Back ArrowLogo
Info
Profile

ਹੋਰ ਤੁਹਾਡੇ ਸ਼ਹਿਰ ਦੀਆਂ ਕੰਧਾਂ, ਤੁਹਾਡੇ ਚੁੱਲਿਆਂ ਨੂੰ ਤੁਹਾਡੇ ਖੇਤਾਂ ਤੋਂ ਅਲੱਗ ਰੱਖਣਗੀਆਂ।

ਐ ਓਰਵੇਲਿਸ ਦੇ ਲੋਕੋ ਤੁਸੀਂ ਹੀ ਮੈਨੂੰ ਦੱਸੋ ਕਿ ਤੁਹਾਡੇ ਇਨ੍ਹਾਂ ਘਰਾਂ 'ਚ ਹੈ ਕੀ? ਕੀ ਜਿਸਦੀ ਤੁਸੀਂ ਇਨ੍ਹਾਂ ਬੰਦ ਬੂਹਿਆਂ ਅੰਦਰ ਰਾਖੀ ਕਰਦੇ ਹੋ ?*

ਕੀ ਤੁਹਾਡੇ ਕੋਲ ਸਕੂਨ ਹੈ ? ਉਹ ਸ਼ਾਂਤ ਰਹਿਣ ਦੀ ਲਲ੍ਹਕ ਹੈ, ਜੋ ਤੁਹਾਡੀ ਤਾਕਤ ਦਰਸਾਉਂਦੀ ਹੈ ?

ਕੀ ਤੁਹਾਡੇ ਕੋਲ ਉਹ ਯਾਦਾਂ ਨੇ ਉਹ ਟਿਮਟਿਮਾਉਂਦੇ ਮਹਰਾਬ (ਡਾਟ, ਗੁੰਬਦ- ਅਨੁਵਾਦਕ) ਜੋ ਤੁਹਾਡੇ ਦਿਮਾਗ ਦੀਆਂ ਨਵੀਆਂ ਸਿਖਰਾਂ ਨੂੰ ਵਿਸਤਾਰ ਦੇ ਸਕਣ? ਕੀ ਤੁਹਾਡੇ ਕੋਲ ਉਹ ਸੁਹੱਪਣ ਹੈ, ਜੋ ਤੁਹਾਡੇ ਦਿਲ ਨੂੰ ਲੱਕੜ-ਪੱਥਰ ਦੀਆਂ ਬਣੀਆਂ ਵਸਤਾਂ ਤੋਂ ਦੂਰ ਕਿਸੇ ਪਵਿੱਤਰ ਪਹਾੜ 'ਤੇ ਲੈ ਜਾਂਦੈ ?

ਤੁਸੀਂ ਮੈਨੂੰ ਦੱਸੋ ਕਿ ਕੀ ਇਹ ਸਭ ਕੁਝ ਹੈ ਤੁਹਾਡੇ ਘਰਾਂ 'ਚ ?

ਜਾਂ ਫੇਰ ਤੁਹਾਡੇ ਕੋਲ ਸਿਰਫ਼ ਸੁੱਖ-ਚੈਨ ਤੇ ਸੁੱਖ-ਸਾਧਨਾਂ ਦੀ ਲਾਲਸਾ ਹੀ ਹੈ- ਉਹ ਗੁੱਝੀ ਚੀਜ਼, ਜੋ ਚੁੱਪ-ਚਪੀਤੇ ਘਰ 'ਚ ਵੜਦੀ ਤਾਂ ਇਕ ਪ੍ਰਾਹੁਣੇ ਦੀ ਤਰ੍ਹਾਂ ਹੈ, ਪਰ ਨੇ ਮੇਜ਼ਬਾਨ ਬਣ ਜਾਂਦੀ ਹੈ, ਤੇ ਫੇਰ ਸਮਾਂ ਪਾ ਕੇ ਘਰ ਦੀ ਮਾਲਿਕ?

ਓਏ, ਫੇਰ ਤਾਂ ਇਹ ਆਪਹੁਦਰੀ ਬਣ ਜਾਂਦੀ ਹੈ, ਜੋ ਆਪਣੇ ਹੁਕਮਾਂ ਤੇ ਹਦਾਇਰ ਨਾਲ ਤੁਹਾਨੂੰ ਵੱਸ 'ਚ ਕਰ ਕੇ ਤੁਹਾਨੂੰ ਤੁਹਾਡੀਆਂ ਕੋਠੇ ਜਿੱਡੀਆਂ ਖ਼ਾਹਿਸ਼ਾਂ ਦੀ ਕਠਪੁਤਲ ਬਣਾ ਦਿੰਦੀ ਹੈ।

