ਸੁੱਕਾ ਇਕ ਗੁਲਾਬ
ਸੁੱਕਾ ਇਕ ਗੁਲਾਬ ਪਿਆ, ਡਾਇਰੀ ਦੇ ਵਿਚ,
ਟੁੱਟਾ ਇਕ ਖਵਾਬ ਪਿਆ, ਸ਼ਾਇਰੀ ਦੇ ਵਿਚ।
ਤੇਰਾ ਦਿੱਤਾ ਤੋਹਫ਼ਾ ਪਿਆ, ਅਲਮਾਰੀ ਦੇ ਵਿਚ,
ਬੁਝਿਆ ਇਕ ਦੀਪ ਪਿਆ, ਬਾਰੀ ਦੇ ਵਿਚ।
ਨਾ ਤੇਰੇ ਜਿਹਾ ਕੋਈ ਯਾਰ ਜੁੜਿਆ,
ਇਸ ਲੰਘੀ ਉਮਰ ਗੁਜ਼ਾਰੀ ਦੇ ਵਿਚ।
ਨਾ ਜਿਸ ਪਲ ਤੇਰਾ ਖਿਆਲ ਆਵੇ,
ਉਹ ਪਲ ਨਾ ਲੰਘੇ ਦਿਹਾੜੀ ਦੇ ਵਿਚ।
ਨਾ ਸਾਰੀ ਉਮਰ ਜਿੱਤਕੇ ਉਹ ਸਵਾਦ ਮਿਲਿਆ,
ਜਿੰਨਾ ਮਿਲਿਆ ਬਾਜ਼ੀ ਹਾਰੀ ਦੇ ਵਿਚ।
ਹਾਦਸੇ ਤਮਾਮ ਹੋਏ ਅਰਮਾਨ ਇਸ ਜ਼ਿੰਦਗੀ ਵਿਚ,
ਪਰ ਫੱਟ ਭਰੇ ਨਹੀਂ, ਜੋ ਮਿਲੇ ਯਾਰੀ ਦੇ ਵਿਚ।
