ਮਾਤਾ ਸੁਲੱਖਣੀ

ਮਾਤਾ ਸੁਲੱਖਣੀ ਜੀ ਦਾ ਵਿਆਹ ਗੁਰੂ ਨਾਨਕ ਦੇਵ ਜੀ ਦੇ ਨਾਲ ਛੋਟੀ ਉਮਰੇ ਹੀ ਹੋ ਗਿਆ ਸੀ । ਚਾਹੇ ਗੁਰੂ ਨਾਨਕ ਜੀ ਦਾ ਦਿਲ ਦੁਨੀਆਂਦਾਰੀ ਵਿਚ ਨਹੀਂ ਸੀ ਪਰ ਸੁਲੱਖਣੀ ਜੀ ਨੇ ਅਜਿਹਾ ਸਾਥ ਦਿਤਾ ਕਿ ਗੁਰੂ ਨਾਨਕ ਜੀ ਆਪ ਨੂੰ ਬਹੁਤ ਮਾਣ ਦੇਣ ਲਗ ਪਏ ਅਤੇ ਜਦ ਵੀ ਬੁਲਾਂਦੇ 'ਪਰਮੇਸ਼ਵਰ ਕੀਏ' ਜਾਂ 'ਪ੍ਰਮੇਸ਼ਵਰ ਕੀਏ ਸੁਲੱਖਣੀਏ' ਕਰ ਬੁਲਾਂਦੇ । ਜਦ ਗੁਰੂ ਨਾਨਕ ਦੇਵ ਜੀ ਨੇ 'ਪਾਰਜਾਤੁ ਘਰਿ ਆਗਨਿ ਮੇਰੈ." ਉਚਾਰਿਆ ਹੈ ਤਾਂ ਜਗਤ ਨੂੰ ਪ੍ਰਤੀਤ ਹੋ ਜਾਣਾ ਚਾਹੀਦਾ ਹੈ ਕਿ ਕਿਤਨਾ ਆਦਰ ਉਹ ਘਰ ਵਾਲੀ ਨੂੰ ਦਿੰਦੇ ਸਨ ।

ਗੁਰੂ ਨਾਨਕ ਦੇਵ ਜੀ ਜਦੋਂ ਗ੍ਰਹਿਸਤ ਜੀਵਨ ਵਲ ਰਤਾ ਕੁ ਵੀ ਉਪਰਾਮ ਹੁੰਦੇ ਤਾਂ ਮਾਤਾ ਜੀ ਕਹਿੰਦੇ ਕਿ ਇਹ ਸਭ ਪਰਮੇਸ਼ਵਰ ਦਾ ਹੀ ਕੀਤਾ ਹੋਇਆ ਹੈ । ਅਸੀਂ ਸਭ ਤੁਹਾਡੇ ਨਾਲ ਉਸ ਦੇ ਹੁਕਮ ਨਾਲ ਹੀ ਬੱਝੇ ਹਾਂ। ਇਸਤਰੀ ਵੀ ਪਰਮੇਸ਼ਵਰ ਨੇ ਹੀ ਲਗਾਈ ਹੈ।

ਸੁਲੱਖਣੀ ਜੀ ਦਾ ਜਨਮ ਮਾਤਾ ਚੰਦੋ ਜੀ ਦੀ ਕੁੱਖੋਂ ਪਿਤਾ ਮੂਲ ਚੰਦ ਚੋਣੇ ਖਤਰੀ ਦੇ ਘਰ ਪਿੰਡ ਪਖੋਕੇ (ਗੁਰਦਾਸਪੁਰ) ਵਿਖੇ ਹੋਇਆ ਸੀ।

ਗੁਰੂ ਨਾਨਕ ਦੇਵ ਜੀ ਜਦ 15 ਵਰ੍ਹਿਆਂ ਦੇ ਸਨ ਤਾਂ ਵਿਸਾਖੀ ਵਾਲੇ ਦਿਨ ਸੁਲੱਖਣੀ ਜੀ ਨਾਲ ਕੁੜਮਾਈ ਹੋਈ । ਸ਼ਾਦੀ ਬਟਾਲੇ ਵਿਚ 24 ਜੇਠ ਸੰਮਤ 1544 (ਮਈ, 1487) ਨੂੰ ਹੋਈ। ਸੁਲੱਖਣੀ ਜੀ ਭਾਈ ਮੂਲਾ ਜੀ ਦੀ ਵੱਡੀ ਬੱਚੀ ਸੀ । ਗੁਰੂ ਨਾਨਕ ਦੇਵ ਜੀ ਦੀ ਬਰਾਤ ਵਿਚ ਹਰ ਜਾਤ ਦੇ ਲੋਕੀ ਸ਼ਾਮਲ ਹੋਏ । ਵੱਡੀ ਗੱਲ ਸਾਰਿਆਂ ਨੇ ਇਕ ਥਾਂ ਰਲ ਰੋਟੀ ਖਾਧੀ ਭਾਵੇਂ ਉਸ ਵਕਤ ਜਾਤਿ, ਧਰਮ, ਊਚ ਨੀਚ ਦਾ ਬਹੁਤ ਬੋਲਬਾਲਾ ਸੀ । ਨਾਨਕ ਤਾਂ ਹਰ ਇਕ ਨਾਲ ਮਿਲ ਜੁਲ ਕੇ ਉਠਦੇ ਬੈਠਦੇ ਸਨ, ਉਨ੍ਹਾਂ ਦੀ ਨਜ਼ਰ ਵਿਚ ਹਰ ਕੋਈ ਸਮਾਨ ਸੀ । ਉਨ੍ਹਾਂ ਦੇ ਹਾਣੀ ਵੀ ਵਖ ਵਖ ਜਾਤਾਂ ਦੇ ਸਨ । ਸਾਰੇ ਹੀ

.....................

1. ਗੂਜਰੀ ਅਸਟ. ਮ: ੧, ਪੰਨਾ ੫੦੩