Credo quia absurdum, ਇਹ ਅੱਖਰ ਹੀਰਿਆਂ ਨਾਲ ਮੜ੍ਹਨੇ ਚਾਹੀਦੇ ਹਨ, ਸੋਨੇ ਵਿਚ ਨਹੀਂ। ਸੋਨਾ ਬਹੁਤ ਸਸਤਾ ਹੈ। ਕਥਨ ਕਿੰਨਾ ਕੀਮਤੀ ਹੈ, ਕਿਉਂਕਿ ਬੇਤੁਕਾ ਹੈ ਇਸ ਲਈ ਮੈਨੂੰ ਇਸ ਤੇ ਵਿਸ਼ਵਾਸ ਹੈ। ਤਰਤੁਲੀਆਂ ਰੂਹਾਨੀ ਕਥਨ ਨਾਮ ਦੀ ਕਿਤਾਬ ਲਿਖ ਸਕਦਾ ਸੀ ਖਲੀਲ ਜਿਬਰਾਨ ਨਹੀਂ।

ਖਲੀਲ ਜਿਬਰਾਨ ਨੂੰ ਬੰਦਗੀ ਕਰਨੀ ਚਾਹੀਦੀ ਹੈ। ਉਸ ਲਈ ਬੰਦਗੀ ਕਰਨ ਦਾ ਸਮਾਂ ਹੈ ਤੇ ਮੇਰੇ ਲਈ ਚੁਪ ਕਰਨ ਦਾ ਪਰ ਮੈਂ ਚੁਪ ਕਰ ਨਹੀਂ ਸਕਦਾ ਕਿਉਂਕਿ ਪੰਜਾਹ ਦੀ ਗਿਣਤੀ ਪੂਰੀ ਕਰਨੀ ਹੈ।

ਦਸਵੀਂ ਕਿਤਾਬ ਹੁਣ। ਠੀਕ ਹੈ ਦੇਵਗੀਤ ?

ਅਸੀਂ ਪੰਜਾਹ ਪੂਰੀਆਂ ਕਰ ਲਈਆਂ ਹਨ ਓਸ਼ੋ, ਪਿਛਲੀ ਗਿਣਤੀ ਦਸ ਸੀ।

ਫਿਰ ਮੈਂ ਇਕਵੰਜਾ ਪੂਰੀਆਂ ਕਰਾਂਗਾ ਕਿਉਂਕਿ ਇਕ ਹੋਰ ਕਿਤਾਬ ਰਹਿ ਗਈ ਹੈ ਜ਼ਿਕਰ ਖੁਣੋ। ਗਿਣਤੀ ਜੋ ਮਰਜ਼ੀ ਹੋਵੇ ਇਕ ਕਿਤਾਬ ਨਜ਼ਰੰਦਾਜ਼ ਨਹੀਂ ਹੋਣੀ ਚਾਹੀਦੀ। ਤੂੰ ਵੀ ਮੇਰੇ ਵਾਂਗ ਕਰ, ਕਿਸੇ ਨਾ ਕਿਸੇ ਥਾਂ ਤੇ ਜੋੜ ਗਲਤ ਕਰ ਜਾ ਤੇ ਅਖੀਰ ਸਹੀ ਗਿਣਤੀ ਗਿਣਾ ਦੇ।

ਗਿਆਰਵੀਂ ਸੈਮੁਅਲ ਬੈਕਟ ਦੀ ਗੋਦੋ, Samuel Backett's WAITING FOR GODOT. ਗੋਦੋ ਦਾ ਕੀ ਮਾਇਨਾ ਹੈ ਕੋਈ ਨੀਂ ਜਾਣਦਾ ਜਿਵੇਂ ਰੱਬ ਦੇ ਮਾਇਨੇ ਦਾ ਕਿਸੇ ਨੂੰ ਪਤਾ ਨਹੀਂ। ਬੈਕਟ ਨੇ ਦਰਅਸਲ GOD ਵਾਸਤੇ GODOT ਲਫਜ਼ ਘੜ ਕੇ ਵੱਡਾ ਕੰਮ ਕੀਤਾ। ਸਭ ਕੁਝ ਕਿਸੇ ਗ਼ੈਰਹਾਜ਼ਰ ਦੀ ਇੰਤਜ਼ਾਰ ਵਿਚ ਹਨ ਕਿਉਂਕਿ ਰੱਬ ਹੈ ਨਹੀਂ। ਹਰੇਕ ਉਡੀਕਵਾਨ ਹੈ, ਕੁਝ ਨਹੀਂ ਹਾਸਲ ਕਰਨ ਦਾ ਉਡੀਕਵਾਨ। ਗਿਣਤੀ ਬੇਸ਼ਕ ਪੂਰੀ ਹੋ ਗਈ ਸੀ ਤਾਂ ਹੀ ਮੈਂ ਇਸ ਕਿਤਾਬ WAINTING FOR GODOT ਨੂੰ ਲਿਸਟ ਵਿਚ ਸ਼ਾਮਲ ਕਰਨਾ ਸੀ।

ਹੁਣ ਬਸ ਦੋ ਮਿੰਟ ਹੋਰ ਇੰਤਜ਼ਾਰ ਕਰੋ। ਸ਼ੁਕਰੀਆ।