ਤਾਰਾ ਤਾਰਾ ਤਾਰਾ ।
ਵੇ ਤੋਰੀ ਆਈ ਮੈਂ ਮਰਜਾਂ, ਮੇਰੇ ਜਿਗਰੀ ਮੁਲਾਹਜੇਦਾਰਾ।
ਵੇ ਨਿੱਕੀ ਗਲੋਂ ਗੁਸਾ ਮੰਨਿਆ, ਐਵੇਂ ਚਾੜਿਆ ਕਾਸਤੋਂ ਪਾਰਾ ।
ਵੇ ਕਣੀਆਂ ਵਰਸਗੀਆਂ, ਨਾਲੇ ਹੋ ਗਿਆ ਗਲੀ ਵਿਚ ਗਾਰਾ ॥
ਵੇ ਦਿਲ ਨੂੰ ਟਿਕਾਣੇ ਰਖੀਏ, ਤੇਰਾ ਲਾਹ ਦਾ ਉਲਾਭਾ ਸਾਰਾ ।
ਠਾਣਾ ਠਾਣਾ ਠਾਣਾ।
ਭੁਲਰਾਂ ਦੀ ਕੁੜੀ ਛੇੜਲੀ, ਕਾਹਨੂੰ ਜੱਟ ਸਿੱਧੂਆ ਅਣਜਾਣਾ ।
ਬੰਦਿਆਂ ਵਾਂਗੂ ਸਮਝ ਕਰੀਂ ਨਹੀਂ ਉਲਝ ਹੋਰ ਵੀ ਭਾਣਾ ।
ਗਲ ਤੇਰੀ ਨਹੀਂ ਬਣਨੀ, ਜਟਾ ਮੰਨ ਸਤਿਗੁਰਾਂ ਦਾ ਭਾਣਾ ।
ਆਖੇ ਲਗ ਜਾ ਮਿੱਤਰਾ, ਵਡ ਕੈਂਪਸ ਵਲ ਜਾਣਾ।
ਧਾਵੇ ਧਾਵੇ ਧਾਵੇ।
ਉਹਦੇ ਨਾਲ ਅੱਖ ਲੜ ਗਈ, ਜੇਹੜੀ ਦਿਲ ਚੋਂ ਕਢੀ ਨਾ ਜਾਵੇ ।
ਮੋਰਨੀ ਦੀ ਤਰ ਤੁਰਦੀ, ਗੁੱਤ ਲੱਕ ਨੂੰ ਵਲੇਵੇਂ ਖਾਵੇ ।
ਉਹਨੂੰ ਦੇਖ ਹੋਸ਼ ਕੁਲਦੀ, ਅੱਖਾਂ ਭਰੀਆਂ ਤੋਂ ਪਲਕ ਹਲਾਵੇ।
ਜੱਟ ਪਿਆ ਤੜਫ ਰਿਹਾ, ਕਿਸੇ ਕੋਲ ਜੱਟੀ ਮਿਲ ਜਾਵੇ।
