ਉਹ ਤਾਂ ਕਦ ਦੇ

ਗੁੰਮ ਹੋ ਗਏ ਨੇ

ਪੱਬਾਂ.... ਕੱਲਬਾਂ.....ਡਿਸਕੋ....ਕਸੀਨੋ ‘ਚ

ਸਵਦੇਸ਼ੀ ਦੀ ਥਾਂ ਹੁਣ

ਉਦਾਰੀਕਰਣ....

ਵਿਸ਼ਵੀਕਰਨ.....

ਗਲੋਬਲੀਕਰਣ

…………ਤੇ ਹੋਰ ਪਤਾ ਨਹੀਂ

ਕੀ ਕੁਝ ਆ ਗਿਆ ਹੈ

ਇਸ ਮੁਲਕ ਅੰਦਰ

ਭਗਤ ਸਿੰਘ।

............

ਸੱਤਾ ਇਕ ਅਮੀਰ ਹੱਥੋਂ

ਦੂਜੇ ਅਮੀਰ ਹੱਥ ਚਲੀ ਗਈ

ਤੇ ਆਜ਼ਾਦ ਦੇਸ਼ ਦੇ ਗਰੀਬਾਂ ਨੂੰ

ਇਕ ਨਵੀਂ ਗੁਲਾਮੀ ਮਿਲ ਗਈ

ਸੱਚ ਮੁੱਚ ! ਭਗਤ ਸਿੰਘ!

ਬਹੁਤ ਕੁਝ ਬਦਲ ਗਿਆ ਹੈ

ਤੇਰੀ ਫਾਂਸੀ ਤੋਂ ਬਾਦ........,

ਸ਼ਹੀਦ ਭਗਤ ਸਿੰਘ-ਅਣਥੱਕ ਜੀਵਨ ਗਾਥਾ ਦੀ ਰਚਨਾ ਕਰਕੇ ਜਿਥੇ ਉਹ ਸ਼ਹੀਦ ਭਗਤ ਸਿੰਘ ਤੇ ਉਸਦੇ ਸਾਥੀਆਂ ਨੂੰ ਇਕ ਸੱਚੀ-ਸੁੱਚੀ ਸ਼ਰਧਾਂਜਲੀ ਅਰਪਿਤ ਕਰਦੀ ਹੈ, ਉਥੇ ਆਧੁਨਿਕ ਪੰਜਾਬੀ ਨੌਜਵਾਨਾਂ ਲਈ ਪ੍ਰੇਰਨਾਦਾਇਕ ਅਤੇ ਉਸਾਰੂ ਸਾਹਿਤ ਦੀ ਸਿਰਜਣਾ ਵੀ ਕਰਦੀ ਹੈ ਅਤੇ ਪੰਜਾਬੀ ਮਹਾਂ ਕਾਵਿ ਦੀ ਵਿਧਾ ਵਿਚ ਵਿਸਤਾਰ ਵੀ ਕਰਦੀ ਹੈ। " ਆਸ ਕੀਤੀ ਜਾ ਸਕਦੀ ਹੈ ਕਿ ਇਸ ਨੂੰ ਪੜ੍ਹ ਕੇ ਅੱਜ ਦੀ ਨੌਜਵਾਨ ਪੀੜ੍ਹੀ ਆਪਣੇ ਆਪ ਨੂੰ ਬੇਯਕੀਨੀ, ਦੁਚਿੱਤੀ ਤੇ ਭਰਮਾਂ ਤੋਂ ਮੁਕਤੀ ਪਾ ਕੇ ਸਮਾਜ ਨੂੰ ਅੱਗੇ ਵਧਣ ਤੇ ਮਜਬੂਤ ਕਰਨ ਵਿਚ ਹਿੱਸਾ ਪਾਵੇਗੀ।" ਇਸ ਮਹਾਂਕਾਵਿ ਦੇ ਵੀਹ ਕਾਂਡਾਂ ਵਿਚ ਉਹ ਭਾਰਤ ਦੇਸ਼ ਦੇ ਇਤਿਹਾਸ ਦੇ ਵਰਣਨ ਤੋਂ ਆਰੰਭ ਕਰਕੇ ਭਾਰਤ ਅਤੇ ਫਿਰ ਪੰਜਾਬ ਨੂੰ ਇਕ ਖ਼ੁਸ਼ਹਾਲ ਪ੍ਰਾਂਤ ਦੇ ਤੌਰ ਤੇ ਬਿਆਨਦੀ ਹੈ। ਸ. ਭਗਤ ਸਿੰਘ ਦੇ ਪਿੰਡ ਅਤੇ ਪਰਿਵਾਰ ਦਾ ਬਿੰਬ ਉਹ ਕੁਰਬਾਨੀ ਦੇ ਇਤਿਹਾਸਕ ਪਿਛੋਕੜ ਵਿਚ ਸਿਰਜਦੀ ਹੈ ਜੋ ਇੱਕੀਵੀਂ ਸਦੀ ਦੀ ਸਰਦਲ ਉੱਤੇ ਸਮਕਾਲੀ ਪੰਜਾਬੀ ਕਵਿਤਾ ਦੇ ਪਰਿਪੇਖ ਵਿਚ ਉਸਨੂੰ ਵੱਖਰੀ ਪਛਾਣ ਦਾ ਧਾਰਨੀ ਬਣਾਉਂਦਾ ਹੈ। "ਇਹ ਮਹਾਂਕਾਵਿ