ਵਿਘਨ ਨਾ ਪਾਉ। ਸੁਹਣੀਆਂ ਗੱਲਾਂ ਹੋ ਰਹੀਆਂ ਹਨ।

ਗੱਲਾਂ ਕਰਨੀਆਂ ਮੇਰੇ ਵਾਸਤੇ ਬੜੀਆਂ ਆਸਾਨ ਹਨ। ਸੁੱਤਾ ਪਿਆ ਵੀ ਮੈਂ ਗੱਲਾਂ ਕਰ ਸਕਦਾਂ ਤੇ ਉਹ ਵੀ ਠੀਕ, ਤਰਕਸੰਗਤ, ਬਾਦਲੀਲ। ਇਸ ਕਿਤਾਬ ਵਰਗਾ ਸੁਹਣਾ ਕੁਝ ਦਿਸੇ ਮੈਂ ਸਿਫਤ ਕਰਨ ਲਗ ਜਾਨਾ। ਇਸ ਕਿਤਾਬ ਦਾ ਸੁਹੱਪਣ ਤੁਹਾਨੂੰ ਉਦੋਂ ਪਤਾ ਲਗੇਗਾ ਜਦੋਂ ਤੁਸੀਂ ਇਦਰੀਸ ਸ਼ਾਹ ਦੀ ਕਿਤਾਬ ਸੂਫੀ ਸਮਝ ਜਾਉਗੇ। ਇਹ ਹੈ ਉਹ ਆਦਮੀ ਜਿਸ ਨੇ ਪੱਛਮ ਨੂੰ ਮੁੱਲਾ ਜੀ ਨਸੀਰੁੱਦੀਨ ਬਾਰੇ ਦੱਸਿਆ। ਇਹ ਉਸਦਾ ਸ਼ਲਾਘਾਯੋਗ ਯਤਨ ਹੈ। ਇਸ ਦੀ ਕੀਮਤ ਨਹੀਂ ਚੁਕਾਈ ਜਾ ਸਕਦੀ। ਪੱਛਮ ਨੂੰ ਚਾਹੀਦਾ ਹੈ ਸਦਾ ਉਸਦਾ ਰਿਣੀ ਰਹੇ। ਨਸੀਰੁੱਦੀਨ ਦੇ ਨਿਕੇ ਨਿਕੇ ਟੋਟਕਿਆਂ ਨੂੰ ਇਦਰੀਸ ਨੇ ਵਧੀਕ ਸੁੰਦਰਤਾ ਦੇ ਦਿੱਤੀ ਹੈ। ਸਾਖੀਆਂ ਅਨੁਵਾਦ ਕਰਨ ਦੀ ਸਤਿਆ ਤਾਂ ਇਸ ਬੰਦੇ ਕੋਲ ਹੈ ਹੀ, ਉਨ੍ਹਾਂ ਨੂੰ ਸੁੰਦਰ ਬਣਾ ਦਿੰਦਾ ਹੈ, ਨੈਣ ਨਕਸ਼ ਹੋਰ ਤਿੱਖੇ ਕਰ ਦਿੰਦੇ। ਲਿਸਟ ਵਿਚ ਮੈਂ ਉਸਦੀਆਂ ਸਾਰੀਆਂ ਕਿਤਾਬਾਂ ਰੱਖ ਲਈਆਂ।

ਮੇਰੀ ਗਿਣਤੀ ਠੀਕ ਐ ?

