ਉਡ ਗਈਆਂ ਚਿੜੀਆਂ ਉਡ ਗਏ ਤੱਤੇ, ਉਡ ਗਏ ਪੰਛੀ ਸਾਰੇ ।
ਸਾਰੀ ਰਾਤ ਮੈਂ ਕਰਾਂ ਉਡੀਕਾਂ, ਤੋਂ ਬਚਨਾਂ ਦੇ ਮਾਰੇ ।
ਤੇਰੇ ਬਾਝੋਂ ਕਿਹੜਾ ਸਾਡੀ ਇਹ ਤੱਤੀ ਹਿਕ ਠਾਰੇ ॥
ਨੀ ਅਖੀਆਂ ਮੋੜ ਗਈ, ਲਾ ਛੜਿਆਂ ਨੂੰ ਲਾਰੇ ।
-----
ਮਿਠੀਆਂ ਮਾਰ ਕੇ ਇਹ ਠਗ ਲੈਂਦੇ, ਐਵੇਂ ਮੂੰਹ ਨਾ ਲਾਈਏ ।
ਖੜ ਕੇ ਮੋੜ ਤੇ ਕਰਨ ਮਸ਼ਕਰੀ, ਦੜ ਵਟ ਲੰਘ ਜਾਈਏ ।
ਕਤਕ ਦੀ ਜੇ ਪਵੇ ਬਿਮਾਰੀ, ਰਬ ਦਾ ਸ਼ੁਕਰ ਮਨਾਈਏ ।
ਇਹਨਾਂ ਛੜਿਆਂ ਦਾ, ਰਤਾ ਵਿਸਾਹ ਨਾ ਖਾਈਏ ।
ਕਤਕ ਕੌਣ ਕਿਸੇ ਦਾ ਬਣਦਾ, ਦੁਖੜੇ ਸਹੇ ਪ੍ਰਾਣੀ।
ਚੰਦਰਮਾ ਨੇ ਕੀ ਵਲ ਪਾਇਆ, ਭੋਗੀ ਨਾਰ ਬਿਗਾਨੀ ।
ਆਪਦੇ ਘਰ ਵਿਚ ਜੀਅ ਪਰਚਾਈਏ, ਘਰ ਦੀ ਹੋਵੇ ਜ਼ਨਾਨੀ ।
ਬਦੀਆਂ ਨਾ ਕਰ ਵੇ, ਦੋ ਦਿਨ ਦੀ ਜ਼ਿੰਦਗਾਨੀ ।