ਭਾਵੇਂ ਇਹਦੇ ਹੱਥ ਰੇਸ਼ਮ ਦੇ ਹੁੰਦੇ ਹਨ, ਪਰ ਇਹਦਾ ਦਿਲ ਫ਼ੌਲਾਦ ਦਾ ਹੁੰਦੇ।

ਇਹ ਤੁਹਾਨੂੰ ਲੋਰੀ ਦੇ ਕੇ ਸੁਆ ਦਿੰਦੀ ਹੈ, ਤਾਂ ਕਿ ਇਹ ਤੁਹਾਡੇ ਸਿਰਹਾਣੇ ਖੜ੍ਹੀ ਹੋਏ ਮਨੁੱਖੀ ਦੇਹ ਦੀ ਮਰਿਆਦਾ ਦਾ ਮਖੌਲ ਉਡਾ ਸਕੇ।

ਇਹ ਤੁਹਾਡੀਆਂ ਵਿਵੇਕਸ਼ੀਲ ਗਿਆਨ-ਇੰਦਰੀਆਂ ਦਾ ਵੀ ਮਜ਼ਾਕ ਉਡਾਉਂਦੀ। ਤੇ ਉਨ੍ਹਾਂ ਨੂੰ ਘਾਹ-ਫੂਸ 'ਚ ਟੁੱਟਣ ਵਾਲੇ ਭਾਂਡਿਆਂ ਦੀ ਤਰ੍ਹਾਂ ਲਿਆ ਰੱਖਦੀ ਹੈ।

ਅਕਸਰ ਸੁੱਖ ਦੀ ਲਾਲਸਾ, ਆਤਮਾ ਦੇ ਚਾਅ ਦੀ ਹੱਤਿਆ ਕਰ ਦਿੰਦੀ ਹੈ ਤੇ ਵੇ ਉਸ ਦਾ ਮਖੌਲ ਉਡਾਉਂਦਿਆਂ ਉਸੇ ਦੀ ਅਰਥੀ ਨਾਲ ਤੁਰ ਪੈਂਦੀ ਹੈ।

ਪਰ ਤੁਸੀਂ, ਐ ਕਾਇਨਾਤ ਦੇ ਬੱਚੜਿਓ। ਜੋ ਚੈਨ 'ਚ ਵੀ ਬੇਚੈਨ ਹੋ, ਤੁਹਾਨੂੰ ਨਾ ਕਿਸੇ ਦਾ ਸ਼ਿਕਾਰ ਬਣਨਾ ਚਾਹੀਦੈ ਤੇ ਨਾ ਹੀ ਤੁਹਾਨੂੰ ਏਨਾ ਕਮਜ਼ੋਰ ਹੋਣਾ ਚਾਹੀਦੈ ਕਿ ਕੋਈ ਤੁਹਾਨੂੰ ਵਸ 'ਚ ਕਰ ਸਕੇ।

ਤੁਹਾਡਾ ਘਰ ਇਕ ਲੰਗਰ (ਸਮੁੰਦਰੀ ਬੇੜੇ ਦਾ ਲੰਗਰ) ਦੀ ਤਰ੍ਹਾਂ ਤੁਹਾਨੂੰ ਬੰਨ੍ਹਣ ਦੇ ਬਜਾਇ ਇਕ ਸ਼ਤੀਰ ਜਾਂ ਬੱਲੀ ਦੀ ਤਰ੍ਹਾਂ ਤੁਹਾਡੇ ਅੱਗੇ ਵਧਣ 'ਚ ਤੁਹਾਡਾ ਸਹਾਇਕ ਹੋਣ ਚਾਹੀਦੈ।

ਇਹ ਘਰ ਕਿਸੇ ਮਾਸ ਦੀ ਝਿਲਮਿਲਾਉਂਦੀ ਝਿੱਲੀ ਦੀ ਤਰ੍ਹਾਂ ਨਹੀਂ ਹੋਣਾ ਚਾਹੀਦਾ

* ਉਸ 'ਪਰਮ' ਦੇ ਗਿਆਨ ਦੀ ਹੋਂਦ ਤੋਂ ਸੱਖਣੇ ਘਰ ਬਾਰੇ ਕਬੀਰ ਜੀ ਵੀ ਇਸੇ ਸੁਰ 'ਚ ਕਹਿੰਦੇ ਹਨ

'ਤੇਹਿ ਘਰ ਕਿਸਕਾ ਚਾਨਡੇ ਜਿਹ ਘਰ ਗੋਬਿੰਦ ਨਾਹਿ॥

(ਹਵਾਲਾ-ਪੰਜਾਬੀ ਅਨੁਵਾਦ)

35 / 156
Previous
Next