ਅਜਨਬੀ ਮੁਹੱਬਤ
ਵਗਦੇ ਦਰਿਆਵਾਂ 'ਚ ਪਾਣੀ ਰੁੱਕ ਜਾਂਦੇ,
ਜੇ ਨਾਲ ਹਾਣਾ ਦੇ ਹਾਣੀ ਰੁੱਕ ਜਾਂਦੇ।
ਹਨੇਰੀਆਂ ਝੱਖੜ ਹਵਾ ਦੇ ਬੁੱਲੇ ਆਉਂਦੇ ਰਹਿੰਦੇ,
ਭਲਾਂ ਫੇਰ ਕਿਹੜਾ ਮੁਹੱਬਤ ਦੇ ਬੋਹੜ ਸੁੱਕ ਜਾਂਦੇ।
ਉਹਦੇ ਬਿਨਾਂ ਵੀ ਦਿਨ ਲੰਘੀ ਜਾਂਦੇ ਨੇ,
ਜੇ ਉਹ ਹੁੰਦੀ ਤਾਂ ਲੰਘ ਇਹ ਦੁੱਖ ਜਾਂਦੇ।
ਅਰਮਾਨ ਬੈਠੇ ਉਸਦੀ ਯਾਦ ਵਿੱਚ,
ਅੱਖਰ ਤੋੜ-ਤੋੜ ਜੋੜੀ ਤੁੱਕ ਤੇ ਤੁੱਕ ਜਾਂਦੇ।
ਕਿੰਨਾ ਚੰਗਾ ਹੁੰਦਾ ਜੇ ਉਹ ਸੁਪਨਾ ਸੱਚ ਹੁੰਦਾ,
ਲੈ ਬਰਾਤ ਉਹਦੇ ਵਿਹੜੇ ਢੁੱਕ ਜਾਂਦੇ।
ਜੇ ਉਹ ਅਜਨਬੀ ਜਿਹੀ ਮੁਹੱਬਤ ਮਿਲ ਜਾਂਦੀ,
ਸਾਡੇ ਜਨਮਾਂ ਦੇ ਗੇੜ ਮੁੱਕ ਜਾਂਦੇ।
