ਆ ਵੇ ਯਾਰਾ ਜਾਹ ਵੇ ਯਾਰਾ, ਡਾਹਾਂ ਲਾਲ ਪੰਘੂੜਾ ।
ਹਾਰੇ ਵਿਚੋਂ ਦੁਧ ਕਢ ਲਿਆਵਾਂ, ਕੋਠੀ ਵਿਚੋਂ ਬੁਰਾ।
ਚੰਦ ਨਾਲੋਂ ਤੋਂ ਸੋਹਣਾ ਲਗਦੈ, ਮਿਠਿਆਂ ਵਾਂਗ ਅੰਗੂਰਾਂ ।
ਬਹਿਕੇ ਸੁਣ ਮਿੱਤਰਾ, ਮਤਲਬ ਕਰ ਦੇ ਪੂਰਾ ।
ਯਾਦਾਂ ਹੱਥ ਸੁਨੇਹੇ ਦੋਕੇ, ਤੂੰ ਸੁਪਨੇ ਵਿਚ ਆਈ ।
ਰਾਤ ਬੀਤ ਗਈ ਹਾਲ ਸੁਣਾਉਂਦੇ, ਤੂੰ ਤੜਕੇ ਨਹੀਂ ਥਿਆਈ।
ਜੇ ਜਾਣਾ ਇਹ ਸੁਪਨਾ ਹੈਸੀ, ਤੇਰੀ ਵੀ ਸੁਣ ਲੈਂਦਾ ।
ਜਾਵਣ ਦੀ ਜੇ ਹੈਸੀ ਕਾਹਲੀ, ਫਿਰ ਆਵਣ ਲਈ ਕਹਿੰਦਾ।
ਨੀਂ ਆਕੇ ਮਿਲ ਬਲੀਏ, ਹੁਣ ਵੀ ਵਿਛੋੜਾ ਸਹਿੰਦਾ ।
ਸੁਣ ਨੀਂ ਕੁੜੀਏ ਮੇਰੇ ਹਾਣਦੀਏ, ਵਕਤ ਰਹਿ ਗਿਆ ਥੋੜਾ ।
ਤੇਰੀ ਗਲੀ ਵਿਚ ਗੇੜੇ ਮਾਰਦਾ, ਲੋਕੇ ਕਾਬਲੀ ਘੋੜਾ ।
ਇਸ਼ਕ ਤੇਰੇ ਦਾ ਵਢਕੇ ਖਾ ਗਿਆ, ਏਹ ਹੱਡੀਆਂ ਨੂੰ ਝੋਰਾ ।
ਅੰਬਰੀਂ ਉਡ ਚਲੀਏ, ਲੈ ਘੁਗੀਆਂ ਦਾ ਜੋੜਾ।
