ਕਣਕ ਤੇ ਮੱਕੀ ਦੀਆਂ ਰੋਟੀਆਂ ਪਕਾਨੀ ਆਂ।
ਪਾਲਕ ਤੇ ਗੰਦਲਾਂ ਦਾ ਸਾਗ ਮੈਂ ਬਣਾਨੀ ਆਂ ।
ਤੂਤਾਂ ਵਾਲੇ ਖੋਤ ਨਾਲੇ, ਰੋਟੀ ਲੈਕੇ ਜਾਨੀ ਆਂ।
ਵਿਚ ਰੁੱਗ ਮਖਣੀ ਦਾ ਪਾਵਾਂਗੀ, ਨੀ ਮਾਹੀ ਵਾਲੀ ਸਿਹਤ ਬਣਾਵਾਂਗੀ।
ਚੜ੍ਹਕੇ ਆ ਗਿਆ ਬੱਦਲ ਸੌਣ ਦਾ, ਠੰਡੀਆਂ ਵਗਣ ਹਵਾਵਾਂ।
ਘਰ ਆਉਣਾ ਮੇਰੇ ਢੋਲ ਮਾਹੀ ਨੇ, ਮੈਂ ਦੁੱਧ ਨੂੰ ਜਾਗ ਨਾ ਲਾਵਾਂ ।
ਪੀ ਨਾ ਜਾਣ ਮਲਾਈਆਂ ਕਿਧਰੇ, ਮੈਂ ਪਈ ਕਾਗ ਉਡਾਵਾਂ।
ਨੀ ਸਾਡੇ ਵੇਹੜੇ ਚੰਨ ਚੜ੍ਹਨਾ, ਮੈਂ ਲੱਖ ਲੱਖ ਸ਼ੁਕਰ ਮਨਾਵਾਂ ।
ਢੋਲ ਮਾਹੀ ਨੂੰ ਦੇਈਂ ਸੁਨੇਹਾ, ਮੇਰੇ ਕਾਲਿਆ ਕਾਵਾਂ।
ਕੋਇਲਾਂ ਵਾਂਗੂ ਇਹ ਤਪਦਾ, ਵਿਛੜੀ ਕੂੰਜ ਕੁਰਲਾਵਾਂ।
ਵੇ ਉਡ ਜਾ ਸੁਨੇਹੇ ਵਾਲਿਆ, ਤੈਨੂੰ ਚੂਰੀਆਂ ਨਾਲ ਰਜਾਵਾਂ।
ਵੇ ਮਾਹੀ ਪਰਦੇਸ ਗਿਆ, ਮੈਂ* ਲਿਖ ਚਿੱਠੀਆਂ ਪਾਵਾਂ,
