ਬੈਨਿਟ ਨੇ ਲਿਖਿਆ ਜ਼ਿੰਦਗੀ ਵਿਚ ਇਸ ਤਰ੍ਹਾਂ ਤਾਕਤ ਦਾ ਸੰਚਾਰ ਮੈਂ ਨਹੀਂ ਕਦੀ ਦੇਖਿਆ। ਇਉਂ ਲਗਦਾ ਸੀ ਕਿ ਕੁਝ ਅਜੀਬ ਹੈ, ਬਹੁਤ ਅਜੀਬ। ਮੈਨੂੰ ਲੱਗਾ ਮੈਂ ਕੁਝ ਵੀ ਕਰ ਸਕਦਾਂ।

ਨਸ਼ੇੜੀ ਲੋਕਾਂ ਨੂੰ ਇਉਂ ਹੋਇਆ ਕਰਦੈ, ਐਲ.ਐਸ.ਡੀ., ਭੰਗ ਜਾਂ ਹੋਰ ਕੋਈ ਨਸ਼ਾ ਖਾ ਕੇ ਲੋਕਾਂ ਨੂੰ ਲਗਣ ਲਗਦੈ ਉਹ ਕੁਝ ਵੀ ਕਰ ਸਕਦੇ ਨੇ। ਨਸ਼ਾ ਖਾ ਕੇ ਇਕ ਔਰਤ ਨੂੰ ਲੱਗਾ ਉਹ ਉਡ ਸਕਦੀ ਹੈ। ਤੀਹ ਮੰਜ਼ਲ ਉਚੀ ਖਿੜਕੀ ਖੋਲ੍ਹ ਕੇ ਨਿਊਯਾਰਕ ਵਿਚ ਉਸ ਨੇ ਛਾਲ ਮਾਰ ਦਿੱਤੀ।

ਬੈਨਿਟ ਲਿਖਦੈ- ਮੈਨੂੰ ਲੱਗਾ ਮੈਂ ਸਭ ਕੁਝ ਕਰਨ ਦੇ ਸਮਰੱਥ ਹਾਂ। ਨੈਪੋਲੀਅਨ ਦਾ ਪ੍ਰਸਿਧ ਕਥਨ ਮੈਨੂੰ ਉਸ ਵੇਲੇ ਸਮਝ ਆਇਆ : ਕੁਝ ਅਸੰਭਵ ਨਹੀਂ। ਕੇਵਲ ਸਮਝਿਆ ਨਹੀਂ, ਮੈਂ ਮਹਿਸੂਸ ਕੀਤਾ ਜੋ ਚਾਹਾਂ ਕਰ ਸਕਦਾਂ। ਪਰ ਮੈਂ ਜਾਣ ਗਿਆ, ਮੇਰੀ ਨਹੀਂ, ਇਹ ਗੁਰਜਿਫ ਦੀ ਤਾਕਤ ਸੀ। ਮੈਂ ਤਾਂ ਮਰਨ ਲੱਗਾ ਸਾਂ, ਉਸ ਨੇ ਬਚਾ ਲਿਆ।

