਦੈ। ਕੇਹਾ ਕਮਜ਼ੋਰ ਬੰਦੈ ਵਿਚਾਰਾ। ਪਰ ਕਿਤਾਬਾਂ ਦੀ ਮੈਂ ਦਾਦ ਦਿੰਨਾ। ਚੂਹਾ ਕਮਾਲ ਕਰ ਗਿਆ। ਤੰਤਰ ਲਈ ਅਤੇ ਸੱਚ ਦੇ ਮੁਤਲਾਸ਼ੀਆਂ ਲਈ ਇਹ ਦੋ ਕਿਤਾਬਾ ਹਮੇਸ਼ ਬੜੀਆਂ ਮਹੱਤਵਪੂਰਨ ਰਹਿਣਗੀਆਂ। ਇਸ ਅਜੀਤ ਮੂਸੇ ਨੂੰ ਯਾਨੀ ਕਿ ਅਜੀਤ ਮੁਖਰਜੀ ਨੂੰ ਖਿਮਾ ਕਰੋ, ਭੁਲ ਜਾਉ।

ਚੇਤੇ ਰਖਣਾ ਅਜੀਤ ਮੁਖਰਜੀ ਮੈਂ ਤੇਰੇ ਖਿਲਾਫ ਨਹੀਂ, ਕਿਸੇ ਦੇ ਵੀ ਖਿਲਾਫ ਨਹੀਂ। ਦੁਨੀਆਂ ਵਿਚ ਮੇਰਾ ਕੋਈ ਦੁਸ਼ਮਣ ਨਹੀਂ ਭਾਵੇਂ ਲੱਖਾਂ ਲੋਕ ਮੈਨੂੰ ਆਪਣਾ ਦੁਸ਼ਮਣ ਸਮਝਦੇ ਹਨ। ਉਨ੍ਹਾਂ ਦੀ ਉਹ ਜਾਣਨ। ਮੈਂ ਇਹਦਾ ਕੀ ਕਰਾਂ? ਮੈਂ ਤੈਨੂੰ ਪਿਆਰ ਕਰਦਾਂ ਅਜੀਤ ਕਿਉਂਕਿ ਤੂੰ ਤੰਤਰ ਦੀ ਸਹੀ ਸੇਵਾ