ਪਰ ਜੀਓ ਜੀ!
ਮੇਰੇ ਘਰ ਬਰੀਕ ਬਰੀਕ ਧੂੜ ਉਡ ਰਹੀ ਹੈ,
ਅੰਗਨ ਮੇਰੇ ਬੁਹਾਰਨ ਜੋਗੇ ਹੋ ਗਏ ਹਨ,
ਕਿੰਞ ਆਖਾਂ ਆਓ!
ਮੈਂ ਗਲ ਤਾਂ ਅਜੇ ਬੀ ਕਰਨੀ ਹੈ,
ਹਾਇ ਮੇਰਾ ਚਾ ਕਿੱਥੇ ਗਿਆ,
ਉਮਾਹ ਨੂੰ ਕੀ ਹੋ ਗਿਆ?
ਮੇਰਾ ਮੁਟਿਆਰ ਮੁਟਿਆਰ ਬਾਲਾ ਬਾਲਾ
ਜੋਬਨ ਹੁਲਾਰਾ ਬੁਢਾਪੇ ਪੈ ਰਿਹਾ ਹੈ
ਹੁਣ ਮੈਂ ਕਿੰਞ ਗਲ ਕਰਸਾਂ।
ਦਾਤਾ ਜੀਓ। ਸਾਂਈਆਂ ਜੀਓ!
ਮੈਂ ਕਰਨੀ ਗਲ ਜ਼ਰੂਰ ਹੈ,
ਹਾਂ ਇਕ ਗਲ ਮੈਂ ਅਜ ਤੁਸਾਂ ਦੇ ਕੰਨ ਵਿਚ ਕਰਨੀ ਸੀ।
ਕਿੰਞ ਕਰਾਂ।
ਮਹੀਨ ਮਹੀਨ ਧੂੜ ਮੈਥੋਂ ਝੱਲ ਨਹੀਂ ਹੁੰਦੀ ਸੁਹਣੇ ਸੁਹਣੇ ਜੀਓ!
ਤੁਸਾਂ ਨੂੰ ਕਿੰਞ ਸੱਦਾਂ?
ਹੁਣ ਮੈਂ ਕਿੰਝ ਕਰਾਂ?
ਸਾਂਈਆਂ ਜੀਓ!
ਮੈਂ ਅੱਜ ਤੁਸਾਡੇ ਕੰਨ ਵਿਚ ਇਕ ਗਲ ਕਰਨੀ ਸੀ। ੪੯