ਇਹ ਘਟਨਾ ਦੋ ਵਾਰ ਵਾਪਰੀ, ਇਕ ਵਾਰ ਫਿਰ ਕਈ ਸਾਲ ਬਾਦ। ਪੂਰਬ ਵਿਚ ਇਸ ਨੂੰ ਟ੍ਰਾਂਸਮਿਸ਼ਨ ਕਹਿੰਦੇ ਨੇ, ਬੁਝਦੇ ਦੀਵੇ ਨੂੰ ਬਲਦਾ ਰੱਖਣ ਲਈ ਦੂਜੇ ਦੀਵੇ ਦੀ ਲਾਟ ਛਾਲ ਮਾਰ ਕੇ ਬੁਝ ਰਹੇ ਦੀਵੇ ਕੌਲ ਚਲੀ ਜਾਂਦੀ ਹੈ। ਏਨੇ ਵਡੇ ਅਨੁਭਵ ਵਿਚੋਂ ਗੁਜ਼ਰਨ ਬਾਦ ਵੀ ਬੈਨਿਟ ਡਾਵਾਂਡੋਲ ਰਿਹਾ। ਉਸਪੈਂਸਕੀ ਵਾਂਗ ਗੁਰਜਿਫ ਦੇ ਜਿਉਂਦੇ ਜੀ ਤਾਂ ਉਹ ਗਦਾਰੀ ਨਹੀਂ ਕਰ ਸਕਿਆ, ਜਦੋਂ ਗੁਰਜਿਫ ਮਰ ਗਿਆ ਫਿਰ ਦਗਾ ਦਿੱਤਾ। ਉਹ ਕਿਸੇ ਦੂਜੇ ਮੁਰਸ਼ਦ ਦੀ ਤਲਾਸ਼ ਕਰਨ ਲਗ ਪਿਆ। ਓ ਕਿਸਮਤੇ, ਓ ਬੈਨਿਟ ਦੀ ਬਦਕਿਸਮਤੇ। ਪਰ ਅਜਿਹਾ ਕਰਨ ਨਾਲ ਕਿਸੇ ਹੋਰ ਦਾ ਫਾਇਦਾ ਹੋ ਗਿਆ। ਉਸ ਨੂੰ ਸ਼ਿਵਪੁਰੀ ਬਾਬਾ ਲੱਭ ਗਿਆ। ਸ਼ਿਵਪੁਰੀ ਬਾਬਾ ਜਿੰਨਾ ਮਰਜ਼ੀ ਮਹਾਨ ਹੋਵੇ ਗੁਰਜਿਫ ਸਾਹਮਣੇ ਕੱਖ ਨਹੀਂ ਉਹ। ਬੈਨਿਟ ਨੂੰ ਕੀ ਹੋ ਗਿਆ ਸਮਝ ਨਹੀਂ ਆਉਂਦਾ ਜਦੋਂ ਕਿ ਉਹ ਵਿਗਿਆਨੀ ਸੀ, ਗਣਿਤ ਸ਼ਾਸਤਰੀ ਸੀ। ਉਹੋ, ਮਿਲ ਗਿਆ, ਸੁਰਾਗ ਮਿਲ ਗਿਆ। ਆਪਣੇ ਨਿਸ਼ਚਿਤ ਸਿਲੇਬਸ ਤੋਂ ਬਾਹਰ ਜਾਕੇ ਵਿਗਿਆਨੀ ਪੂਰੇ ਮੂਰਖ ਸਾਬਤ ਹੁੰਦੇ ਹਨ।

ਵਿਗਿਆਨ ਛੋਟੇ ਤੋਂ ਛੋਟੇ ਨੂੰ ਵੱਧ ਤੋਂ ਵੱਧ ਜਾਣਨ ਦਾ ਨਾਮ ਹੈ। ਧਰਮ ਵੱਧ ਤੋਂ ਵੱਧ ਨੂੰ ਥੋੜੇ ਤੋਂ ਥੋੜਾ ਜਾਣਨਾ ਹੈ। ਸਾਇੰਸ ਦੀ ਮੰਜ਼ਿਲ ਉਥੇ ਹੋਵੇਗੀ ਜਿਸ ਥਾਂ 'ਕੁਝ ਨਹੀਂ ਬਾਰੇ ਸਭ ਕੁਝ ਜਾਣ ਲਿਆ। ਧਰਮ ਦੀ ਸਿਖਰ ਉਥੇ ਹੋਵੇਗੀ ਜਦੋਂ ਸਭ ਕੁਝ ਜਾਣ ਲਿਆ। ਸਭ ਕੁਝ ਬਾਰੇ ਨਹੀਂ ਜਾਣਿਆ, ਬਸ ਜਾਣ ਲਿਆ, ਕੇਵਲ ਜਾਣਿਆ। ਵਿਗਿਆਨ ਅਗਿਆਨਤਾ ਦੇ ਨੁਕਤੇ ਤੇ ਜਾਕੇ ਰੁਕ ਜਾਏਗੀ, ਧਰਮ ਜਾਗਰਣ ਦੇ ਨੁਕਤੇ ਤੱਕ ਪੁੱਜੇਗਾ।

ਸਾਰੇ ਵਿਗਿਆਨੀ, ਮਹਾਂਵਿਗਿਆਨੀ ਸਮੇਤ ਸਾਰੇ, ਆਪਣੇ ਖਾਸ ਦਾਇਰੇ ਤੋਂ ਬਾਹਰ ਬੇਵਕੂਫ ਸਾਬਤ ਹੁੰਦੇ ਹਨ। ਉਹ ਬੱਚਿਆਂ ਵਾਂਗ ਵਰਤਾਉ ਕਰਦੇ ਹਨ। ਕਿਸੇ ਖਾਸ ਪੱਧਰ ਤਕ ਬੈਨਿਟ ਵਿਗਿਆਨੀ ਵੀ