ਬੁੱਲਾ ਕੀ ਜਾਣਾ ਮੈਂ ਕੌਣ
ਨਾ ਮੈਂ ਤੈਨੂੰ ਯਾਦ ਕਰਦਾਂ,
ਨਾ ਮੈਂ ਤੈਨੂੰ ਭੁੱਲਿਆ ਅੱਜ ਤੱਕ।
ਤੇਰੇ ਬਾਅਦ ਤੇਰੇ ਜਿੰਨਾ,
ਕਿਸੇ ਨਾਲ ਨਹੀਂ ਖੁੱਲ੍ਹਿਆ ਅੱਜ ਤੱਕ।
ਮੇਰੀ ਵੀਰਾਨ ਜੰਗਲ ਜਿਹੀ ਜ਼ਿੰਦਗੀ ਵਿਚ,
ਨਾ ਕੋਈ ਹਨੇਰ ਤੇਰੇ ਜਿਹਾ ਝੁੱਲਿਆ ਅੱਜ ਤੱਕ।
ਮੈਂ ਕੌਣ ਇਹ ਮੈਨੂੰ ਕਿਵੇਂ ਪਤਾ ਹੋਊ,
ਇਹ ਤਾਂ ਤੈਨੂੰ ਵੀ ਨਹੀਂ ਪਤਾ 'ਬੁੱਲਿਆ' ਅੱਜ ਤੱਕ।
ਜੋ ਬੰਦ ਦਰਵਾਜ਼ਾ ਤੂੰ ਕਰਕੇ ਗਈ ਸੀ,
ਉਹ ਕਿਸੇ ਲਈ ਨਹੀਂ ਖੁੱਲਿਆ ਅੱਜ ਤੱਕ।
ਹਾਂ ਦੱਸਿਆ ਤੇ ਹੈ ਮੈਂ ਤੈਨੂੰ ਨਹੀਂ ਯਾਦ ਕਰਦਾ,
ਪਰ ਨਾ ਮੈਂ ਤੈਨੂੰ ਭੁੱਲਿਆ ਅੱਜ ਤੱਕ।