ਹਾਂ ਓਸ਼ੋ।

ਛੇਵਾਂ ਬੰਦਾ ਜਿਹੜਾ ਲਿਸਟ ਵਿਚ ਦਰਜ ਕਰਨਾ ਹੈ, ਸਾਰੀਆਂ ਕਿਤਾਬਾਂ ਸਮੇਤ, ਉਹ ਹੈ ਐਲਨ ਵੱਤਸ ਬਹੁਤ ਵਧੀਆ ਲੱਗਾ ਇਹ ਸ਼ਖਸ। ਬੁੱਧ ਹੋਰ ਕਾਰਨਾ ਕਰਕੇ ਚੰਗਾ ਲੱਗਾ, ਸੁਲੇਮਾਨ ਹੋਰ ਕਾਰਨਾ ਸਦਕਾ। ਪੁੱਜੇ ਹੋਏ ਬੰਦੇ ਹਨ। ਐਲਨ ਵੱਤਸ ਅਮਰੀਕਣ ਹੈ, ਜੰਮਿਆਂ ਨਹੀਂ ਉਹ ਅਮਰੀਕਾਵਿਚ। ਅਮਰੀਕਾ ਵਿਚ ਜੰਮਿਆਂ ਨਹੀਂ ਇਸ ਲਈ ਉਸ ਤੋਂ ਕੋਈ ਉਮੀਦ ਹੈ। ਅਮਰੀਕਾ ਵਿਚ ਵਸ ਗਿਆ ਸੀ। ਉਸ ਨੇ ਸ਼ਾਨਦਾਰ ਕਿਤਾਬਾਂ ਲਿਖੀਆਂ। ਸਾਰੀਆਂ ਤੋਂ ਉਪਰ ਹੈ ਚੰਨ ਦਾ ਪੰਥTHE WAY OF ZEN ਦੂਜੀ ਕਿਤਾਬ ਹੈ ਜੋ ਹੈ ਸੋ ਹੈ, THIS IS IT ਬੜੀ ਡੂੰਘੀ ਬੜੀ ਕਮਾਲ। ਖਾਸ ਗੱਲ ਇਹ ਹੈ ਕਿ ਆਦਮੀ ਪੁੱਜਿਆ ਹੋਇਆ ਨਹੀਂ, ਇਸ ਕਰਕੇ ਹੋਰ ਦਾਦ ਦੇਣੀ ਬਣਦੀ ਹੈ।

ਜਦੋਂ ਗਿਆਨ ਹੋ ਜਾਵੇ ਫਿਰ ਜੋ ਕਥਨ ਕਰੋ ਵਧੀਆ ਹੋਵੇਗਾ, ਹੋਣਾ ਹੀ ਹੈ। ਪਰ ਜਦੋਂ ਗਿਆਨ ਅਜੇ ਹੋਇਆ ਨਹੀਂ, ਹਨੇਰੇ ਵਿਚ ਭਟਕ ਰਹੇ ਹੋਵੋ ਤਾਂ ਵੀ ਕੋਈ ਛੋਟਾ ਮੋਟਾ ਰੌਸ਼ਨੀ ਦਾ ਝਰੋਖਾ ਲਭ ਸਕਦੈ। ਫਿਰ ਕਮਾਲ ਹੋ ਜਾਂਦੀ ਹੈ, ਗਜ਼ਬ। ਐਲਨ ਵੱਤਸ ਪਿਅੱਕੜ ਸੀ ਤਾਂ ਵੀ ਗਿਆਨ ਦੇ ਨਜ਼ਦੀਕ ਸੀ।

ਮਾੜੀ ਕਿਸਮਤ ਨੂੰ ਕਦੀ ਉਹ ਈਸਾਈ ਪਾਦਰੀ ਹੁੰਦਾ ਸੀ। ਪਰ ਇਸ ਤੋਂ ਖਹਿੜਾ ਛੁਡਾ ਲਿਆ। ਥੋੜੇ ਲੋਕਾਂ ਵਿਚ ਹਿੰਮਤ ਹੁੰਦੀ ਹੈ ਪੁਜਾਰੀ ਦਾ ਧੰਦਾ ਛੱਡਣ ਦੀ ਕਿਉਂਕਿ ਇਥੇ ਦੁਨੀਆਂ ਦੇ ਸੁਖ ਆਰਾਮ