ਮੱਟੀਆਂ ਮੱਟੀਆਂ ਮੱਟੀਆਂ, ਮੁੰਡਿਆਂ ਦੀ ਲਾਰ ਬੱਝ ਗਈ,
ਗਿੱਧਾ ਪਾਉਣ ਨੂੰ ਜੜਾ ਲਈਆਂ ਫੱਟੀਆਂ।
ਮੇਲਣਾਂ ਦੀ ਸੰਗ ਫੁਟ ਗਈ, ਹੁਣ ਨੱਚਣੇਂ ਮੂਲ ਨ ਹੱਟੀਆਂ।
ਧਰਤੀ ਦਮਕ ਰਹੀ, ਜਦੋਂ ਨੱਚਣ ਮੇਲ ਦੀਆਂ ਜੱਟੀਆਂ ।
ਪੈਰ ਦਾ ਤੂੰ ਲੰਜਾ ਮੇਰਾ, ਮੋਚੀ ਘਰ ਆਕੇ ਵੇ ।
ਜੁੱਤੀ ਵੀ ਬਣਾਦੇ ਨਾਲੇ, ਸੁੱਚਾ ਤਿਲਾ ਲਾਕੇ ਵੇ ।
ਪਹਿਲੀ ਪਹਿਲੀ ਵਾਰ ਜਾਵਾਂ, ਸਹੁਰਿਆਂ ਨੂੰ ਪਾਕੇ ਵੇ ।
ਤੇਰਾ ਜੱਸ ਗਿਧਿਆਂ ਵਿਚ ਗਾਵਾਂ ਵੇ ।
ਤੈਨੂੰ ਸੱਚੀਆਂ ਮੈਂ ਆਖ ਸੁਣਾਵਾਂ ਵੇ ।
ਚਾਹਾਂ ਪੀ ਪੀ ਹਲਕ ਫੂਕ ਲਏ, ਨਾਂ ਨਹੀਂ ਦੁੱਧ ਦਾ ਲੈਂਦੇ ।
ਚੂਹਿਆਂ ਵਰਗੇ ਗਭਰੂ ਰਹਿ ਗਏ, ਖਾ ਖਾ ਗੋਲੀਆਂ ਪੈਂਦੇ।
ਨਦੀਆਂ ਦੇ ਤਾਂ ਜੋਬਨ ਖੁਰ ਗਏ, ਲੱਕ ਘਗਰੇ ਨਹੀਂ ਸਹਿੰਦੇ ।
ਨੱਚਦੀ ਸਿਆਮੈਂ ਦੇ, ਡੋਬ ਕਾਲਜ ਪੈਂਦੇ ।
